ತಿರುವನಂತಪುರಂ: ರಾಜ್ಯದ ರಸ್ತೆಗಳಲ್ಲಿ ವಾಹನಗಳ ಪರಿಷ್ಕøತ ವೇಗದ ಮಿತಿ ಇಂದಿನಿಂದ(01-07-2023) ಜಾರಿಗೆ ಬರಲಿದೆ ಎಂದು ಸಚಿವ ಆಂಟನಿ ರಾಜು ಘೋಷಿಸಿದ್ದಾರೆ.
ರಾಷ್ಟ್ರೀಯ ಅಧಿಸೂಚನೆಯ ಪ್ರಕಾರ ಪರಿಷ್ಕøತ ವೇಗದ ಮಿತಿ ನಿಗದಿಪಡಿಸಲಾಗಿದ್ದು, 9 ಆಸನಗಳವರೆಗಿನ ಪ್ರಯಾಣಿಕ ವಾಹನಗಳ ವೇಗದ ಮಿತಿಯು 6 ಲೇನ್ ರಾಷ್ಟ್ರೀಯ ಹೆದ್ದಾರಿಯಲ್ಲಿ 110 ಕಿಮೀ, 4 ಲೇನ್ ರಾಷ್ಟ್ರೀಯ ಹೆದ್ದಾರಿಯಲ್ಲಿ 100 ಕಿಮೀ, 4 ಲೇನ್ ರಾಜ್ಯ ಹೆದ್ದಾರಿಯಲ್ಲಿ 90 ಕಿಮೀ ವೇಗದ ಮಿತಿಯಾಗಿದೆ. ಇತರ ರಾಜ್ಯ ಹೆದ್ದಾರಿಗಳು ಮತ್ತು ಪ್ರಮುಖ ಜಿಲ್ಲಾ ರಸ್ತೆಗಳಲ್ಲಿ 80 ಕಿಮೀ, ಇತರ ರಸ್ತೆಗಳಲ್ಲಿ 70 ಕಿಮೀ ಮತ್ತು ನಗರದ ರಸ್ತೆಗಳಲ್ಲಿ 50 ಕಿಮೀ ವೇಗದ ಮಿತಿ ಇರಲಿದೆ.
ಒಂಬತ್ತಕ್ಕಿಂತ ಹೆಚ್ಚು ಆಸನಗಳನ್ನು ಹೊಂದಿರುವ ಲಘು-ಮಧ್ಯಮ ಭಾರಿ ಪ್ರಯಾಣಿಕ ವಾಹನಗಳಿಗೆ ಗರಿಷ್ಠ ವೇಗದ ಮಿತಿ 6 ಲೇನ್ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ 95 ಕಿಮೀ, 4 ಲೇನ್ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ 90 ಕಿಮೀ, ಇತರ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ 85 ಕಿಮೀ, 4 ಲೇನ್ ರಾಜ್ಯ ಹೆದ್ದಾರಿಗಳಲ್ಲಿ 80 ಕಿಮೀ, ರಾಜ್ಯ ಹೆದ್ದಾರಿಗಳು ಮತ್ತು ಪ್ರಮುಖ ಜಿಲ್ಲಾ ರಸ್ತೆಗಳಲ್ಲಿ 70 ಕಿಮೀ, ಇತರ ರಸ್ತೆಗಳಲ್ಲಿ 60 ಕಿಮೀ ಮತ್ತು ನಗರದ ರಸ್ತೆಗಳಲ್ಲಿ 50 ಕಿಮೀ. ಮಿತಿ ಅನುಮತಿಸಲಾಗಿದೆ.
ಸರಕು ಸಾಗಣೆ ವಾಹನಗಳ ವೇಗದ ಮಿತಿಯನ್ನು 6 ಲೇನ್ ಮತ್ತು 4 ಲೇನ್ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಗಂಟೆಗೆ 80 ಕಿಮೀ, ಇತರ ರಾಷ್ಟ್ರೀಯ ಹೆದ್ದಾರಿಗಳು ಮತ್ತು 4 ಲೇನ್ ರಾಜ್ಯ ಹೆದ್ದಾರಿಗಳಲ್ಲಿ ಗಂಟೆಗೆ 70 ಕಿಮೀ, ಇತರ ರಾಜ್ಯ ಹೆದ್ದಾರಿಗಳು ಮತ್ತು ಪ್ರಮುಖ ಜಿಲ್ಲಾ ರಸ್ತೆಗಳಲ್ಲಿ 65 ಕಿಮೀ, ಇತರ ರಸ್ತೆಗಳಲ್ಲಿ ಗಂಟೆಗೆ 60 ಕಿಮೀ ಎಂದು ನಿಗದಿಪಡಿಸಲಾಗಿದೆ. ನಗರದ ರಸ್ತೆಗಳಲ್ಲಿ ಗಂಟೆಗೆ 50 ಕಿ.ಮೀ.
ದ್ವಿಚಕ್ರ ವಾಹನಗಳ ವೇಗದ ಮಿತಿಯು ನಗರದ ರಸ್ತೆಗಳಲ್ಲಿ 50 ಕಿ.ಮೀ ಮತ್ತು ಇತರ ಎಲ್ಲಾ ರಸ್ತೆಗಳಲ್ಲಿ 60 ಕಿ.ಮೀ. ಎಲ್ಲಾ ರಸ್ತೆಗಳಲ್ಲಿ ತ್ರಿಚಕ್ರ ವಾಹನಗಳು ಮತ್ತು ಶಾಲಾ ಬಸ್‍ಗಳ ಗರಿಷ್ಠ ವೇಗದ ಮಿತಿ ಗಂಟೆಗೆ 50 ಕಿ.ಮೀ.
2014ರ ನಂತರ ರಾಜ್ಯದಲ್ಲಿ ವೇಗದ ಮಿತಿಯನ್ನು ಪರಿಷ್ಕರಿಸಲಾಗುತ್ತಿದೆ. ರಾಜ್ಯದಲ್ಲಿ ರಸ್ತೆಗಳು ಆಧುನೀಕರಣಗೊಂಡಿದ್ದು, ಕ್ಯಾಮೆರಾಗಳು ಕಾರ್ಯನಿರ್ವಹಿಸುತ್ತಿವೆ ಎಂಬುದನ್ನು ಗಮನದಲ್ಲಿಟ್ಟುಕೊಂಡು ವೇಗದ ಮಿತಿಯನ್ನು ಪರಿಷ್ಕರಿಸಲಾಗಿದೆ ಎಂದು ಸಚಿವ ಆಂಟನಿ ರಾಜು ತಿಳಿಸಿದ್ದಾರೆ.
DOCTYPE html>
