ಉತ್ತರಪ್ರದೇಶ: ಗ್ಯಾಂಗ್‌ಸ್ಟರ್‌ ಇಕ್ಬಾಲ್‌ಗೆ ಸೇರಿದ ₹500 ಕೋಟಿ ಮೌಲ್ಯದ ಸ್ವತ್ತು ಜಪ್ತಿ

                 ನೋಯ್ಡಾ : ಲಖನೌ, ನೋಯ್ಡಾ ಮತ್ತು ಸಹಾರನಪುರದಲ್ಲಿರುವ, ಗ್ಯಾಂಗ್‌ಸ್ಟರ್‌ ಹಾಜಿ ಇಕ್ಬಾಲ್‌ಗೆ ಸೇರಿದ್ದು ಎನ್ನಲಾದ ₹ 500 ಕೋಟಿ ಮೌಲ್ಯದ ಸ್ವತ್ತುಗಳನ್ನು ಜಪ್ತಿ ಮಾಡಲಾಗಿದೆ ಎಂದು ಹಿರಿಯ ಪೊಲೀಸ್‌ ಅಧಿಕಾರಿಯೊಬ್ಬರು ಮಂಗಳವಾರ ಹೇಳಿದ್ದಾರೆ.

                'ಉತ್ತರ ಪ್ರದೇಶದ ಮಾಫಿಯಾ ಗ್ಯಾಂಗ್‌ಗಳ ನಾಯಕರ ಪಟ್ಟಿಯಲ್ಲಿ 60 ವರ್ಷದ ಇಕ್ಬಾಲ್‌ ಹೆಸರಿದೆ. ಅಕ್ರಮ ಗಣಿಗಾರಿಕೆ, ಜಮೀನು ಒತ್ತುವರಿ, ಮಹಿಳೆಯರಿಗೆ ಕಿರುಕುಳ, ವಂಚನೆ ಸೇರಿದಂತೆ ಆತನ ವಿರುದ್ಧ 36 ಪ್ರಕರಣಗಳಿವೆ' ಎಂದು ಸಹಾರನಪುರದ ಹಿರಿಯ ಎಸ್ಪಿ ವಿಪಿನ್ ತಾಡಾ ತಿಳಿಸಿದ್ದಾರೆ.