ನಟ, ನಿರ್ದೇಶಕ ರಣಜಿ ಪಣಿಕ್ಕರ್ ಅವರ ಚಲನಚಿತ್ರಗಳನ್ನು ನಿಷೇಧಿಸಿದ ಚಿತ್ರಮಂದಿರಗಳ ಮಾಲಿಕರ ಸಂಘ

                    ತಿರುವನಂತಪುರಂ: ನಟ ಮತ್ತು ನಿರ್ದೇಶಕ ರಣಜಿ ಪಣಿಕ್ಕರ್ ಅವರನ್ನು ಥಿಯೇಟರ್ ಮಾಲೀಕರ ಸಂಘದ ಎಫ್‍ಇಒ(ಫಿಯೋಕ್) ನಿಷೇಧಿಸಿದೆ.
            ರಣಜಿ ಪಣಿಕ್ಕರ್ ಪಾಲುದಾರರಾಗಿರುವ ವಿತರಣಾ ಕಂಪನಿಯು ಬಾಕಿ ಉಳಿಸಿಕೊಂಡಿದೆ ಎಂಬ ಕಾರಣಕ್ಕೆ ನಿಷೇಧ ಹೇರಲಾಗಿದೆ. ಬಾಕಿ ತೀರುವವರೆಗೆ ರಣಜಿ ಪಣಿಕ್ಕರ್ ಅವರ ಚಿತ್ರಗಳಿಗೆ ಸಹಕರಿಸುವುದಿಲ್ಲ ಎಂದು ಫಿಯೋಕ್ ಹೇಳಿದೆ.
            ರಣಜಿ ಪಣಿಕ್ಕರ್ ನಟಿಸಿದ ಚಲನಚಿತ್ರಗಳು ಮತ್ತು ಅವರು ಬೇರೆ ಯಾವುದೇ ರೀತಿಯಲ್ಲಿ ಭಾಗವಾಗಿರುವ ಚಲನಚಿತ್ರಗಳನ್ನು ನಿಷೇಧಿಸಲಾಗಿದೆ. ಬಾಕಿ ಪಾವತಿಯಾಗುವವರೆಗೆ ಅವರ ಚಿತ್ರಗಳನ್ನು ಯಾವುದೇ ಸಂದರ್ಭದಲ್ಲೂ ಚಿತ್ರಮಂದಿರಗಳಲ್ಲಿ ಪ್ರದರ್ಶಿಸಲು ಬಿಡುವುದಿಲ್ಲ ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ. ಈ ಬಗ್ಗೆ ರಣಜಿ ಪಣಿಕ್ಕರ್ ಇನ್ನೂ ಪ್ರತಿಕ್ರಿಯಿಸಿಲ್ಲ.