ರಾಜ್ಯದಲ್ಲಿ ಮುಂಗಾರು; ಕಣ್ಣೂರು, ಕಾಸರಗೋಡು ಜಿಲ್ಲೆಗಳಲ್ಲಿ ಭಾರೀ ಮಳೆ ಮತ್ತು ಸಮುದ್ರದ ಪ್ರಕ್ಷುಬ್ಧತೆ: ಕಡಲತೀರಗಳಿಗೆ ಪ್ರವೇಶ ನಿಯಂತ್ರಣ

                ಕಣ್ಣೂರು: ಭಾರೀ ಮಳೆ ಹಾಗೂ ಸಮುದ್ರದ ಪ್ರಕ್ಷುಬ್ಧತೆಯ ಹಿನ್ನೆಲೆಯಲ್ಲಿ ಕಣ್ಣೂರು, ಕಾಸರಗೋಡು ಕಡಲತೀರಗಳಿಗೆ ಪ್ರವೇಶ ನಿರ್ಬಂಧಿಸಿ ಡಿಟಿಪಿಸಿ ಕಾರ್ಯದರ್ಶಿ ಆದೇಶ ಹೊರಡಿಸಿದ್ದಾರೆ.

              ಪಯ್ಯಂಬಲಂ, ಮುಜಪ್ಪಿಲಂಗಾಡ್ ಮತ್ತು ಧರ್ಮಡÀಂ, ಬೇಕಲ ಬೀಚ್‍ಗಳಿಗೆ ಪ್ರವೇಶ ನಿಷೇಧಿಸಿ ಆದೇಶ ಹೊರಡಿಸಲಾಗಿದೆ.

            ರಾಜ್ಯದಲ್ಲಿ ಮುಂಗಾರು ಮಳೆಯ ನಂತರ ಕಣ್ಣೂರು, ಕಾಸರಗೋಡು ಜಿಲ್ಲೆಗಳಲ್ಲಿ ಭಾರಿ ಮಳೆಯಾಗಿದೆ. ನಿನ್ನೆ ಮೂರು ಗಂಟೆಗೂ ಹೆಚ್ಚು ಕಾಲ ನಿರಂತರವಾಗಿ ಮಳೆ ಸುರಿಯಿತು. ಈ ಮಳೆಯಿಂದಾಗಿ ಜಿಲ್ಲೆಯ ಹಲವೆಡೆ ಜಲಾವೃತವಾಗಿದೆ. ಕಣ್ಣೂರು ಮಟ್ಟನ್ನೂರಿನಲ್ಲಿ ವಿಮಾನ ನಿಲ್ದಾಣದ ಸಮೀಪದ ನಾಲ್ಕು ಮನೆಗಳಿಗೆ ನೀರು ನುಗ್ಗಿದೆ. ಒಂದನೇ ಗೇಟ್ ಬಳಿಯ ಕಲ್ಲೇರಿಕರ ಮನೆಗಳಿಗೆ ನೀರು ನುಗ್ಗಿದೆ. ವಿಮಾನ ನಿಲ್ದಾಣದಲ್ಲಿ ಕಾಲುವೆ ಮೂಲಕ ಹರಿದು ಬಂದ ನೀರು ಮನೆಗಳಿಗೆ ನುಗ್ಗಿದೆ.

             ಏತನ್ಮಧ್ಯೆ, ಕೇರಳದಲ್ಲಿ ಇಂದು ಹಲವೆಡೆ ವ್ಯಾಪಕ ಮಳೆಯಾಗುತ್ತಿದೆ.   ಆದರೆ ಕಳೆದ ದಿನದಷ್ಟು ಮಳೆಯ ನಿರೀಕ್ಷೆ ಇಂದಿಲ್ಲ. ಇದಲ್ಲದೆ, ಇಂದು ಯಾವುದೇ ಜಿಲ್ಲೆಯಲ್ಲಿ ವಿಶೇಷ ಮಳೆ ಎಚ್ಚರಿಕೆ ಇಲ್ಲ. ಆದರೆ ಹವಾಮಾನ ಇಲಾಖೆ ಮೀನುಗಾರಿಕೆ ನಿಷೇಧವನ್ನು ಮುಂದುವರಿಸಲು ಸೂಚಿಸಿದೆ. ಎತ್ತರದ ಅಲೆಗಳು ಮತ್ತು ಸಮುದ್ರ ಪ್ರಕ್ಷುಬ್ಧವಾಗುವ ಸಾಧ್ಯತೆಯಿರುವುದರಿಂದ ಕರಾವಳಿ ನಿವಾಸಿಗಳಿಗೆ ಎಚ್ಚರಿಕೆ ವಹಿಸಲು ಸೂಚಿಸಲಾಗಿದೆ.