ಕೆಎಸ್‍ಆರ್‍ಟಿಸಿಯಲ್ಲಿ ಸದ್ಯ ಡಿಜಿಟಲ್ ಇಲ್ಲ: ಬಸ್‍ಗಳಲ್ಲಿ ಕ್ಯೂಆರ್ ಕೋಡ್ ಹೊಂದಿರದಿರುವುದು ಸಮಸ್ಯೆ

         ತಿರುವನಂತಪುರಂ: ಕೆಎಸ್‍ಆರ್‍ಟಿಸಿ ಪ್ರಯಾಣಿಕರ ನಿರ್ವಹಣೆ ಅಷ್ಟು ಬೇಗ ಡಿಜಿಟಲ್ ಮಾಡುವ ಸಾಧ್ಯತೆಗಳಿಲ್ಲ.  ಬಸ್‍ಗಳಲ್ಲಿ ಕ್ಯೂಆರ್ ಕೋಡ್ ಟಿಕೇಟ್ ವ್ಯವಸ್ಥೆ ಜಾರಿ ವಿಳಂಬವಾಗುತ್ತಿರುವುದೇ ಇದಕ್ಕೆ ಕಾರಣ.
           ತಾಂತ್ರಿಕ ಅಡೆತಡೆಗಳನ್ನು ಮುಂದಿಟ್ಟುಕೊಂಡು ಮ್ಯಾನೇಜ್‍ಮೆಂಟ್ ಡಿಜಿಟಲ್ ಪಾವತಿಯಿಂದ ಹಿಂದೆ ಸರಿಯುತ್ತಿದೆ.
          ಜನವರಿಯಿಂದ ಸೂಪರ್ ಕ್ಲಾಸ್ ಬಸ್‍ಗಳಲ್ಲಿ ಇದನ್ನು ಜಾರಿಗೆ ತರುವುದಾಗಿ ಮೊದಲು ಘೋಷಿಸಲಾಗಿತ್ತು. ಆದರೆ ಕ್ಯೂಆರ್ ಕೋಡ್ ನಲ್ಲಿ ಏನಾದರೂ ಲೋಪ ಕಂಡುಬಂದರೆ ಪ್ರಯಾಣಿಕರೊಂದಿಗಿನ ವಿವಾದವನ್ನು ಹೇಗೆ ಬಗೆಹರಿಸಬೇಕು ಎಂಬ ನಿರ್ಧಾರ ಕೈಗೊಳ್ಳದಿರುವುದು ವಿಳಂಬಕ್ಕೆ ಕಾರಣ ಎನ್ನುತ್ತವೆ ಕೆಎಸ್ ಆರ್ ಟಿಸಿ ಮೂಲಗಳು. ಆದರೆ ಇಟಿಎಂ ಯಂತ್ರದ ಜತೆಗೆ ಕ್ಯೂಆರ್ ಕೋಡ್ ಯಂತ್ರವನ್ನು ಕೊಂಡೊಯ್ಯಲು ಕಂಡಕ್ಟರ್ ಗಳು ನಿರಾಕರಿಸಿದ್ದು ನಿಜವಾದ ಕಾರಣ.
          ಡಿಜಿಟಲ್ ಟಿಕೆಟ್ ಪ್ರಯಾಣಿಕರಿಗೆ ದೀರ್ಘಾವಧಿಯ ಅವಶ್ಯಕತೆಯಾಗಿದೆ. ಸಣ್ಣಪುಟ್ಟ ಹಣಕ್ಕಾಗಿ ಕಂಡಕ್ಟರ್‍ಗಳು ಪ್ರಯಾಣಿಕರೊಂದಿಗೆ ಅನುಚಿತವಾಗಿ ವರ್ತಿಸುವುದು ಬಸ್‍ಗಳಲ್ಲಿ ನಿತ್ಯದ ದೃಶ್ಯವಾಗಿದೆ. ಇನ್ನು ಮುಂದೆ ಕ್ಯೂಆರ್ ಕೋಡ್ ವ್ಯವಸ್ಥೆ ಜಾರಿಗೆ ತರಬಹುದೇ ಎಂಬ ಪ್ರಶ್ನೆಗೂ ಆಡಳಿತ ಮಂಡಳಿ ಬಳಿ ಉತ್ತರವಿಲ್ಲ.