‘ಮೇಡ್ ಇನ್ ಕೇರಳ’ ಬ್ರ್ಯಾಂಡ್ ಜಾರಿಗೆ ತರಲಾಗುವುದು: ಸಚಿವ ಪಿ. ರಾಜೀವ್

                    ತಿರುವನಂತಪುರ: ಕೇರಳ ಉತ್ಪನ್ನಗಳಿಗೆ ‘ಮೇಡ್ ಇನ್ ಕೇರಳ’ ಬ್ರಾಂಡ್ ನೀಡಲಾಗುವುದು ಎಂದು ಕೈಗಾರಿಕಾ ಸಚಿವ ಪಿ. ರಾಜೀವ್ ಹೇಳಿದ್ದಾರೆ. ಕೇರಳ ಸರ್ಕಾರವು 'ಮೇಡ್ ಇನ್ ಕೇರಳ' ಬ್ರಾಂಡ್ ನೀಡುವ ನಿರ್ಧಾರವನ್ನು ಒಪ್ಪಿಕೊಂಡಿದೆ ಎಂದು ರಾಜೀವ್ ವಿಧಾನಸಭೆಯಲ್ಲಿ ಹೇಳಿದರು. ಸಣ್ಣ ಉದ್ದಿಮೆಗಳಿಗೆ ಮಾರುಕಟ್ಟೆ ಸಿಗುವಂತೆ ಮಾಡುವುದು ಸರ್ಕಾರದ ಪ್ರಯತ್ನವಾಗಿದೆ ಎಂದು ತಿಳಿಸಿದರು.
                 'ಕೇರಳದ ಬ್ರ್ಯಾಂಡ್ ಜಾಗತಿಕವಾಗಿ ಗುರುತಿಸಿಕೊಂಡಿದೆ. ಹೀಗಾಗಿ ಕೇರಳ ಬ್ರಾಂಡ್ ಜಾರಿಗೆ ತರಲು ಸರ್ಕಾರ ನಿರ್ಧರಿಸಿದೆ. ಉತ್ಪನ್ನಗಳನ್ನು ಕೇರಳ ಬ್ರಾಂಡ್ ಎಂದು ಲೇಬಲ್ ಮಾಡಲಾಗುವುದು. ಇಂತಹ ವ್ಯವಸ್ಥೆ ತಂದರೆ ಕೇರಳದ ಉತ್ಪನ್ನಗಳಿಗೆ ಮಾರುಕಟ್ಟೆಯಲ್ಲಿ ಬೆಲೆ ಸಿಗಲಿದೆ' ಎಂದು ಸಚಿವ ಪಿ. ರಾಜೀವ್ ಹೇಳಿದರು.
               ಹೊಸ ಉದ್ಯಮಗಳನ್ನು ಉಳಿಸಿಕೊಳ್ಳಲು ತಾಲೂಕು ಮಾರುಕಟ್ಟೆ ಮೇಳ ನಡೆಸಲು ಸಹ ನಿರ್ಧರಿಸಲಾಗಿದೆ. ಜನವರಿಯಲ್ಲಿ ಎರ್ನಾಕುಳಂನಲ್ಲಿ ಉದ್ಯಮಿಗಳ ಸಭೆ ನಡೆಯಲಿದೆ. ಕೆಲ್ಟ್ರಾನ್ ಎರಡು ವರ್ಷಗಳಲ್ಲಿ 1000 ಕೋಟಿ ವಹಿವಾಟು ನಡೆಸುವ ಸಂಸ್ಥೆಯಾಗಿ ಪರಿವರ್ತನೆಯಾಗಲಿದೆ ಎಂದು ಪಿ. ರಾಜೀವ್ ವಿಧಾನಸಭೆಯಲ್ಲಿ ಹೇಳಿದರು. ಕೈಮಗ್ಗ ಕ್ಷೇತ್ರದಲ್ಲಿ ಹೊಸ ಅವಕಾಶಗಳನ್ನು ಹುಡುಕಲು ಸರ್ಕಾರ ಪ್ರಯತ್ನಿಸುತ್ತಿದೆ ಎಂದು ಅವರು ಹೇಳಿದರು.