ಮನೆ ಮಾಲೀಕನ ಜತೆ ಸೇರಿ ಹುಲ್ಲು ಹೊತ್ತು ತಂದ ಶ್ವಾನ!

              ಪ್ರಾಣಿಗಳು ಮನುಷ್ಯರನ್ನು ನಂಬಿದರೆ ಮನೆ ಮಕ್ಕಳಂತೆ ನಡೆದುಕೊಳ್ಳುತ್ತವೆ. ಹೀಗೆ ಇಲ್ಲೊಂದು ಶ್ವಾನ ತನ್ನ ಮಾಲೀಕನೊಂದಿಗೆ ಕೆಲಸಕ್ಕೆ ಸಹಕರಿಸುತ್ತಾ ಮನೆಯ ಹಸುವಿಗಾಗಿ ತೋಟದಿಂದ ಹುಲ್ಲು ತರುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

              ರಾಕಿ ಎಂಬ ಈ ಹೆಸರಿನ ಕಪ್ಪು ಬಣ್ಣದ ಶ್ವಾನ ಮನೆ ಮಗನಂತೆ ಇದ್ದು ಮಾಲೀಕ ಎಲ್ಲಿ ಹೋಗುತ್ತಾರೋ ಅಲ್ಲೆಲ್ಲಾ ಈ ಶ್ವಾನ ಇರುತ್ತದೆ. ಅಷ್ಟು ದೂರದಿಂದ ಹುಲ್ಲನ್ನು ಹೊತ್ತು ಮನೆಗೆ ಬರುತ್ತದೆ. ದೇವರನಾಡು ಕೇರಳದ ವೀಡಿಯೋ ಇದಾಗಿದೆ.

               ವಿಡಿಯೋದಲ್ಲಿ ಏನಿದೆ?: ಮಾಲೀಕರ ಜತೆಗೆ ತೋಟಕ್ಕೆ ಹೋಗಿದ್ದ ಶ್ವಾನ, ಹುಲ್ಲಿನ ಕಟ್ಟನ್ನು ಹಲ್ಲಿನಲ್ಲಿ ಕಚ್ಚಿಕೊಂಡು ತಂದು, ಅದನ್ನು ದನದ ಕೊಟ್ಟಿಗೆಯ ಮುಂದೆ ಹಾಕುತ್ತದೆ. ಕೊನೆಗೆ ತಮ್ಮ ಮುದ್ದಿನ ಶ್ವಾನಕ್ಕೆ ಮನೆ ಮಾಲೀಕ ಪ್ರೀತಿಯ ಮುತ್ತನ್ನು ನೀಡುವ ಭಾವನಾತ್ಮಕ ದೃಶ್ಯಾವಳಿಯನ್ನು ವೀಡಿಯೋದಲ್ಲಿ ಕಾಣಬಹುದು.