ಆಸ್ಟ್ರೇಲಿಯಾ ಪ್ರಧಾನಿ ಅಂಥೋನಿ ಅಲ್ಬನೀಸ್ ಭಾರತಕ್ಕೆ

             ನವದೆಹಲಿ: ಆಸ್ಟ್ರೇಲಿಯಾ ಪ್ರಧಾನಿ ಅಂಥೋನಿ ಅಲ್ಬನೀಸ್ ಅವರು ಸೆಪ್ಟೆಂಬರ್‌ 9 ಮತ್ತು 10ರಂದು ನವದೆಹಲಿಯಲ್ಲಿ ನಡೆಯಲಿರುವ ಜಿ20 ಶೃಂಗಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

                ಈ ಬಗ್ಗೆ ಆಸ್ಟ್ರೇಲಿಯಾ ಸರ್ಕಾರ ಶನಿವಾರ ಹೇಳಿಕೆ ಬಿಡುಗಡೆ ಮಾಡಿದ್ದು, ವಿಶ್ವ ಆರ್ಥಿಕ ಸಹಕಾರದ ದೃಷ್ಟಿಯಿಂದ ಜಿ20ಯು ಪ್ರಮುಖ ವೇದಿಕೆಯಾಗಿದೆ.

              ಇದರ ಮೂಲಕ ಜಾಗತಿಕ ನಾಯಕರು ವಿಶ್ವ ಆರ್ಥಿಕತೆಯನ್ನು ಸದೃಢ, ಸುಸ್ತಿರ ಮತ್ತು ಸ್ಥಿತಿಸ್ಥಾಪಕ ಬೆಳವಣಿಗೆಯ ಹಾದಿಯಲ್ಲಿ ಮುನ್ನಡೆಸುವತ್ತ ಚಿತ್ತಹರಿಸಲಿದ್ದಾರೆ ಎಂದು ಉಲ್ಲೇಖಿಸಿದೆ.

                  ಅಂಥೋನಿ ಅವರು ಮುಂದಿನ ತಿಂಗಳು ಮೂರು ರಾಷ್ಟ್ರಗಳಿಗೆ ಪ್ರವಾಸ ಕೈಗೊಳ್ಳಲಿದ್ದು, ಆ ವೇಳೆ ಭಾರತಕ್ಕೆ ಭೇಟಿ ನೀಡಲಿದ್ದಾರೆ. ಇಂಡೊನೇಷ್ಯಾ ಮತ್ತು ಫಿಲಿಪೀನ್ಸ್‌ ಅಂಥೋನಿ ಅವರು ಭೇಟಿ ನೀಡುವ ಇನ್ನೆರಡು ರಾಷ್ಟ್ರಗಳಾಗಿವೆ.