ಅಶ್ಲೀಲ ಪದಗಳ ನಿರಂತರ ಬಳಕೆ: ಯೂಟ್ಯೂಬರ್ ಟೊಪ್ಪಿ ಪೋಲೀಸ್ ವಶಕ್ಕೆ

                  ಮಲಪ್ಪುರಂ: ವಾಲಂಚೇರಿಯಲ್ಲಿ ನಡೆದ ಉದ್ಘಾಟನಾ ಕಾರ್ಯಕ್ರಮಕ್ಕೆ ಸಂಬಂಧಿಸಿದಂತೆ ವಿವಾದಿತ ಯೂಟ್ಯೂಬರ್ ನಿಹಾದ್ ಆಲಿಯಾಸ್ 'ಟೊಪ್ಪಿ'ಯನ್ನು ಪೋಲೀಸರು ವಶಕ್ಕೆ ಪಡೆದಿದ್ದಾರೆ.

              ವಲಂಚೇರಿ ಪೋಲೀಸರು ಸಂಚಾರಕ್ಕೆ ಅಡ್ಡಿಪಡಿಸಿದ ಹಾಗೂ ಅವಾಚ್ಯ ಶಬ್ದಗಳಿಂದ ನಿಂದಿಸಿದ ಆರೋಪದ ಮೇಲೆ ಪ್ರಕರಣ ದಾಖಲಿಸಿಕೊಂಡಿದ್ದರು. ಉದ್ಘಾಟನಾ ಕಾರ್ಯಕ್ರಮ ಆಯೋಜಿಸಿದ್ದ ‘ಪೆಪೆ ಸ್ಟ್ರೀಟ್ ಫ್ಯಾಷನ್’ ಮಳಿಗೆಯ ಮಾಲೀಕರ ವಿರುದ್ಧವೂ ಪ್ರಕರಣ ದಾಖಲಾಗಿದೆ.

     ಪೋಲೀಸರು ಟೊಪ್ಪಿಯನ್ನು ಎರ್ನಾಕುಳಂನಲ್ಲಿ ವಶಕ್ಕೆ ತೆಗೆದುಕೊಂಡರು. ಎದೆಗೆ  ಒದ್ದು ಪೋಲೀಸರು ತನ್ನನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ ಎಂದು ಟೊಪ್ಪಿ ಆರೋಪಿಸಿದ್ದಾನೆ. ಪೊಲೀಸರು ನಿಹಾದ್ ಅಲಿಯಾಸ್ ಟೊಪ್ಪಿಯನ್ನು ಎರ್ನಾಕುಳಂನ ಎಡತಾಲದಲ್ಲಿರುವ ಆತನ ನಿವಾಸದಲ್ಲಿ ಬಂಧಿಸಿದ್ದಾರೆ. ವಾಲಂಚೇರಿಯ ಪೈಂಕನ್ನೂರು ಪಂಡಿಕಶಾಲಾ ನಿವಾಸಿ ಸೈಫುದ್ದೀನ್ ಪದಂ ಎಂಬವರ ದೂರಿನ ಮೇರೆಗೆ ವಿವಾದಿತ ಕಾರ್ಯಕ್ರಮದಲ್ಲಿ ಪೋಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

           ಕಾರ್ಯಕ್ರಮವೊಂದರಲ್ಲಿ, ಟೊಪಿಯ್ಪ ಹಿಟ್ ಹಾಡು ಸಾಮಾಜಿಕ ಮಾಧ್ಯಮದಲ್ಲಿ ದೊಡ್ಡ ಚರ್ಚೆಯ ವಿಷಯವಾಗಿತ್ತು. ಇದರೊಂದಿಗೆ ಹಲವರು ಟೊಪ್ಪಿಯನ್ನು ಟೀಕಿಸಲು ಮುಂದಾದರು. ಟೊಪ್ಪಿಯ ಯೂಟ್ಯೂಬ್ ಚಾನೆಲ್ ಆರು ಲಕ್ಷಕ್ಕೂ ಹೆಚ್ಚು ಚಂದಾದಾರರನ್ನು ಹೊಂದಿದೆ. ಯೂಟ್ಯೂಬ್ ಚಾನೆಲ್‍ನ ಹೆಚ್ಚಿನ ಅಭಿಮಾನಿಗಳು ಮಕ್ಕಳು, ಇದರಲ್ಲಿ ಅಶ್ಲೀಲತೆ, ಸ್ತ್ರೀದ್ವೇಷ ಮತ್ತು ಕೊಳಕು ಹಾಡುಗಳು ಸೇರಿವೆ.