ಕೆ.ಎಸ್.ಇ.ಬಿ. ಪರವಾಗಿ ಸಂದೇಶ ಬಂದರೆ ಪ್ರತ್ಯುತ್ತರಿಸಬೇಡಿ; ಆನ್‍ಲೈನ್ ವಂಚನಾ ಜಾಲ ಸಕ್ರಿಯ: ಕೆ.ಎಸ್.ಇ.ಬಿ.ಸೂಚನೆ

            ಎರ್ನಾಕುಳಂ: ಕೆಎಸ್‍ಇಬಿ ಹೆಸರಿನಲ್ಲಿ ವ್ಯಾಪಕ ವಂಚನೆಯಲ್ಲಿ ತೊಡಗಿರುವ ಗುಂಪು ಸಕ್ರಿಯವಾಗಿರುವ ಬಗ್ಗೆ ವ್ಯಾಪಕ ದೂರುಗಳು ಕೇಳಿಬದಿದೆ. ವಿದ್ಯುತ್ ಬಿಲ್ ಸೇರಿದಂತೆ ಸೇವೆಗಳ ಹೆಸರಲ್ಲಿ ಹಣ ವಸೂಲು ಮಾಡುತ್ತಿರುವುದು ಕಂಡುಬಂದಿದೆ. 

         ಬಿಲ್ ಪಾವತಿ ಮಾಡದ ಕಾರಣ ವಿದ್ಯುತ್ ಸಂಪರ್ಕ ಕಡಿತಗೊಳ್ಳಲಿದೆ ಎಂದು ಎಸ್ ಎಂಎಸ್ ಕಳುಹಿಸುವ ಮೂಲಕ ವಂಚನೆಗೆ ವೇದಿಕೆ ಸೃಷ್ಟಿಸಲಾಗುತ್ತಿದೆ. ನೀವು ಪಾವತಿಸಿದ್ದರೆ, ಕೆಳಗೆ ತೋರಿಸಿರುವ ಮೊಬೈಲ್ ಸಂಖ್ಯೆಗೆ ಕರೆ ಮಾಡಿ ಎಂಬ ಸಂದೇಶದೊಂದಿಗೆ ವಂಚನೆಯ ಎರಡನೇ ಸ್ಟೆಪ್ ಪ್ರಾರಂಭವಾಗುತ್ತದೆ. ಈ ಸಂಖ್ಯೆಗೆ ಕರೆ ಮಾಡಿದವರು ತಂಡದ ಬಲೆಗೆ ಬೀಳುತ್ತಾರೆ. ಕರೆ ಮಾಡುವುದರಿಂದ ಪೋನ್‍ನಲ್ಲಿ ಮತ್ತೊಂದು ಸಂದೇಶ ಬರುತ್ತದೆ. ನೀವು ಲಿಂಕ್ ಅನ್ನು ಕ್ಲಿಕ್ ಮಾಡಿ ಎಂದು. ಸೂಚನೆಗಳನ್ನು ಅನುಸರಿಸಿದರೆ, ನೀವು ಹಣವನ್ನು ಕಳೆದುಕೊಳ್ಳುತ್ತೀರಿ.

          ಸಂದೇಶದಲ್ಲಿ ಮೊಬೈಲ್‍ನಿಂದ ಒಟಿಪಿ ಕೇಳುತ್ತದೆ. ಇದನ್ನು ನೀಡಿದರೆ ಹಣ ವಸೂಲಿ ಮಾಡುವ ಸಾಧ್ಯತೆ ಹೆಚ್ಚಿದೆ. ಕೆಎಸ್‍ಇಬಿ ಅಧಿಕಾರಿಗಳೆಂದು ವಂಚಿಸುವರು ಸಂದೇಶ ಕಳುಹಿಸುವುದಲ್ಲದೆ ದೂರವಾಣಿ ಕರೆಗಳನ್ನೂ ಸ್ವೀಕರಿಸುತ್ತಿದ್ದಾರೆ. ಕಳುಹಿಸಿದ ಲಿಂಕ್ ಮೂಲಕ ನಿಮ್ಮ ಪೋನ್‍ನಲ್ಲಿ ನಿರ್ದಿಷ್ಟ ಮೊಬೈಲ್ ಅಪ್ಲಿಕೇಶನ್ ಅನ್ನು ಸ್ಥಾಪಿಸಲು ನಿಮ್ಮನ್ನು ಕೇಳಲಾಗುತ್ತದೆ. ಈ ಮೂಲಕ, ವಂಚಕರು ಗ್ರಾಹಕರ ಮೊಬೈಲ್ ಪೋನ್ ಅನ್ನು ರಿಮೋಟ್ ಮೂಲಕ ನಿಯಂತ್ರಿಸಬಹುದು. ಇದರಿಂದ  ಒಟಿಪಿ ಮೂಲಕ ಬ್ಯಾಂಕ್ ವಿವರ ಸೇರಿದಂತೆ ಎಲ್ಲ ಮಾಹಿತಿ ಕದಿಯಲಾಗುತ್ತದೆ.

      ವಿವಿಧ ಕಡೆಗಳಲ್ಲಿ ಹಲವು ಮಂದಿ ವಂಚನೆಗೊಳಗಾಗಿದ್ದು, ಈ ಗುಂಪು ತಪ್ಪಿಸಲು ಜಾಗೃತರಾಗಬೇಕು ಎಂದು ಕೆಎಸ್‍ಇಬಿ ತಿಳಿಸಿದೆ. 13-ಅಂಕಿಯ ಗ್ರಾಹಕ ಸಂಖ್ಯೆ, ಬಾಕಿ ಮೊತ್ತ ಮತ್ತು ವಿದ್ಯುತ್ ವಿಭಾಗದ ಹೆಸರು ಅಧಿಕೃತ ಸಂದೇಶಗಳಲ್ಲಿ ಕಾಣಿಸುತ್ತದೆ. ಬೋರ್ಡ್‍ನಲ್ಲಿ ನೋಂದಾಯಿಸಿದ ಗ್ರಾಹಕರ ಮೊಬೈಲ್ ಸಂಖ್ಯೆಗೆ ಮಾತ್ರ ಸಂದೇಶ ತಲುಪುತ್ತದೆ. ಗ್ರಾಹಕರ ಬ್ಯಾಂಕ್ ಖಾತೆ, ಒಟಿಪಿ ಇತ್ಯಾದಿ ವಿವರಗಳನ್ನು ಕೆಎಸ್‍ಇಬಿ ಕೇಳುವುದಿಲ್ಲ.

              ಸಂದೇಹವಿದ್ದಲ್ಲಿ, ಪಾವತಿ ಮಾಡುವ ಮೊದಲು 24-ಗಂಟೆಗಳ ಕೆ.ಎಸ್.ಇ.ಬಿ ಕಾಲ್ ಸೆಂಟರ್ ಸಂಖ್ಯೆ 1912 ಗೆ ಕರೆ ಮಾಡಿ. ನೀವು 9496001912 ಸಂಖ್ಯೆಗೆ ಎಸ್ ಎಂ ಎಸ್ ಸಂದೇಶವನ್ನು ಸಹ ಕಳುಹಿಸಬಹುದು. ಬಿಲ್‍ಗಳನ್ನು ಪಾವತಿಸಲು ಅಧಿಕೃತ ವೆಬ್‍ಸೈಟ್, ವಿಶ್ವಾಸಾರ್ಹ ಬ್ಯಾಂಕ್ ಖಾತೆಗಳು ಅಥವಾ ಜಿ-ಪೇ ವ್ಯವಸ್ಥೆಯನ್ನು ಮಾತ್ರ ಬಳಸಿ.