ಕಲಾ ಮಂಡಲಂನಲ್ಲೂ ಹಿಂಬಾಗಿಲ ನೇಮಕಾತಿ: ಅನುಮತಿಯಿಲ್ಲದೆ ಏಳು ಮಂದಿಯ ನೇಮಕ: ತನಿಖೆಗೆ ಆದೇಶ

              ತ್ರಿಶೂರ್: ಕೇರಳ ಕಲಾಮಂಡಲದಲ್ಲೂ ಹಿಂಬಾಗಿಲ ನೇಮಕಾತಿ ನಡೆದಿರುವುದು ಪತ್ತೆಯಾಗಿದೆ. ಸರಕಾರದ ಅನುಮತಿ ಪಡೆಯದೇ ಮೂರು ಹಂತಗಳಲ್ಲಿ ಹಿಂಬಾಗಿಲಿನ ಮೂಲಕ ಏಳು ಮಂದಿಯನ್ನು ನೇಮಕ ಮಾಡಿರುವುದು ಆಡಿಟ್ ವರದಿಯಲ್ಲಿ ಕಂಡು ಬಂದಿದೆ.
          ನೇಮಕಾತಿ ಕುರಿತು ವಿಚಾರಣೆ ನಡೆಸುವಂತೆ ಆಡಿಟ್ ಇಲಾಖೆ ಸಂಸ್ಕøತಿ ಇಲಾಖೆ ಜಂಟಿ ನಿರ್ದೇಶಕರಿಗೆ ಪತ್ರ ಬರೆದಿದೆ.
           2014ರಲ್ಲಿ ಕೇರಳ ಕಲಾಮಂಡಲ ವಿಶ್ವವಿದ್ಯಾಲಯದಲ್ಲಿ ಪದವಿಪೂರ್ವ ವಿಭಾಗಗಳಲ್ಲಿ ಬೋಧಕರ ಸಂಖ್ಯೆಯನ್ನು 28ಕ್ಕೆ ಇಳಿಸಿ ಸರ್ಕಾರ ಆದೇಶ ಹೊರಡಿಸಿತ್ತು. ಕಲಾಮಂಡಲವು ಹೊಸ ನೇಮಕಾತಿಗಳನ್ನು ಮಾಡಲು ಬಯಸಿದರೆ, ಪ್ರತಿ ಇಲಾಖೆಯಲ್ಲಿ ಬರಬೇಕಾದ ಬೋಧಕರ ಸಂಖ್ಯೆಯನ್ನು ಸರ್ಕಾರ ನಿಗದಿಪಡಿಸಬೇಕು. ಇದನ್ನು ಉಲ್ಲಂಘಿಸಿ, 2019 ರಿಂದ 2021 ರವರೆಗೆ ಅನುಮೋದಿತ ಹುದ್ದೆಗಳ ಹೊರಗೆ ಏಳು ನೇಮಕಾತಿಗಳನ್ನು ಮಾಡಲಾಗಿದೆ. ಮೂರು ಹಂತಗಳಲ್ಲಿ ನೇಮಕಾತಿ ನಡೆದಿದೆ.
         ಎರಡನೇ ದರ್ಜೆಯ ಬೋಧಕರ ಸಂಖ್ಯೆ 28. ಆದರೆ ಏಳು ಮಂದಿಯ ಅಕ್ರಮ ನೇಮಕಾತಿಯಿಂದಾಗಿ ದ್ವಿತೀಯ ದರ್ಜೆ ಬೋಧಕರ ಏಳು ಬಡ್ತಿ ಅವಕಾಶಗಳು ಕೈತಪ್ಪಿ ಹೋಗಿವೆ. ಅಲ್ಲದೆ, ಏಳು ಪ್ರಥಮ ದರ್ಜೆ ಹುದ್ದೆಗಳನ್ನು ತೆಗೆದುಹಾಕಲಾಗಿದೆ. ನೇಮಕದ ಹಿಂದೆ ಆಡಳಿತ ನಾಯಕತ್ವದ ಒತ್ತಡವಿದೆಯೇ ಎಂಬುದು ಸೇರಿದಂತೆ ಮಾಹಿತಿ ಹೊರಬೀಳುತ್ತಿದೆ.