ಶ್ರೀನಿವಾಸನ್ ಹತ್ಯೆ; ಮತ್ತಿಬ್ಬರು ಪಾಪ್ಯುಲರ್ ಫ್ರಂಟ್ ಉಗ್ರರ ಬಂಧನ

           ಪಾಲಕ್ಕಾಡ್: ಆರ್.ಎಸ್.ಎಸ್. ಮಾಜಿ ಶಾರೀರಿಕ್ ಪ್ರಮುಖ್ ಶ್ರೀನಿವಾಸನ್ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಾಪ್ಯುಲರ್ ಫ್ರಂಟ್‍ನ ಮತ್ತಿಬ್ಬರು ಕಾರ್ಯಕರ್ತರನ್ನು ಇಂದು ಬಂಧಿಸಲಾಗಿದೆ.
           ಕುಲುಕಲ್ಲೂರು ಮೂಲದ ಸೈದಾಲಿ ಮತ್ತು ಕರಿಯನಾಡು ಮೂಲದ ರಶೀದ್ ಬಂಧಿತ ಆರೋಪಿಗಳು. ಸೈದಾಲಿ ಪಾಪ್ಯುಲರ್ ಫ್ರಂಟ್ ಕುಲುಕಲ್ಲೂರು ವಲಯ ಕಾರ್ಯದರ್ಶಿಯಾಗಿದ್ದು, ರಶೀದ್ ಘಟಕದ ಮಾಜಿ ಸದಸ್ಯ.
         ಶ್ರೀನಿವಾಸನನ್ನು ಕೊಂದ ಆರೋಪಿಗಳನ್ನು ಮರೆಮಾಚಲು ಸಹಾಯ ಮಾಡಿದವರು ಮತ್ತು ನಂತರ ವಾಹನಗಳನ್ನು ಬದಲಾಯಿಸಿದವರು ಇತ್ಯಾದಿ ಆರೋಪದ ಮೇಲೆ ಬಂಧಿಸಲಾಗಿದೆ.  ಇದರೊಂದಿಗೆ ಪ್ರಕರಣದ ಆರೋಪಿಗಳ ಸಂಖ್ಯೆ 47ಕ್ಕೆ ಏರಿಕೆಯಾಗಿದೆ. ಈ ಪೈಕಿ 37 ಮಂದಿಯನ್ನು ಬಂಧಿಸಲಾಗಿದೆ.
         ಈ ದಾಳಿ ಭಯೋತ್ಪಾದಕ ಸ್ವರೂಪದ್ದಾಗಿತ್ತು ಎಂದು ಎನ್‍ಐಎ ಈ ಹಿಂದೆ ಹೇಳಿಕೆ ನೀಡಿತ್ತು. ಈ ಸಂಬಂಧ ವರದಿಯನ್ನು ಗೃಹ ಸಚಿವಾಲಯಕ್ಕೆ ರವಾನಿಸಲಾಗಿದೆ. ಪಾಪ್ಯುಲರ್ ಫ್ರಂಟ್ ನಿಷೇಧದ ನಂತರ ಬಂಧಿತ ಸಂಘದ ರಾಜ್ಯ ಕಾರ್ಯದರ್ಶಿ ಸಿ.ಎ.ರವೂಫ್ ಕೊಲೆ ಸಂಚಿನಲ್ಲಿ ಭಾಗಿಯಾಗಿರುವುದು ಬಯಲಾಗಿದೆ. ಈ ವೇಳೆ ಪ್ರಕರಣವನ್ನು ಎನ್ ಐಎ ತನಿಖೆ ನಡೆಸಲಿದೆ ಎಂದು ವರದಿಯಾಗಿದೆ.
        ಇದೇ ವೇಳೆ ಪಾಪ್ಯುಲರ್ ಫ್ರಂಟ್ ಉಗ್ರರು ಪ್ರಕರಣದ ತನಿಖೆ ನಡೆಸುತ್ತಿದ್ದ ಡಿವೈಎಸ್ಪಿಗೆ ಕೊಲೆ ಬೆದರಿಕೆ ಹಾಕಿದ್ದರು. ಶವಪೆಟ್ಟಿಗೆಯನ್ನು ಸಿದ್ಧಪಡಿಸುವಂತೆ ಬೆದರಿಕೆ ಹಾಕಲಾಗಿತ್ತು. ಈ ನಿಟ್ಟಿನಲ್ಲಿಯೂ ತನಿಖೆ ನಡೆಯುತ್ತಿದೆ.