ಡ್ರಗ್ಸ್ ಮಾಫಿಯಾ ವಿರುದ್ಧ ಯುವಕರೂ ಹೋರಾಟ ನಡೆಸಬೇಕು: ಜಿಲ್ಲಾ ಪೊಲೀಸ್ ವರಿಷ್ಠ ಡಾ.ವೈಭವ್ ಸಕ್ಸೇನಾ: ಯುವಪ್ರಭಾ ಪ್ರಶಸ್ತಿ ವಿತರಿಸಿ ಅಭಿಮತ

                ಕಾಸರಗೋಡು: ಡ್ರಗ್ಸ್ ಮಾಫಿಯಾ ವಿರುದ್ಧ ಯುವಕರು ಹೋರಾಟ ಮಾಡಬೇಕಿದ್ದು, ರಾಜ್ಯಾದ್ಯಂತ ಇದರ ವಿರುದ್ಧ ದೊಡ್ಡ ಹೋರಾಟ ನಡೆಯುತ್ತಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠ ಡಾ.ವೈಭವ್ ಸಕ್ಸೇನಾ ಹೇಳಿದರು.

            ಜಿಲ್ಲಾ ಮಾಹಿತಿ ಕಛೇರಿಯ ನೇತೃತ್ವದಲ್ಲಿ ನಡೆಯುವ ‘ನನ್ನ ಕೇರಳ’ ಪ್ರದರ್ಶನ ಮತ್ತು ಮಾರುಕಟ್ಟೆ ಮೇಳ 2023 ರ ಯುವಪ್ರಭ ಪ್ರಶಸ್ತಿ ವಿತರಣಾ ಸಮಾರಂಭವನ್ನು ಉದ್ಘಾಟಿಸಿ ಡಾ.ವೈಭವ್ ಸಕ್ಸೇನಾ ಮಾತನಾಡುತ್ತಿದ್ದರು. 

         ಮಕ್ಕಳು ವಿದ್ಯಾಭ್ಯಾಸದಲ್ಲಿ ಮಾತ್ರವಲ್ಲದೆ ಎಲ್ಲಾ ಕ್ಷೇತ್ರಗಳಲ್ಲಿಯೂ ತಮ್ಮ ಸಾಮಥ್ರ್ಯವನ್ನು ಸಾಬೀತುಪಡಿಸಿದಾಗ ಅದು ದೇಶಕ್ಕೆ ಹೆಮ್ಮೆಯ ಸಾಧನೆಯಾಗುತ್ತದೆ ಎಂದ ಅವರು, ನಮ್ಮ ಜಿಲ್ಲೆಯಲ್ಲಿ ಪ್ರತಿಭಾವಂತ ಮಕ್ಕಳಿದ್ದು, ಕಾಸರಗೋಡಿನಂತಹ ಸ್ಥಳದಿಂದ ಇಂತಹ ಗೌರವಗಳು ನಮಗೆ ದೊರೆತಾಗ ಪ್ರತಿಭೆಗೆ ಮಹತ್ವದ ಅಭಿನಂದನೆ ಲಭಿಸಿದಂತೆ. ವಿವಿಧ ಕ್ಷೇತ್ರಗಳಲ್ಲಿ ರಾಷ್ಟ್ರ ಪ್ರಶಸ್ತಿ ಪಡೆದ ಕಾಸರಗೋಡು ಜಿಲ್ಲೆಯ 6 ಯುವ ಪ್ರತಿಭೆಗಳನ್ನು ಸನ್ಮಾನಿಸಲಾಯಿತು. ಜಿಲ್ಲಾ ಪೊಲೀಸ್ ವರಿಷ್ಠ ಡಾ.ವೈಭವ್ ಸಕ್ಸೇನಾ ಪ್ರಶಸ್ತಿ ವಿತರಿಸಿದರು.

          ಆರ್.ಡಿ.ಒ ಅತುಲ್ ಸ್ವಾಮಿನಾಥ್ ಅಧ್ಯಕ್ಷತೆ ವಹಿಸಿದ್ದರು. ಕಾಸರಗೋಡು ಬ್ಲಾಕ್ ಪಂಚಾಯತಿ ಅಧ್ಯಕ್ಷ ಸಿ.ಎ.ಸೈಮಾ ಮುಖ್ಯ ಅತಿಥಿಯಾಗಿದ್ದರು. ಅಧ್ಯಕ್ಷರಿಂದ ಉತ್ತಮ ಎನ್‍ಎಸ್‍ಎಸ್ ಸ್ವಯಂಸೇವಕ ಪ್ರಶಸ್ತಿ ಪಡೆದ ಕಾಸರಗೋಡು ಪೆರುಂಬಳದ ಪಿ.ಆಕಾಶ್, ರಾಷ್ಟ್ರಪತಿಗಳ ಜೀವರಕ್ಷಕ ಪದಕ ಪಡೆದ ಬೇಕಲದ ಬಿ.ಬಬಿಶ್, ಕುವೈತ್‍ನಲ್ಲಿ ನಡೆದ ಏಷ್ಯನ್ ಅಥ್ಲೆಟಿಕ್ ಕೂಟದಲ್ಲಿ ಡಿಸ್ಕಸ್ ಎಸೆತದಲ್ಲಿ ಬೆಳ್ಳಿ ಪದಕ ಗೆದ್ದ ಕೆ.ಸಿ.ಸರ್ವನ್ ಮೊದಲಾದವರನ್ನು ಈ ಸಂದರ್ಭ ಅಭಿನಂದಿಸಲಾಯಿತು. ಗೇಟ್ ಪ್ರವೇಶ ಪರೀಕ್ಷೆಯಲ್ಲಿ ರಾಷ್ಟ್ರ ಮಟ್ಟದಲ್ಲಿ ಜೈವಿಕ ತಂತ್ರಜ್ಞಾನ ವಿಭಾಗದಲ್ಲಿ ಪ್ರಥಮ ರ್ಯಾಕ್ ಪಡೆದ ಕೆ.ಐಶ್ವರ್ಯ, ಏಷ್ಯನ್ ಯೂತ್ ಅಥ್ಲೆಟಿಕ್ಸ್ ನಲ್ಲಿ ಶಾಟ್ ಪುಟ್ ನಲ್ಲಿ 16.37 ಮೀಟರ್ ದೂರ ಎಸೆದು ಭಾರತಕ್ಕೆ ಕಂಚಿನ ಪದಕ ಗೆದ್ದುಕೊಟ್ಟ ಅನುಪ್ರಿಯಾ ವಿ.ಎಸ್. ಉಜ್ಬೇಕಿಸ್ತಾನ್‍ನಲ್ಲಿ ಸ್ಪರ್ಧಿಸಿ ಆಗಸ್ಟ್‍ನಲ್ಲಿ ಸ್ಪೇನ್‍ನಲ್ಲಿ ನಡೆಯುವ ಯೂತ್ ಕಾಮನ್‍ವೆಲ್ತ್ ಕ್ರೀಡಾಕೂಟಕ್ಕೆ ಅರ್ಹತೆ ಪಡೆದಿದ್ದಾರೆ ಮತ್ತು 2018-19ರಲ್ಲಿ ಕೇಂದ್ರ ಕೌಶಲ್ಯ ಅಭಿವೃದ್ಧಿಗೆ ಅರ್ಹತೆ ಪಡೆದಿದ್ದರು. ಕೆ.ಪಿ.ಹರಿಪ್ರಸಾದ್, ರಾಜ್ಯ ಮಟ್ಟದ ಸ್ಪರ್ಧಿ ಮತ್ತು 2020-21ನೇ ಸಾಲಿನ ಭಾರತ ಕೌಶಲ್ಯ ಬೆಳ್ಳಿ ಪದಕ ವಿಜೇತ ವಿಭಾಗದ ಭಾರತ ಕೌಶಲ್ಯ ಸ್ಪರ್ಧೆಯಲ್ಲಿ ಪ್ರಶಸ್ತಿ ಪಡೆದವರವಿವರನ್ನೂ ಗೌರವಿಸಿ ಅಭಿನಂದಿಸಲಾಯಿತು.

        ಜಿಲ್ಲಾ ವಾರ್ತಾಧಿಕಾರಿ ಎಂ.ಮಧುಸೂದನನ್ ಸ್ವಾಗತಿಸಿ, ಮಾಹಿತಿ ಸಹಾಯಕ ಅರುಣ್ ಸೆಬಾಸ್ಟಿಯನ್ ವಂದಿಸಿದರು. ಪ್ರಿಸಂ ಉಪಸಂಪಾದಕ ವಿ.ಸುಮಿತ್ ಪ್ರಶಸ್ತಿ ವಿಜೇತರನ್ನು ಪರಿಚಯಿಸಿದರು.