ಆರೆಸ್ಸೆಸ್‌ ಬಲಪಂಥೀಯವೂ ಅಲ್ಲ, ಎಡಪಂಥೀಯವೂ ಅಲ್ಲ: ಹೊಸಬಾಳೆ

 

               ಜೈಪುರ: 'ರಾಷ್ಟ್ರೀಯ ಸ್ವಯಂಸೇವಕ ಸಂಘವು (ಆರೆಸ್ಸೆಸ್‌) ಬಲಪಂಥೀಯವೂ ಅಲ್ಲ. ಎಡಪಂಥೀಯ ಸಂಘಟನೆಯೂ ಅಲ್ಲ. ಸಂಘವು ಯಾವುದೇ ರಾಜಕೀಯ ಒಲವೂ ಇಲ್ಲದೆ ದೇಶದ ಹಿತಾಸಕ್ತಿಗಾಗಿ ಕೆಲಸ ಮಾಡುತ್ತದೆ' ಎಂದು ಆರೆಸ್ಸೆಸ್‌ ಸರಕಾರ್ಯವಾಹ ದತ್ತಾತ್ರೇಯ ಹೊಸಬಾಳೆ ತಿಳಿಸಿದ್ದಾರೆ.

                  ಬುಧವಾರ ಇಲ್ಲಿ ಹಮ್ಮಿಕೊಳ್ಳಲಾಗಿದ್ದ 'ರಾಷ್ಟ್ರೀಯ ಸ್ವಯಂಸೇವಕ ಸಂಘ-ನಿನ್ನೆ, ಇಂದು ಮತ್ತು ನಾಳೆ' ವಿಷಯದ ಕುರಿತು ಮಾತನಾಡಿದ ಅವರು, 'ದೇಶದಲ್ಲಿ ನೆಲೆಸಿರುವ ಎಲ್ಲಾ ನಾಗರಿಕರೂ ಹಿಂದೂಗಳು. ಅವರ ಆರಾಧನೆಯ ವಿಧಾನಗಳು ಬೇರೆ ಬೇರೆ ಆಗಿರಬಹುದು. ಆದರೆ ಎಲ್ಲರ ಡಿಎನ್‌ಎ ಒಂದೇ' ಎಂದಿದ್ದಾರೆ.