ಪ್ರಧಾನ ಮಂತ್ರಿಯ ಯೋಜನೆಯನ್ನು ಮುಖ್ಯಮಂತ್ರಿಯವರ ಹೆಸರಿನಲ್ಲಿ ಪ್ರಚಾರ: ಪ್ರ್ರಧಾನ ಮಂತ್ರಿ ಕುಸುಮ್ ಯೋಜನೆಯ ಪೋಸ್ಟರ್‍ನಲ್ಲಿ ಪಿಣರಾಯಿ ವಿಜಯನ್ ಮತ್ತು ಸಚಿವ ಮೊಹಮ್ಮದ್ ರಿಯಾಜ್ ರಿಂದ ಕೋಯಿಕ್ಕೋಡ್ ಮೇಯರ್ ವರೆಗೆ ಸಾಲು ಪೋಟೋಗಳು

             ತಿರುವನಂತಪುರಂ: ಕೇಂದ್ರದ ನಿಧಿಯಿಂದ ಜಾರಿಗೊಳಿಸಿರುವ ಯೋಜನೆಗಳನ್ನು ರಾಜ್ಯದ ಯೋಜನೆಗಳನ್ನಾಗಿ ಮಾಡಿ ಮುಖ್ಯಮಂತ್ರಿಗಳ ಭಾವಚಿತ್ರದೊಂದಿಗೆ ಸಾರ್ವಜನಿಕರ ಮುಂದಿಡುವಲ್ಲಿ ಕೇರಳ ಪ್ರಥಮ ಸ್ಥಾನದಲ್ಲಿದೆ.

               ಪಿಎಂ ಕುಸುಮ್ ಯೋಜನೆಯಡಿ ರಾಜ್ಯದಲ್ಲಿ ಪೂರ್ಣಗೊಂಡಿರುವ ಗ್ರಿಡ್ ಸಂಪರ್ಕಿತ ಸೌರ ವಿದ್ಯುತ್ ಸ್ಥಾವರಗಳ ಉದ್ಘಾಟನೆ ಇದಕ್ಕೆ ಇತ್ತೀಚಿನ ಉದಾಹರಣೆಯಾಗಿದೆ. ಪ್ರಧಾನ ಮಂತ್ರಿ ಕಿಸಾನ್ ಊರ್ಜಾ ಸುರಕ್ಷಾ ಏವಂ ಉಧಮ್ ಮಹಾಭಿಯಾನ್ ಅಥವಾ ಪಿಎಂ ಕುಸುಮ್ ದೇಶದ ರೈತರಿಗಾಗಿ ಕೇಂದ್ರ ಸರ್ಕಾರದ ಇಂಧನ ಸಂರಕ್ಷಣೆ ಯೋಜನೆಯಾಗಿದೆ. 2019 ರಲ್ಲಿ, ಪ್ರಧಾನಿ ನರೇಂದ್ರ ಮೋದಿ ಅವರು ದೇಶದ ರೈತರಿಗಾಗಿ ದೀರ್ಘ ದೃಷ್ಟಿಕೋನದಿಂದ ಯೋಜನೆಯನ್ನು ವಿನ್ಯಾಸಗೊಳಿಸಿದ್ದರು ಮತ್ತು ಜಾರಿಗೆ ತಂದರು. 2023-24ನೇ ಹಣಕಾಸು ವರ್ಷದಲ್ಲಿಯೇ ಈ ಯೋಜನೆಗೆ 1,996 ಕೋಟಿ ಮೀಸಲಿಡಲಾಗಿತ್ತು.

              ಪಾಲಕ್ಕಾಡ್‍ನಲ್ಲಿ 11 ಸ್ಥಳಗಳಲ್ಲಿ 14 ಸೌರ ವಿದ್ಯುತ್ ಸ್ಥಾವರಗಳನ್ನು ನಿರ್ಮಿಸಲಾಗಿದೆ. ಜೂನ್ 17ರಂದು ಉದ್ಘಾಟನೆಗೊಳ್ಳಲಿದೆ. ಪಾಲಕ್ಕಾಡ್ ಕೊಜಂಜಾಂಬರದಲ್ಲಿ ಗ್ರಿಡ್ ಸಂಪರ್ಕಿತ ಸೌರ ವಿದ್ಯುತ್ ಸ್ಥಾವರ ಮತ್ತು ಸಚಿವ ಮಹಮ್ಮದ್ ರಿಯಾಝ್ ಅವರ ಕ್ಷೇತ್ರವಾದ ಬೇಪೂರ್ ನಲ್ಲಲಂ ಕೆಡಿಪಿಪಿಯಲ್ಲಿ 200 ಕಿ.ವ್ಯಾ. ಸ್ಥಾವರವೂ ಪೂರ್ಣಗೊಂಡಿದೆ.

            ಕೇಂದ್ರದ ನಿಧಿಯಿಂದ ಜಾರಿಗೊಳಿಸಲಾದ ಈ ಯೋಜನೆಯನ್ನು ರಾಜ್ಯ ಯೋಜನೆ ಎಂದು ಆರಂಭಿಕ ಸೂಚನೆಯಲ್ಲಿ ಪ್ರಸ್ತುತಪಡಿಸಲಾಗಿದೆ. ವಿದ್ಯುತ್ ಸಚಿವ ಕೆ. ಕೃಷ್ಣನ್‍ಕುಟ್ಟಿ ಅವರು ಆನ್‍ಲೈನ್‍ನಲ್ಲಿ ಯೋಜನೆಯನ್ನು ಉದ್ಘಾಟಿಸುತ್ತಿದ್ದಾರೆ. ಕಾರ್ಯಕ್ರಮದ ಪೋಸ್ಟರ್‍ನಲ್ಲಿ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಮತ್ತು ವಿದ್ಯುತ್ ಸಚಿವ ಕೆ. ಕೃಷ್ಣನ್‍ಕುಟ್ಟಿ, ಲೋಕೋಪಯೋಗಿ ಸಚಿವ ಪಿ.ಎ.ಮುಹಮ್ಮದ್ ರಿಯಾಜ್, ಸಂಸದ ಎಂ.ಕೆ.ರಾಘವನ್, ಕೋಝಿಕ್ಕೋಡ್ ಮೇಯರ್ ಡಾ. ಬೀನಾ ಫಿಲಿಪ್ ಅವರ ಚಿತ್ರಗಳನ್ನು ಮೊದಲ ಭಾಗದಲ್ಲಿ ತೋರಿಸಲಾಗಿದೆ. ನೋಟೀಸ್‍ನಲ್ಲಿ ಪ್ರಧಾನಿಯವರ ಚಿತ್ರ ಅಥವಾ ಯೋಜನೆಯ ಲೋಗೋ ಇಲ್ಲದೇ ಮುದ್ರಿಸಲಾಗಿದೆ. ಕೇಂದ್ರದ ಯೋಜನೆಗೆ ಬದಲಾಗಿ ರಾಜ್ಯದ ಯೋಜನೆಯೆಂದು ಪ್ರಚಾರಗೊಳಿಸುತ್ತಿರುವುದು ವ್ಯಾಪಕ ವಿರೋಧ ವ್ಯಕ್ತವಾಗಿದೆ.

             ಸೋಲಾರ್ ಪಂಪ್‍ಗಳು ಮತ್ತು ಸೋಲಾರ್ ಪ್ಯಾನೆಲ್‍ಗಳನ್ನು ಜಮೀನಿನಲ್ಲಿ ಅಳವಡಿಸಿ ಗ್ರಿಡ್‍ಗೆ ಜೋಡಿಸುವ ಮೂಲಕ ಪಿಎಂ ಕುಸುಮ್ ಮೂಲಕ ರೈತರಿಗೆ ಶಾಶ್ವತ ಆದಾಯವನ್ನು ಖಾತ್ರಿಪಡಿಸಲಾಗುತ್ತದೆ.ಈ ಯೋಜನೆಯಡಿ ಕೃಷಿಯೇತರ ಪ್ರದೇಶಗಳು ಮತ್ತು ಒಣ ಪ್ರದೇಶಗಳನ್ನು ರೈತರಿಗೆ ಆದಾಯದ ಮೂಲವಾಗಿ ಪರಿವರ್ತಿಸಬಹುದು. 25 ವರ್ಷಗಳಿಗೆ ಪ್ಯಾನಲ್ ಕರಾರು ಇರುತ್ತದೆ.