ಅಮೃತಶ್ರೀ ಸದಸ್ಯರಿಗೆ ಸಹಾಯ ವಿತರಣೆ, ಅಮೃತಶ್ರೀ ಸಂಗಮ

           ಕಾಸರಗೋಡು: ನಮ್ಮ ದೇಶ ಬಿಕ್ಕಟ್ಟು ಎದುರಾದಾಗಲೆಲ್ಲ ಮಾತಾ ಅಮೃತಾನಂದಮಯಿ ದೇವಿಯವರು ಪ್ರೀತಿಯಿಂದ ನೆರವಿಗೆ ಧಾವಿಸುತ್ತಿರುವುದು ಅತ್ಯಂತ ಸಾಂತ್ವನದ ವಿಷಯವಾಗಿದೆ ಎಂದು ಶಾಸಕ ಎನ್.ಎ ನೆಲ್ಲಿಕುಂಕುನ್ ತಿಳಿಸಿದರು.
          ಅವರು ಕಾಸರಗೋಡು ನಗರಸಭಾ ಕ್ರೀಡಾಂಗಣದಲ್ಲಿ ಮಾತಾ ಅಮೃತಾನಂದಮಯಿ ಮಠದ ನೇತೃತ್ವದಲ್ಲಿ ಅಮೃತಶ್ರೀ ಸದಸ್ಯರಿಗೆ ಜಿಲ್ಲಾ ಮಟ್ಟದ ವಸ್ತ್ರ, ಧನ, ಧಾನ್ಯ ವಿತರಣೆ ಹಾಗೂ ಅಮೃತಶ್ರೀ ಸಂಗಮ ಉದ್ಘಾಟಿಸಿ ಮಾತನಾಡಿದರು.  ಜವಾಬ್ದಾರಿಯನ್ನೂ ಅಮೃತಶ್ರೀ ವಹಿಸಿಕೊಂಡಿದ್ದಾರೆ. ಕಾಸರಗೋಡು ನಗರಸಭಾ ಕ್ರೀಡಾಂಗಣದಲ್ಲಿ ನಡೆದ ಸಂಗಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
         ಸ್ವಾಮಿ ಅಮೃತಕೃಪಾನಂದಪುರಿ ಅನುಗ್ರಹ ಭಾಷಣ ಮಾಡಿದರು. ಬಿಜೆಪಿ ಜಿಲ್ಲಾಧ್ಯಕ್ಷ ರವಿಶತಂತ್ರಿ ಕುಂಟಾರು, ಡಿಸಿಸಿ ಪ್ರಧಾನ ಕಾರ್ಯದರ್ಶಿ ವಿನೋದ್ ಕುಮಾರ್, ಅಮೃತಶ್ರೀ ಸಂಯೋಜಕ ಆರ್.ರಂಗನಾಥನ್, ವೇದವೇದ್ಯಾಮೃತ ಚೈತನ್ಯ ಉಪಸ್ಥಿತರಿದ್ದರು. ಜಿಲ್ಲೆಯ ವಿವಿಧೆಡೆ ಅಮೃತಶ್ರೀ ಗುಂಪುಗಳ ಸದಸ್ಯರಾದ ಸುಮಾರು ಹತ್ತು ಸಾವಿರ ಮಹಿಳೆಯರಿಗೆ ಸಹಾಯಧನ ವಿತರಿಸಲಾಯಿತು. ಪ್ರತಿ ಸದಸ್ಯರಿಗೆ ಆಹಾರ, ಬಟ್ಟೆ, ಆರ್ಥಿಕ ಮತ್ತು ಧಾನ್ಯದ ಸಹಾಯದ ಜೊತೆಗೆ, 20 ಸದಸ್ಯರ ಪ್ರತಿ ಗುಂಪಿಗೆ ಸ್ವಯಂ ಉದ್ಯೋಗ ಘಟಕಗಳಿಗೆ ಚಟುವಟಿಕೆಯ ಬಂಡವಾಳವನ್ನು ಸಹ ವಿತರಿಸಲಾಯಿತು.