ತಿರುವನಂತಪುರಂ: ಮದ್ಯದಂಗಡಿಯಲ್ಲಿ ದಿನನಿತ್ಯದ ಆದಾಯ ನಿಗದಿತ ಮಿತಿ 6 ಲಕ್ಷಕ್ಕಿಂತ ಕಡಿಮೆ ಇದೆ ಎಂದು ಬೀವರೇಜಸ್ ಕಾರ್ಪೋರೇಶನ್ ಗೋದಾಮು ವ್ಯವಸ್ಥಾಪಕರಿಗೆ ಸರ್ಕಾರ ಶೋಕಾಸ್ ನೋಟಿಸ್ ಕಳುಹಿಸಿದೆ.
ಕನಿಷ್ಠ ಮಾರಾಟ ಮಿತಿ 6 ಲಕ್ಷಕ್ಕಿಂತ ಕಡಿಮೆ ಮದ್ಯ ಮಾರಾಟವಾಗಿರುವುದರಿಂದ ಶೋಕಾಸ್ ನೋಟಿಸ್ ಕಳುಹಿಸಲಾಗಿದೆ.
ಕೇರಳದ ವಿವಿಧ ಬಿವರೇಜ್ ಗೋದಾಮುಗಳ ಅಡಿಯಲ್ಲಿ ಸುಮಾರು 30 ಬಿವರೇಜ್ ಅಂಗಡಿಗಳು 6 ಲಕ್ಷಕ್ಕಿಂತ ಕಡಿಮೆ ಮಾರಾಟವನ್ನು ಹೊಂದಿವೆ. ಈ 30 ಬಿವರೇಜ್ ಅಂಗಡಿಗಳು ತೊಡುಪುಳ, ಕೊಟ್ಟಾರಕ್ಕರ, ಭರತನ್ನೂರ್, ಪೆರುಂಬಾವೂರು, ಕಡವಂತರ, ಕೊಟ್ಟಾಯಂ, ಆಲುವಾ, ತ್ರಿಶೂರ್, ಪತ್ತನಂತಿಟ್ಟ, ತ್ರಿಪುಣಿತುರಾ, ಚಾಲಕುಡಿ, ಆಯರ್ಕುನ್ನಂ, ನೆಡುಮಂಗಾಡ, ತಿರುವಲ್ಲಾ ಮತ್ತು ಆಲುವಾ ಗೋದಾಮುಗಳ ಅಡಿಯಲ್ಲಿವೆ. ಇದರ ಬೆನ್ನಲ್ಲೇ ಸರ್ಕಾರ ನೋಟಿಸ್ ಜಾರಿ ಮಾಡಿದೆ.
ಬಿವರೇಜ್ ಗಳ ಕಾರ್ಯಾಚರಣೆಯ ಮುಖ್ಯಸ್ಥರು ಐದು ದಿನಗಳಲ್ಲಿ ಪ್ರತಿಕ್ರಿಯೆ ನೀಡುವಂತೆ ಉಗ್ರಾಣ ವ್ಯವಸ್ಥಾಪಕರನ್ನು ಕೇಳಿದ್ದಾರೆ. ಬಹುತೇಕ ಮದ್ಯದಂಗಡಿಗಳು 5 ಲಕ್ಷಕ್ಕೂ ಅಧಿಕ ವಹಿವಾಟು ನಡೆಸುತ್ತವೆ. ನಿತ್ಯ ಆರು ಲಕ್ಷಕ್ಕಿಂತ ಹೆಚ್ಚು ಆದಾಯ ಇಲ್ಲದಿದ್ದರೆ ನಷ್ಟ ಎಂಬುದು ಬಿವರೇಜಸ್ ಕಾರ್ಪೋರೇಶನ್ ನ ಅಂದಾಜು. ರಾಷ್ಟ್ರೀಯ ಹೆದ್ದಾರಿ ಪಕ್ಕದ ಅಂಗಡಿಗಳನ್ನು ಬದಲಾಯಿಸಿರುವುದು ಮಾರಾಟ ಇಳಿಕೆಗೆ ಪ್ರಮುಖ ಕಾರಣ ಎನ್ನಲಾಗಿದೆ.
DOCTYPE html>
.png)
