ಆರ್ಥಿಕ ಹೊರೆ: ಪರಿಶಿಷ್ಟ ಪಂಗಡದ ಮಕ್ಕಳನ್ನು ಶಾಲೆಗೆ ಕರೆತರುತ್ತಿದ್ದ ಗೋತ್ರಸಾರಥಿ ಮತ್ತು ಗೋತ್ರವಾಹಿ ಯೋಜನೆಗಳು ಇನ್ನಿಲ್ಲ; ಬದಲಿಗೆ ವಿದ್ಯಾವಾಹಿನಿ

              ತಿರುವನಂತಪುರಂ: ಗೋತ್ರಸಾರಥಿ ಮತ್ತು ಗೋತ್ರವಾಹಿ ಯೋಜನೆಗಳ ಬದಲಾಗಿ ಇನ್ನು  ವಿದ್ಯಾವಾಹಿನಿ ಯೋಜನೆ ಜಾರಿಗೆ ಬರಲಿದೆ. ಪರಿಶಿಷ್ಟ ಪಂಗಡದ ಮಕ್ಕಳಿಗೆ ಶಾಲೆಗೆ ತೆರಳಲು ಸ್ಥಳೀಯಾಡಳಿತ ಸಂಸ್ಥೆಗಳ ಗೋತ್ರಸಾರಥಿ ಮತ್ತು ಗೋತ್ರವಾಹಿನಿ ಯೋಜನೆಗಳು ಅಸ್ತಿತ್ವ ಕಳೆದುಕೊಂಡಿವೆ.

           ಇದರ ಬದಲಾಗಿ ಪರಿಶಿಷ್ಟ ಪಂಗಡ ಅಭಿವೃದ್ಧಿ ಇಲಾಖೆ ನೇರವಾಗಿ ವಿದ್ಯಾವಾಹಿನಿ ಯೋಜನೆಯನ್ನು ಅನುಷ್ಠಾನಗೊಳಿಸುತ್ತಿದೆ.

           ಅರಣ್ಯ ಗಡಿಯಲ್ಲಿ ಅಥವಾ ಕಾಡಿನೊಳಗೆ ವಾಸಿಸುವ ಮಕ್ಕಳನ್ನು ಹುಡುಕಿ ಶಾಲೆಗೆ ಕರೆತರುವುದು ಯೋಜನೆಗಳ ಉದ್ದೇಶವಾಗಿತ್ತು. ಹೈಸ್ಕೂಲ್ ಮತ್ತು ಹೈಯರ್ ಸೆಕೆಂಡರಿಯಲ್ಲಿ 14 ಶಾಲೆಗಳಲ್ಲಿ ಗೋತ್ರಸಾರಥಿ ಹಾಗೂ ಎಲ್ ಪಿ ಶಾಲೆಗಳಲ್ಲಿ ಗೋತ್ರಸಾರಥಿ ಎಂಬ ಯೋಜನೆಗಳಿತ್ತು. ಯೋಜನೆಯ ಅವ್ಯವಹಾರದಿಂದ ಸ್ಥಳೀಯಾಡಳಿತ ಸಂಸ್ಥೆಗಳಿಗೆ ಭಾರಿ ಆರ್ಥಿಕ ಹೊರೆಯಾಗಿದೆ. ಯೋಜನೆಗೆ ಬೃಹತ್ ಮೊತ್ತ ಮೀಸಲಿಡಬೇಕಾಗಿರುವುದರಿಂದ ಪರಿಶಿಷ್ಟ ಪಂಗಡದವರಿಗೆ ಇತರೆ ಯೋಜನೆಗಳನ್ನು ಜಾರಿಗೊಳಿಸಲು ಹಣವಿಲ್ಲದಂತಾಗಿದೆ. ನಿರ್ವಹಣೆಯಲ್ಲಿನ ವೈಫಲ್ಯದಿಂದ ಭಾರಿ ಆರ್ಥಿಕ ಹೊರೆ ಹಾಗೂ ಅರ್ಹರನ್ನು ಆಯ್ಕೆ ಮಾಡುವಲ್ಲಿ ವಿಫಲವಾಗಿರುವುದು ಹೊಸ ನಿರ್ಧಾರಕ್ಕೆ ಕಾರಣವಾಗಿದೆ.

            ಈ ಯೋಜನೆಗಳು ಪರಿಶಿಷ್ಟ ಪಂಗಡಗಳಿಗೆ ಉದ್ಯೋಗಾವಕಾಶಗಳಾಗಿ ಕಾರ್ಯನಿರ್ವಹಿಸುತ್ತವೆ, ಇದು ಶಾಲೆಗೆ ಹಾಜರಾಗಲು ಕಷ್ಟಪಡುತ್ತಿರುವ ಮಕ್ಕಳನ್ನು ಶಾಲೆಗೆ ಕರೆತರಲು ನೆರವಾಗುತ್ತದೆ. ಯೋಜನೆಗೆ ಈ ವರ್ಗಕ್ಕೆ ಸೇರಿದ ವಾಹನಗಳನ್ನು ಬಳಸಬೇಕು. ಲಭ್ಯವಿಲ್ಲದಿದ್ದರೆ ಅಧಿಕಾರಿಗಳಿಂದ ಪ್ರಮಾಣಪತ್ರದ ಆಧಾರದ ಮೇಲೆ ಇತರ ವಾಹನಗಳನ್ನು ಬಳಸಬಹುದು. ವಾಹನದ ಬಾಡಿಗೆ ಮೋಟಾರು ವಾಹನಗಳ ಇಲಾಖೆಯ ನಿಬಂಧನೆಗಳಿಗೆ ಒಳಪಟ್ಟಿರುತ್ತದೆ. ಶಾಲಾ ಬಸ್‍ನಲ್ಲಿ ಬರುವ ಮಕ್ಕಳಿಗೆ ಪ್ರಯಾಣ ವೆಚ್ಚವನ್ನು ನೀಡಲಾಗುವುದು. ಯೋಜನೆಯಡಿಯಲ್ಲಿ ಮಕ್ಕಳು ವಿಮಾ ರಕ್ಷಣೆ ಮಾಡಬೇಕು. ಶಾಲಾ ಮಟ್ಟದ ಸಮಿತಿಗಳು ಕಟ್ಟುನಿಟ್ಟಿನ ಮೇಲ್ವಿಚಾರಣೆ ನಡೆಸಬೇಕು. ಶಾಲೆಗಳಲ್ಲಿ ಯೋಜನೆ ಅನುμÁ್ಠನಗೊಳಿಸಲು ಸಮಿತಿಗಳನ್ನು ರಚಿಸಲಾಗಿದೆ. ಮಾರ್ಗಗಳ ಸಂಖ್ಯೆ ಮತ್ತು ದರಗಳ ಬಗ್ಗೆ ಜಿಲ್ಲಾ ಪರಿಶಿಷ್ಟ ಪಂಗಡದ ಅಧಿಕಾರಿ ಅಂತಿಮ ನಿರ್ಧಾರ ತೆಗೆದುಕೊಳ್ಳುತ್ತಾರೆ.