ಮಂಡಲಾ : ಮಧ್ಯಪ್ರದೇಶದ ಕನ್ಹಾ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ (ಕೆಟಿಆರ್‌) ಹುಲಿಯೊಂದು ಐದು ಮರಿಗಳಿಗೆ ಜನ್ಮ ನೀಡಿದೆ ಎಂದು ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.
'ಸಂರಕ್ಷಿತ ಪ್ರದೇಶದ ಮುಕ್ಕಿ ವಲಯದಲ್ಲಿ, ಟಿ-27 ಎಂಬ ಹೆಸರಿನ ಹುಲಿಯು ಮೊದಲ ಬಾರಿಗೆ ತನ್ನ ಮರಿಗಳೊಂದಿಗೆ ಶನಿವಾರ ಕಾಣಿಸಿಕೊಂಡಿದೆ' ಎಂದು ಕ್ಷೇತ್ರ ನಿರ್ದೇಶಕ ಎಸ್‌.ಕೆ.
ಸಿಂಗ್‌ ಅವರು ಹೇಳಿದ್ದಾರೆ.
'ತಾಯಿ ಹುಲಿಯ ವಯಸ್ಸು 9 ವರ್ಷವಾಗಿದ್ದು, ಬಹುಶಃ ಕಳೆದ ವರ್ಷದ ನವೆಂಬರ್‌ನಲ್ಲಿ ಈ ಮರಿಗಳಿಗೆ ಜನ್ಮ ನೀಡಿರಬಹುದು. ಹುಲಿಮರಿಗಳಿಗೆ ಈಗ ಸುಮಾರು ಮೂರು ತಿಂಗಳು ವಯಸ್ಸು' ಎಂದು ಕೆಟಿಆರ್‌ನ ಹಿರಿಯ ವನ್ಯಜೀವಿ ಪಶುವೈದ್ಯ ಸಂದೀಪ್‌ ಅಗರ್ವಾಲ್‌ ತಿಳಿಸಿದ್ದಾರೆ.
DOCTYPE html>
