ಪ್ರಾಚ್ಯವಸ್ತು ವಂಚನೆ ಪ್ರಕರಣ; ಐಜಿ ಲಕ್ಷ್ಮಣ್ ರನ್ನು ಬಂಧಿಸಿದ ಅಪರಾಧ ವಿಭಾಗ

             ಕೊಚ್ಚಿ: ಮೊನ್ಸನ್ ಮಾವುಂಕಲ್‍ಗೆ ಸಂಬಂಧಿಸಿದ ಪ್ರಾಚ್ಯವಸ್ತು ವಂಚನೆ ಸಂಚು ಪ್ರಕರಣದಲ್ಲಿ ಐಜಿ ಲಕ್ಷ್ಮಣ್ ಅವರನ್ನು ಕ್ರೈಂ ಬ್ರಾಂಚ್ ಬಂಧಿಸಿದೆ.ಬಳಿಕ ಜಾಮೀನಿನ ಮೇಲೆ ಬಿಡುಗಡೆಗೊಳಿಸಲಾಯಿತು.

          ಮಾನ್ಸನ್ ಮಾವುಂಕಲ್ ಒಳಗೊಂಡ ಹಣಕಾಸು ವಂಚನೆಯ ಪ್ರಮುಖ ಯೋಜಕ ಐಜಿ ಲಕ್ಷ್ಮಣ್ ಎಂದು ಕ್ರೈಂ ಬ್ರಾಂಚ್ ಈ ಹಿಂದೆ ಹೈಕೋರ್ಟ್‍ಗೆ ನೀಡಿದ ವರದಿಯಲ್ಲಿ ಹೇಳಿತ್ತು. ವರದಿಯ ಪ್ರಕಾರ ಐಜಿ ಕೂಡ ಷಡ್ಯಂತ್ರದಲ್ಲಿ ಭಾಗಿಯಾಗಿರುವುದು ಬಹುತೇಕ ದೃಢವಾಗಿದೆ.

            ಮಾನ್ಸನ್ ಪ್ರಕರಣ ಬೆಳಕಿಗೆ ಬಂದಾಗ ಲಕ್ಷ್ಮಣ್ ಅವರನ್ನು ಅಮಾನತುಗೊಳಿಸಲಾಗಿತ್ತು. ಆದರೆ ಪ್ರಕರಣದಲ್ಲಿ ಆರೋಪಿಯಾಗಿ ಸೇರಿಸಿರಲಿಲ್ಲ. ಆದರೆ ಕೆಪಿಸಿಸಿ ಅಧ್ಯಕ್ಷ ಕೆ.ಸುಧಾಕರನ್ ಅವರನ್ನು ಆರೋಪಿಯನ್ನಾಗಿ ಮಾಡಿದ ನಂತರ ಐಜಿಯನ್ನೂ ಆರೋಪಿಯನ್ನಾಗಿ ಮಾಡಲಾಗಿದೆ.

           ಇದಕ್ಕೂ ಮುನ್ನ ಐಜಿ ಲಕ್ಷ್ಮಣ್ ಅವರು ವಿಚಾರಣೆಗೆ ನೋಟಿಸ್ ನೀಡಿದಾಗ ಆರೋಗ್ಯ ಸಮಸ್ಯೆ ಹಿನ್ನೆಲೆಯಲ್ಲಿ ಹಾಜರಾಗಿರಲಿಲ್ಲ. ಆದರೆ ತನಿಖಾ ತಂಡವು ನಕಲಿ ವೈದ್ಯಕೀಯ ಪ್ರಮಾಣಪತ್ರದ ಶಂಕೆ ವ್ಯಕ್ತಪಡಿಸಿದಾಗ, ಅವರನ್ನು ವಿಚಾರಣೆಗೆ ಒಳಪಡಿಸಲಾಯಿತು.