ರಾಜ್ಯಪಾಲರನ್ನು ಕುಲಪತಿ ಸ್ಥಾನದಿಂದ ತೆಗೆದುಹಾಕಲು ಮಸೂದೆ ಅಂಗೀಕರಿಸಿದ ರಾಜ್ಯ ಶಾಸಕಾಂಗ: ಪ್ರತಿಪಕ್ಷದಿಂದ ಬಹಿಷ್ಕಾರ

           ತಿರುವನಂತಪುರಂ: ರಾಜ್ಯಪಾಲರನ್ನು ಕುಲಪತಿ ಹುದ್ದೆಯಿಂದ ಕೆಳಗಿಳಿಸುವ ಮಸೂದೆಗೆ ವಿಧಾನಸಭೆ ಅಂಗೀಕಾರ ನೀಡಿದೆ. ನಿವೃತ್ತ ನ್ಯಾಯಾಧೀಶರನ್ನು ಕುಲಪತಿಯನ್ನಾಗಿ ಮಾಡುವ ಪ್ರಸ್ತಾವನೆಯನ್ನು ತಿರಸ್ಕರಿಸಿದ್ದಕ್ಕೆ ಪ್ರತಿಪಕ್ಷಗಳು ಸದನವನ್ನು ಬಹಿಷ್ಕರಿಸಿ ಪ್ರತಿಭಟನೆ ನಡೆಸಿದವು.
          ಪ್ರತಿಪಕ್ಷಗಳ ಅನುಪಸ್ಥಿತಿಯಲ್ಲಿ ಮಸೂದೆ ಅಂಗೀಕಾರವಾಯಿತು. ರಾಜ್ಯಪಾಲರನ್ನು ಕುಲಪತಿ ಹುದ್ದೆಯಿಂದ ಕೆಳಗಿಳಿಸಿ ಆ ಹುದ್ದೆಗೆ ಶಿಕ್ಷಣ ತಜ್ಞರು ಅಥವಾ ಇತರ ತಜ್ಞರನ್ನು ನೇಮಿಸುವುದು ಮಸೂದೆಯ ವಿಷಯವಾಗಿದೆ. ಕಳೆದ ಬುಧವಾರ ವಿಧಾನಸಭೆಯಲ್ಲಿ ಮಸೂದೆಯನ್ನು ಮಂಡಿಸಲಾಗಿತ್ತು. ಮುಖ್ಯಮಂತ್ರಿ ಪರವಾಗಿ ಸಚಿವ ಪಿ.ರಾಜೀವ್ ಅವರು ಮಸೂದೆಯನ್ನು ಮಂಡಿಸಿದರು.
         ಇದೇ ವೇಳೆ, ಪ್ರತಿಪಕ್ಷಗಳು ಮಸೂದೆಯಲ್ಲಿ ಕಗ್ಗಂಟಾಗಿದೆ ಎಂಬ ವಾದವನ್ನು ಎತ್ತಿದವು. ಕುಲಪತಿ ಹುದ್ದೆಗೆ ನೇಮಕವು ಐದು ವರ್ಷಗಳವರೆಗೆ ಇರುತ್ತದೆ. ಹೊಸ ತಿದ್ದುಪಡಿ ಮಸೂದೆಯು ಅನುಚಿತ ವರ್ತನೆ ಅಥವಾ ಇತರ ಸಮಸ್ಯೆಗಳ ಯಾವುದೇ ಆರೋಪಗಳಿದ್ದಲ್ಲಿ ಕುಲಪತಿಯನ್ನು ತೆಗೆದುಹಾಕಲು ಸರ್ಕಾರಕ್ಕೆ ಅಧಿಕಾರ ನೀಡುತ್ತದೆ. ಆದರೆ, ರಾಜ್ಯಪಾಲರನ್ನು ಕುಲಪತಿ ಸ್ಥಾನದಿಂದ ಕೆಳಗಿಳಿಸುವ ವಿಧೇಯಕಕ್ಕೆ ಅಂಕಿತ ಹಾಕುವುದಿಲ್ಲ ಎಂದು ರಾಜ್ಯಪಾಲರು ಹೇಳಿರುವುದರಿಂದ ವಿಧೇಯಕದ ಅಂತಿಮ ನಿರ್ಧಾರ ರಾಷ್ಟ್ರಪತಿಗಳದ್ದೇ ಆಗಿರುವುದು ಖಚಿತವಾಗಿದೆ.