ಶಬರಿಮಲೆಯಲ್ಲಿ ವರ್ಚುವಲ್ ಕ್ಯೂ ಮೂಲಕ ಕಾಣಿಕೆಗೂ ಬುಕ್ಕಿಂಗ್ ಸೌಲಭ್ಯ: ಪ್ರಕ್ರಿಯೆ ಆರಂಭಿಸಿದ ದೇವಸ್ವಂ ಮಂಡಳಿ

           ಪತ್ತನಂತಿಟ್ಟ: ಶಬರಿಮಲೆಯು ವರ್ಚುವಲ್ ಕ್ಯೂ ಮೂಲಕ ಕಾಣಿಕೆ ಕಾಯ್ದಿರಿಸಲು ಸಿದ್ಧತೆ ನಡೆಸಿದೆ. ಹೊಸ ವ್ಯವಸ್ಥೆಯು ದರ್ಶನಕ್ಕಾಗಿ ಬುಕ್ಕಿಂಗ್‍ನೊಂದಿಗೆ ಲ|ಭಿಸಲಿದೆ. 

          ಈ ಸಂಬಂಧ ದೇವಸ್ವಂ ಮಂಡಳಿ ಪ್ರಕ್ರಿಯೆ ಆರಂಭಿಸಿದೆ. ಮಾಸ ಪೂಜೆ ಸೇರಿದಂತೆ ಶಬರಿಮಲೆ ದರ್ಶನಕ್ಕೆ ವರ್ಚುವಲ್ ಕ್ಯೂ ಪಾಸ್ ಕಡ್ಡಾಯಗೊಳಿಸಿದ ನಂತರ ಮುಂದಿನ ಕ್ರಮ ಕೈಗೊಳ್ಳಲಾಗಿದೆ. ಪ್ರಸ್ತುತ, ವರ್ಚುವಲ್ ಕ್ಯೂ ಮೂಲಕ ಅರವಣ, ಅಪ್ಪಂ, ಅರಸಿನ, ಕುಂಕುಮ ಮತ್ತು ವಿಭೂತಿಯಂತಹ ಪ್ರಸಾದಗಳನ್ನು ಮಾತ್ರ ಬುಕ್ ಮಾಡಬಹುದಿತ್ತು. 

           ಪ್ರಸ್ತುತ ದೇವಸ್ವಂ ಮಂಡಳಿಯ ವೆಬ್‍ಸೈಟ್ onlinetdb.com  ಮೂಲಕ ಕೊಡುಗೆಗಳನ್ನು ಬುಕ್ ಮಾಡಬಹುದು. ಸನ್ನಿಧಾನಂನಲ್ಲಿ ತಂಗಲು ಕೊಠಡಿಗಳ ಬುಕ್ಕಿಂಗ್ ಕೂಡ ಲಭಿಸಲಿದೆ. ಆದರೆ ಇವುಗಳನ್ನು ವರ್ಚುವಲ್ ಕ್ಯೂ ಮೂಲಕ ಮಾಡಿದರೆ ಯಾವುದೇ ಅಡೆತಡೆಯಿಲ್ಲದೆ ಬುಕ್ಕಿಂಗ್ ಮಾಡಬಹುದು ಎಂಬ ಭರವಸೆ ದೇವಸ್ವಂ ಇಲಾಖೆಯದ್ದು.  

          ದೇವಸ್ವಂ ಮಂಡಳಿಯು ಟಾಟಾ ಕನ್ಸಲ್ಟೆನ್ಸಿ ಮೂಲಕ ವರ್ಚುವಲ್ ಕ್ಯೂ ಬುಕಿಂಗ್ ವ್ಯವಸ್ಥೆಯನ್ನು ಸಿದ್ಧಪಡಿಸಿದೆ. ಪೊಲೀಸರಿಗೆ ಮೊದಲೇ ಸಿದ್ಧಪಡಿಸಿದ ವ್ಯವಸ್ಥೆಯನ್ನು ಮಂಡಳಿಗೆ ಹಸ್ತಾಂತರಿಸಲಾಗುತ್ತದೆ. ವರ್ಚುವಲ್ ಕ್ಯೂ ಬುಕ್ ಮಾಡಲು ಸಾಧ್ಯವಾಗದವರಿಗೆ ನಿಲಯ್ಕಲ್ ಪಂಬಾದಲ್ಲಿ ಸ್ಪಾಟ್ ಬುಕಿಂಗ್ ಸೌಲಭ್ಯವನ್ನು ಹೊಂದಿದೆ.