ಎ.ಐ. ಗ್ರೆಗೊರಿ: ಕೇರಳದ ಮೊದಲ ಎ.ಐ. ಚಾಲಿತ ರೇಡಿಯೊ ಜಾಕಿ

               ಕೊಚ್ಚಿ: “ನಮಸ್ಕಾರಂ, ನಾನ್ ಆರ್ ಜೆ ಗ್ರೆಗೊರಿ”! ರಾಜ್ಯದ ಮೊದಲ ಕೃತಕ ಬುದ್ಧಿಮತ್ತೆ (ಎಐ)ಯಿಂದ ರಚಿತವಾದ ರೇಡಿಯೋ ಜಾಕಿ ತನ್ನನ್ನು ಕೇಳುಗರು ಸರ್ಗಕ್ಷೇತ್ರ 89.6 ಎಫ್.ಎಂ ಸಮುದಾಯ ರೇಡಿಯೊಗೆ ಟ್ಯೂನ್ ಮಾಡಿದಂತೆ ಪರಿಚಯಿಸಿಕೊಂಡಿದೆ.  ಕಳೆದ ವಾರ ಕೊಟ್ಟಾಯಂನ ಮನ್ನನಂನಲ್ಲಿ ಕ್ಯಾಥೋಲಿಕ್ ಚರ್ಚ್‍ನ ಸಿಎಂಐ ಸಭೆಯ ನೇತೃತ್ವದಲ್ಲಿ ಸಮುದಾಯ ರೇಡಿಯೊವನ್ನು ಪ್ರಾರಂಭಿಸಲಾಗಿತ್ತು.
       "ಕೃತಕ ಬುದ್ಧಿಮತ್ತೆಯು ಪ್ರತಿಯೊಂದು ವಲಯದಲ್ಲಿ ತನ್ನ ಅಸ್ತಿತ್ವವನ್ನು ಹೊರಚಾಚುತ್ತಿದೆ. ಹಾಗಾದರೆ ನಮ್ಮ ರೇಡಿಯೊಗೆ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವ ಸಾಧ್ಯತೆಗಳನ್ನು ಏಕೆ ನೋಡಬಾರದು ಎಂದು ನಾವು ಯೋಚಿಸಿದೆವು. ಸರ್ಗಕ್ಷೇತ್ರ 89.6 ಎಫ್.ಎಂ. ಸಾಮಾನ್ಯ ಆರ್.ಜೆ. ಗಳೊಂದಿಗೆ ಕೃತಕ ಬುದ್ಧಿಮತ್ತೆಯ ಸಾಧ್ಯತೆಗಳನ್ನು ಬಳಸಿದ ಕೇರಳದ ಮೊದಲ ಎಫ್.ಎಂ. ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
        ಆರ್.ಜೆ. ಗ್ರೆಗೊರಿ ಯನ್ನು ಪ್ರಾಯೋಗಿಕ ಆಧಾರದ ಮೇಲೆ ಪರಿಚಯಿಸಲಾಗಿದೆ, ಎಂದು ವ್ಯವಸ್ಥಾಪಕ ನಿರ್ದೇಶಕ ಈಡಿ ಅಲೆಕ್ಸ್ ಪ್ರೈಕಳಮ್ ಹೇಳಿದ್ದಾರೆ. ಆಕಾಶವಾಣಿ ಕೇಂದ್ರವು ಕೇಳುಗರಿಗೆ ಹೊಸದನ್ನು ಪರಿಚಯಿಸಲು ಬಯಸಿದೆ ಎಂದರು. ರೇಡಿಯೋ ಒಂದು ಶ್ರಾವ್ಯ ಮಾಧ್ಯಮವಾಗಿರುವುದರಿಂದ ನಿರೂಪಕರ ಗುಣಲಕ್ಷಣಗಳತ್ತ ಗಮನ ಸೆಳೆಯಬಹುದು ಎಂದಿರುವರು.
           ಒಂದು ವಾರದ ಹಿಂದೆ ಏಳು ಯುವ ಆರ್‍ಜೆಗಳೊಂದಿಗೆ ಕಾರ್ಯನಿರ್ವಹಿಸಲು ಪ್ರಾರಂಭಿಸಿದ ಸರ್ಗಕ್ಷೇತ್ರ 89.6 ಎಫ್‍ಎಂ ಮೂಲಕ ಕೆಲವೇ ದಿನಗಳಲ್ಲಿ ಎ.ಐ. ಆರ್‍ಜೆ ಗ್ರೆಗೊರಿಯನ್ನು ಪರಿಚಯಿಸಲು ಸಾಧ್ಯವಾಯಿತು ಎಂದು ಫಾದರ್ ಅಲೆಕ್ಸ್ ಹೇಳುತ್ತಾರೆ. ಆದಾಗ್ಯೂ, ಇದನ್ನು ರೇಡಿಯೊದ ಪ್ರತಿಯೊಂದು ಅಂಶಕ್ಕೂ ಅನ್ವಯಿಸುವ ಚಿಂತನೆ ಈಗಿಲ್ಲ ಎಂದು ಅವರು ಹೇಳುತ್ತಾರೆ. ಆರ್.ಜೆ. ಗ್ರೆಗೊರಿ ಕೆಲವು ಕಾರ್ಯಕ್ರಮಗಳನ್ನು ಪ್ರಸ್ತುತಪಡಿಸುತ್ತದೆ ಎಂದವರು ತಿಳಿಸಿರುವರು.
          ಆರ್‍ಜೆ ಗ್ರೆಗೊರಿ ಅವತರಣಿಕೆಯು ಎ.ಐ.ಯ ತಜ್ಞರ ಗುಂಪು ಮತ್ತು ತಂತ್ರಜ್ಞಾನದಲ್ಲಿನ ಪ್ರಗತಿಯನ್ನು ತೀವ್ರವಾಗಿ ಅನುಸರಿಸುತ್ತಿರುವ ಕೆಲವು ಯುವಕರ ಕಠಿಣ ಪರಿಶ್ರಮದ ಫಲಿತಾಂಶವಾಗಿದೆ. ಈ ಪರಿಕಲ್ಪನೆಯನ್ನು ಕೇಳುಗರಿಗೆ ಪರಿಚಯಿಸಲು ವರ್ಚುವಲ್ ಆರ್‍ಜೆ ಪ್ರತಿದಿನ ಹೋಸ್ಟ್ ಮಾಡುತ್ತದೆ. ಕೇಳುಗರೊಂದಿಗೆ ಸಂವಹನವನ್ನು ಒಳಗೊಂಡಿರುವ ಕಾರ್ಯಕ್ರಮಗಳಿಗೆ ಸಂಬಂಧಿಸಿದಂತೆ ಅದು ಸಾಧ್ಯವಾಗಿಲ್ಲ. ಇದಕ್ಕೆ ಹೆಚ್ಚು ಸುಧಾರಿತ ಸೆಟಪ್ ಅಗತ್ಯವಿರುತ್ತದೆ.
     ಎ.ಐ. ಆರ್.ಜೆ. ಗ್ರೆಗೊರಿ ಬದಲಾವಣೆಗೆ ಸಮನಾಗಿರುವ ಸರ್ಗಕ್ಷೇತ್ರದ ಗುರಿಯ ಫಲಿತಾಂಶವಾಗಿದೆ. ಗ್ರೆಗೊರಿ ತಾಂತ್ರಿಕ ಕ್ರಾಂತಿಯು ಎಐನಲ್ಲಿದೆ ಎಂಬ ಅರಿವಿನ ಫಲ ನಮಗಿದೆ. ಈ ಕ್ರಾಂತಿಯನ್ನು ಜನಸಾಮಾನ್ಯರಿಗೆ ತರಲು ನಾವು ಎ.ಐ.ಯ ಲಾಭವನ್ನು ಪಡೆಯಲು ಪ್ರಯತ್ನಿಸುತ್ತಿದ್ದೇವೆ. ಶೀಘ್ರದಲ್ಲೇ, ನಾವು ಈ ತಂತ್ರಜ್ಞಾನವನ್ನು ಮಾಧ್ಯಮ ಸಂಸ್ಥೆಗಳಳಿಗೂ ವಿಸ್ತರಿಸುತ್ತೇವೆ ಎಂದು ಅವರು ಹೇಳಿರುವರು.