ರಾಜ್ಯದ ಎಲ್ಲಾ 1,284 ಬುಡಕಟ್ಟು ಕುಗ್ರಾಮಗಳಿಗೆ ಶೀಘ್ರದಲ್ಲೇ ಡಿಜಿಟಲ್ ಸಂಪರ್ಕ: ಸಚಿವ

              ತಿರುವನಂತಪುರಂ: ಬಿಎಸ್‍ಎನ್‍ಎಲ್‍ನ ನಿರತಂತರ ಪ್ರಯತ್ನಗಳು ಮತ್ತು ಎಸ್‍ಸಿ/ಎಸ್‍ಟಿ ರಾಜ್ಯ ಸಚಿವಾಲಯದ ಬೆಂಬಲದೊಂದಿಗೆ ಕೇರಳದ ಎಲ್ಲಾ 1,284 ನೋಂದಾಯಿತ ಬುಡಕಟ್ಟು ಕುಗ್ರಾಮಗಳಿಗೆ ಡಿಜಿಟಲ್ ಸಂಪರ್ಕ ಕಲ್ಪಿಸಲಾಗುವುದು.

              ಬುಧವಾರ ಬಿಎಸ್‍ಎನ್‍ಎಲ್‍ನ ಉನ್ನತ ಅಧಿಕಾರಿಗಳೊಂದಿಗೆ ನಡೆದ ಸಭೆಯಲ್ಲಿ ಎಸ್‍ಸಿ/ಎಸ್‍ಟಿ ರಾಜ್ಯ ಸಚಿವ ಕೆ.ರಾಧಾಕೃಷ್ಣನ್ ಅವರು ಈ ಉದ್ದೇಶಕ್ಕಾಗಿ ಸೂಕ್ತ ಭೂಮಿ ಒದಗಿಸುವ ಭರವಸೆ ನೀಡಿದರು.

           ರಾಜ್ಯದ 1,284 ಬುಡಕಟ್ಟು ಕುಗ್ರಾಮಗಳಲ್ಲಿ 1,073 ಸಂಪರ್ಕ ಹೊಂದಿವೆ. ಇನ್ನೂ 211 ಡಿಜಿಟಲ್ ಸಂಪರ್ಕ ಹೊಂದಿಲ್ಲ ಮತ್ತು ಅವು ಡಿಜಿಟಲ್ ಆಗಲು 161 ಟವರ್‍ಗಳನ್ನು ಬಿಎಸ್‍ಎನ್‍ಎಲ್ ಸ್ಥಾಪಿಸಬೇಕು. ಈ ಟವರ್‍ಗಳನ್ನು ನಿರ್ಮಿಸಲು ಸೂಕ್ತ ಭೂಮಿಯನ್ನು ನಾವು ಅವರಿಗೆ ಭರವಸೆ ನೀಡಿದ್ದೇವೆ. ಅವರು ತಮ್ಮ ಟವರ್‍ಗಳನ್ನು ಎಲ್ಲಿ ಸ್ಥಾಪಿಸಬಹುದು ಎಂಬುದನ್ನು ಗುರುತಿಸಿ ಅದನ್ನು ಜೂನ್ 15 ರ ಮೊದಲು ಒದಗಿಸಲಾಗುವುದು ಎಂದು ಸಚಿವ ರಾಧಾಕೃಷ್ಣನ್ ಹೇಳಿರುವÀರು.

           ರಾಜ್ಯ ಯೋಜನಾ ಮಂಡಳಿಯು ಒದಗಿಸಿದ ಅಂಕಿಅಂಶಗಳ ಪ್ರಕಾರ, ಕೇರಳದಲ್ಲಿ ಸುಮಾರು ಅರ್ಧ ಮಿಲಿಯನ್ ಬುಡಕಟ್ಟು ಜನಸಂಖ್ಯೆಯಿದೆ. ವಯನಾಡ್ ಜಿಲ್ಲೆಯೊಂದರಲ್ಲೇ ಸುಮಾರು 1.5 ಲಕ್ಷ ಬುಡಕಟ್ಟು ಜನರಿದ್ದಾರೆ. ಕನಿಷ್ಠ 7,000 ಕ್ಕೆ ಸಮೀಪದಲ್ಲಿ ಅಲಪ್ಪುಳ ಜಿಲ್ಲೆಯಿದೆ.