ಒಂದು ಕಾಲದಲ್ಲಿ ಫಿನ್ಲ್ಯಾಂಡ್ನ ಈ ಮೊಬೈಲ್ (Mobile) ಅನ್ನು ಸೋಲಿಸುವುದು
ಯಾರಿಂದಲೂ ಸಾಧ್ಯವಿಲ್ಲ ಎನ್ನುವಷ್ಟರ ಮಟ್ಟಿಗೆ ಎಲ್ಲರ ಬದುಕಿನಲ್ಲಿ ಸ್ಥಾನ ಪಡೆದಿತ್ತು.
ಆದ್ರೆ ಈಗ ಯಾರೇ ಮೊಬೈಲ್ ತೆಗೆದುಕೊಳ್ಳಬೇಕು ಎಂದು ಯೋಚನೆ ಮಾಡುವಾಗ ನೋಕಿಯಾ ಅಂದ್ರೆ
ಹಿಂದೇಟು ಹಾಕುತ್ತಾರೆ.
ಇತ್ತೀಚೆಗೆ
ಯಾವುದಾದರು ಹೊಸ ಬ್ರ್ಯಾಂಡ್ ಬಂದರೆ ಸಾಕು ಆ ಸ್ಮಾರ್ಟ್ಫೋನ್ ಅನ್ನೇ ಖರೀದಿಸಲು
ಮುಂದಾಗುತ್ತಾರೆ.. ಆದರೆ ನೆನಪಿರಲಿ, ನೋಕಿಯಾದ ಸುಗ್ಗಿ ಕಾಲ ಮತ್ತೆ ಬರಲಿದೆ. ತನ್ನ
ಎಲ್ಲಾ ಪ್ರತಿಸ್ಪರ್ಧಿಗಳನ್ನು ಮೀರಿ ನಿಲ್ಲಲು ನೋಕಿಯಾ ಸಜ್ಜಾಗಿದೆ.
ಹೊಸ ಲೋಗೋ ಪರಿಚಯಿಸಿದ ನೋಕಿಯಾ
ನೋಕಿಯಾ ಇತ್ತೀಚೆಗೆ ಹೊಸ ಲೋಗೋವನ್ನು ಪರಿಚಯಿಸಿದೆ. ಜೊತೆಗೆ ಹೊಸ ಯುಐ(ಬಳಕೆದಾರರ
ಇಂಟರ್ಫೇಸ್ ) ಅನ್ನೂ ಕೂಡ ಪರಿಚಯಿಸಿದೆ. ಇದು ವಿನ್ಯಾಸ ಮತ್ತು ಆಯನಿಮೇಷನ್ಗಳಲ್ಲಿ
ವಿಭಿನ್ನ ಬದಲಾವಣೆ ತರುವ ಸಾಧ್ಯತೆಗಳಿವೆ. ಜೊತೆಗೆ ಫ್ಲಾಗ್ಶಿಪ್ ಬಗ್ಗೆಯೂ
ಯೋಚಿಸುತ್ತಿದೆ. ಆ ಮೂಲಕ ಅತ್ಯುತ್ತಮ ಫೀಚರ್ ಮತ್ತು ಕೈಗೆಟುಕುವ ದರದಲ್ಲಿ ಪೋನ್
ಸಿಗುವಂತೆ ನೋಡಿಕೊಳ್ಳಲು ಚಿಂತಿಸುತ್ತಿದೆ.
ಶೀಘ್ರದಲ್ಲಿಯೇ ಈ ಎಲ್ಲಾ ಅಂಶಗಳನ್ನು ಒಳಗೊಂಡ ಫೋನ್ ಬಿಡುಗಡೆಗೆ ನೋಕಿಯಾ ಯೋಚಿಸುತ್ತಿದೆ. ಇದು ನೇರವಾಗಿ ಐಪೋನ್ಗೆ ಸ್ಪರ್ಧೆಯೊಡ್ಡಲಿದೆಯಂತೆ.
ನೋಕಿಯಾ ಮ್ಯಾಜಿಕ್ ಮ್ಯಾಕ್ಸ್
ಕಂಪೆನಿಯ ನೂತನ ಯುಐ ಹೊಂದಿರುವ ಮೊದಲ ನೋಕಿಯಾ ಫೋನ್ ಇದಾಗಿರಲಿದೆ. ಇನ್ನು ಈ
ಸ್ಮಾರ್ಟ್ಫೋನ್ ಕೆಲವೊಂದು ಫೀಚರ್ಸ್ಗಳು ಲೀಕ್ ಆಗಿದ್ದು, ಇದರ ಬಗ್ಗೆ ಕಂಪ್ಲೀಟ್
ಮಾಹಿತಿ ಇಲ್ಲಿದೆ.
ಫೀಚರ್ಸ್ ಹೇಗಿದೆ?
ನೋಕಿಯಾ ಮ್ಯಾಜಿಕ್ ಮ್ಯಾಕ್ಸ್ ವಿಶಿಷ್ಟವಾದ ವಿನ್ಯಾಸ ಹೊಂದಿರುತ್ತದೆ.
ಬೇಝ್ಲೆಸ್ ಡಿಸ್ಪ್ಲೇಯೊಂದಿಗೆ ಫುಲ್ ಸ್ಕ್ರೀನ್ ಡಿಸ್ಪ್ಲೇ ಇರುತ್ತದೆ.
ಹಿಂಭಾಗದಲ್ಲಿರುವ ಕ್ಯಾಮೆರಾ, ಆಯಪಲ್ ಐಫೋನ್ ಕ್ಯಾಮೆರಾ ಮಾದರಿಯಲ್ಲಿರಲಿದೆ.
ನೋಕಿಯಾ ಮ್ಯಾಜಿಕ್ ಮ್ಯಾಕ್ಸ್
ಐಫೋನ್ನಂತೆಯೇ ಈ ಸ್ಮಾರ್ಟ್ಫೋನ್ನಲ್ಲೂ ಫ್ಲ್ಯಾಟ್ ಎಡ್ಜ್ ಇರಲಿದ್ದು ಹಿಂಬದಿಯ
ಅಂಚುಗಳು ಗುಂಡಾಗಿರುತ್ತೆ. ಇದು ಗ್ರಾಹಕರು ಫೋನ್ ಹಿಡಿದುಕೊಳ್ಳಲು ಆರಾಮದಾಯಕ
ಅನುಭವವನ್ನು ನೀಡುತ್ತದೆ.
ವಿಶೇಷತೆಗಳೇನು?
ನೋಕಿಯಾ ಮ್ಯಾಜಿಕ್ ಮ್ಯಾಕ್ಸ್ ಮುಂಭಾಗವು 6.7 ಇಂಚಿನ AMOLED ಡಿಸ್ಪ್ಲೇ
ಹೊಂದಿರುತ್ತದೆ. ಐಫೋನ್ಗಿಂತಲೂ ತೆಳು ಬೇಝಲ್ ಸ್ಕ್ರೀನ್ ಹೊಂದಿರುತ್ತದೆ. 120hz
ರಿಫ್ರೆಶ್ ರೇಟ್ ಮತ್ತು 1080*2400 ರೆಸಲ್ಯೂಷನ್ ಹೊಂದಿದೆ. ಡಿಸ್ಪ್ಲೇ ಮೇಲ್ಭಾಗದ
ಮಧ್ಯದಲ್ಲಿ 64MP ಪಂಚ್ ಹೋಲ್ ಸೆಲ್ಫಿ ಕ್ಯಾಮೆರಾವನ್ನು ನೀಡಲಾಗಿದೆ.
ಕಾರ್ಯಕ್ಷಮತೆ ಹೇಗಿದೆ?
ಸ್ನಾಪ್ ಡ್ರಾಗನ್ 8 GEN 2 ಚಿಪ್ ಒಳಗೊಂಡಿದೆ. ಜೊತೆಗೆ 8ಜಿಬಿ, 12ಜಿಬಿ ಮತ್ತು
16 ಜಿಬಿ ರ್ಯಾಮ್ ಆಯ್ಕೆಯೂ ಇದೆ. ಜೊತೆಗೆ 2 ಸ್ಟೋರೇಜ್ ಆಯ್ಕೆಗಳಿವೆ. ನೋಕಿಯಾ
ಮ್ಯಾಜಿಕ್ ಮ್ಯಾಕ್ಸ್ 256 ಜಿಬಿ ಮತ್ತು 512 ಜಿಬಿ ಸ್ಟೋರೇಜ್ ಆಯ್ಕೆ ಲಭ್ಯವಿದೆ.
ಎರಡೂ ಸ್ಟೋರೇಜ್ಗಳಲ್ಲೂ UFS 4.0 ಫಾಸ್ಟೆಸ್ಟ್ ಸ್ಟೋರೇಜ್ ತಂತ್ರಜ್ಞಾನವಿದೆ.
ಹಿಂಬದಿಯ ಕ್ಯಾಮೆರಾದಲ್ಲಿ ಮೂರು ಕ್ಯಾಮೆರಾಗಳಿದೆ. 108 ಎಮ್ಪಿ ಮುಖ್ಯ ಸಂವೇದಕ, 1
ಎಂಪಿ ಅಲ್ಟ್ರಾವೈಡ್ ಸಂವೇದಕ ಮತ್ತು 5 ಎಂಪಿ ಮ್ಯಾಕ್ರೋ ಲೆನ್ಸ್ ಹೊಂದಿದೆ. ಜೊತೆಗೆ
7,500mAh ಬ್ಯಾಟರಿ ಬ್ಯಾಕಪ್ ಹೊಂದಿದೆ. ಈ ಬ್ಯಾಟರಿಯು ಫಾಸ್ಟ್ ಚಾರ್ಜಿಂಗ್
ಟೆಕ್ನಾಲಜಿಯನ್ನೂ ಒಳಗೊಂಡಿದೆ.
ಬೆಲೆ ಎಷ್ಟು?
32,990 ರೂಪಾಯಿಗೆ ಲಭ್ಯವಿರುವ ಈ ಫೋನ್ ಕೆಂಪು, ಕಪ್ಪು, ಚಿನ್ನ ಮತ್ತು ಹಸಿರು ಈ
ರೀತಿಯ 4 ವಿಭಿನ್ನ ಬಣ್ಣಗಳ ಆಯ್ಕೆಯಲ್ಲಿ ಖರೀದಿಗೆ ಲಭ್ಯವಿದೆ. ನೋಕಿಯಾ ಮ್ಯಾಜಿಕ್
ಮ್ಯಾಕ್ಸ್ ಆಗಸ್ಟ್ 2023 ರಲ್ಲಿ ಬಿಡುಗಡೆಯಾಗಲಿದೆ ಎಂದು ಕಂಪೆನಿ ಹೇಳಿದೆ.
ಕಡಿಮೆ ದರದಲ್ಲಿ ಇಷ್ಟೆಲ್ಲಾ ವಿಶಿಷ್ಟತೆಗಳನ್ನು ಒಳಗೊಂಡ ಹೊಸ ನೋಕಿಯಾ ಫೋನ್ಗಾಗಿ
ಟೆಕ್ ಪ್ರಿಯರು ಕಾಯುತ್ತಿದ್ದಾರೆ. ಆ ನಂತರ ಇನ್ನಷ್ಟು ಹೆಚ್ಚಿನ ಮಾಹಿತಿ
ಲಭ್ಯವಾಗುತ್ತದೆ.