ಕರ್ತವ್ಯದ ವೇಳೆ ಖಾಸಗಿಯವರ ಜಮೀನು ಅಳತೆ ಮಾಡಲು ಹೋದ ಗ್ರಾಮಾಧಿಕಾರಿ; ಹಿಂತಿರುಗುವಾಗ ಕಾಯುತ್ತಿದ್ದ ವಿಜಿಲೆನ್ಸ್

          ಪಾಲಕ್ಕಾಡ್: ಕಚೇರಿ ವೇಳೆಯಲ್ಲಿ ಖಾಸಗಿ ವ್ಯಕ್ತಿಯೊಬ್ಬರ ಜಮೀನು ಅಳತೆ ಮಾಡಲು ತೆರಳಿದ ಗ್ರಾಮಾಧಿಕಾರಿಯನ್ನು ವಿಜಿಲೆನ್ಸ್ ಹಿಡಿದಿದೆ.

             ಪಾಲಕ್ಕಾಡ್ ಪುದುಶೇರಿ ಸೆಂಟ್ರಲ್ ವಿಲೇಜ್ ನ ವಿಶೇಷ ಗ್ರಾಮಾಧಿಕಾರಿ ಮುಹಮ್ಮದ್ ಗೌಸ್ ವಿಜಿಲೆನ್ಸ್ ಕೈಗೆ ಸಿಕ್ಕಿಬಿದ್ದಿದ್ದಾರೆ. ಖಾಸಗಿ ಜಮೀನು ಮಾಲೀಕರಿಂದ 4,000 ರೂಪಾಯಿ ಪಡೆದಿರುವುದಾಗಿ ಗ್ರಾಮಾಧಿಕಾರಿ ಅಧಿಕಾರಿಗಳ ಬಳಿ ಒಪ್ಪಿಕೊಂಡಿದ್ದಾರೆ.

           ಮಧ್ಯಾಹ್ನದ ವೇಳೆಗೆ ಖಾಸಗಿ ವ್ಯಕ್ತಿಗಳ ಜಮೀನನ್ನು ಅಳೆದು ದಾಖಲು ಮಾಡಲು ನೌಕರರು ತೆರಳುತ್ತಿದ್ದು, ಪ್ರಮಾಣ ಪತ್ರಕ್ಕಾಗಿ ಕಚೇರಿಗೆ ಬರುವವರಿಂದ ಲಂಚ ಪಡೆಯುತ್ತಿದ್ದಾರೆ ಎಂಬ ಖಚಿತ ಮಾಹಿತಿ ಮೇರೆಗೆ ವಿಜಿಲೆನ್ಸ್ ತನಿಖೆ ನಡೆಸಲಾಗಿತ್ತು. ವಿಜಿಲೆನ್ಸ್ ಅಧಿಕಾರಿಗಳು ಗ್ರಾಮ ಕಚೇರಿಗೆ ಪರಿಶೀಲನೆಗೆ ಬಂದಾಗ ಒಬ್ಬರೇ ನೌಕರ ಕಚೇರಿಯಲ್ಲಿದ್ದರು. ಇದಾದ ನಂತರ ವಿಶೇಷ ಗ್ರಾಮಾಧಿಕಾರಿ ಮೊಹಮ್ಮದ್ ಗೌಸ್ ಅವರು ಅಳತೆ ಟೇಪ್ ಮತ್ತು ಕಚೇರಿ ದಾಖಲೆಗಳೊಂದಿಗೆ ಆಟೋರಿಕ್ಷಾದಲ್ಲಿ ಬಂದರು.

             ಆಟೊ ದರ ಸೇರಿದಂತೆ ಮಾಪನ ಶುಲ್ಕವಾಗಿ 3500 ರೂ., ಮತ್ತೊಬ್ಬರಿಂದ ಸ್ಕೆಚ್‍ಗೆ 500 ರೂ.ಗಳಿದ್ದವು ಎಂದು ಅಧಿಕಾರಿ ತಪೆÇ್ಪಪ್ಪಿಕೊಂಡಿದ್ದಾರೆ.ಇದರ ಜೊತೆಗೆ ಇಪ್ಪತ್ತು ಅರ್ಜಿಗಳು ರಿಜಿಸ್ಟರ್‍ನಲ್ಲಿ ದಾಖಲಾಗದೆ ಅರ್ಜಿಗಳನ್ನು ತಪ್ಪಾಗಿ ಇತ್ಯರ್ಥಗೊಳಿಸಿರುವುದು ಕಂಡುಬಂದಿದೆ.  ಮುಂದಿನ ಕ್ರಮಕ್ಕಾಗಿ ತಪಾಸಣಾ ವರದಿಯನ್ನು ಶೀಘ್ರವೇ ವಿಜಿಲೆನ್ಸ್ ನಿರ್ದೇಶಕರಿಗೆ ಸಲ್ಲಿಸಲಾಗುವುದು ಎಂದು ವಿಜಿಲೆನ್ಸ್ ಅಧಿಕಾರಿಗಳು ತಿಳಿಸಿದ್ದಾರೆ.