ಕನ್ನಡ ಪರ ಹೋರಾಟ ನಡೆಸಿದ ಸಾಧಕರಿಗೆ ಸನ್ಮಾನ

            ಸಮರಸ ಚಿತ್ರಸುದ್ದಿ: ಮುಳ್ಳೇರಿಯ: ಅಡೂರು ಸರ್ಕಾರಿ ಹೈಯರ್ ಸೆಕೆಂಡರಿ ಶಾಲೆಯ ಪ್ರೌಢಶಾಲಾ ಕನ್ನಡ ವಿಭಾಗದ ಸಮಾಜ ವಿಜ್ಞಾನ ಪಠ್ಯಕ್ಕೆ ಅರೆಬರೆ ಕನ್ನಡ ತಿಳಿದ ಮಲಯಾಳಿ ಶಿಕ್ಷಕಿಯನ್ನು ನೇಮಿಸಿದ ವಿರುದ್ಧ ಹೈಕೋರ್ಟಿನಲ್ಲಿ ಕಾನೂನುಬದ್ಧ ಹೋರಾಟ ನಡೆಸಿ ಜಯ ದೊರೆಯುವಲ್ಲಿ ನೇತೃತ್ವ ವಹಿಸಿದ ಅಡೂರಿನ ಕನ್ನಡ ಹೋರಾಟಗಾರರಾದ ನಯನಾ ಗಿರೀಶ್ ಹಾಗೂ ಸಂಧ್ಯಾಕುಮಾರಿ ಇವರನ್ನು ಅಡೂರಿನ ವರಮಹಾಲಕ್ಷ್ಮಿ ಪೂಜಾ ಸಮಿತಿ ಮತ್ತು ಮಾತೃ ಮಂಡಳಿ ಹಾಗೂ ಅಡೂರಿನ ವಿದ್ಯಾಭಾರತೀ ವಿದ್ಯಾಲಯದ ನೇತೃತ್ವದಲ್ಲಿ ಶುಕ್ರವಾರ ನಡೆದ ಸಾರ್ವಜನಿಕ ವರಮಹಾಲಕ್ಷ್ಮಿ ಪೂಜೆಯ ಸಂದರ್ಭದಲ್ಲಿ ಶಾಲು ಹೊದಿಸಿ ಅಭಿನಂದಿಸಲಾಯಿತು.