ಗಣೇಶ ದೇವರ ಅವಮಾನಿಸಿದ ಎಎನ್ ಶಂಸೀರ್ ವಿರುದ್ಧ ಶಿವಗಿರಿ ಮಠ ಖೇದ: ಸ್ಪೀಕರ್ ವಿಷಾದ ವ್ಯಕ್ತಪಡಿಸಬೇಕು ಎಂದು ಸ್ವಾಮಿ ಸಚ್ಚಿದಾನಂದ ಶ್ರೀ

              ಶಿವಗಿರಿ: ಸನಾತನ ಧಮೀಯರ ಪ್ರಥಮ ಪೂಜಿತ ಶ್ರೀಗಣೇಶ ದೇವರನ್ನು ಅವಮಾನಿಸಿದ ಸ್ಪೀಕರ್ ಎ.ಎನ್. ಶಂಸೀರ್ ವಿರುದ್ದ ಶಿವಗಿರಿ ಮಠ ಖೇದ ವ್ಯಕ್ತಪಡಿಸಿದೆ. ಭಕ್ತರಿಗೆ ನೋವುಂಟು ಮಾಡುವ ಮಾತಿಗೆ ಶಂಸೀರ್ ವಿಷಾದ ವ್ಯಕ್ತಪಡಿಸಬೇಕು ಎಂದು ಶ್ರೀ ನಾರಾಯಣ ಧರ್ಮ ಸಂಘ ಟ್ರಸ್ಟ್ ಅಧ್ಯಕ್ಷ ಸ್ವಾಮಿ ಸಚ್ಚಿದಾನಂದ ಸುದ್ದಿಗೋಷ್ಠಿಯಲ್ಲಿ ಹೇಳಿದರು.

            ಶಂಸೀರ್ ಜಾತ್ಯಾತೀತ ನಂಬಿಕೆಯುಳ್ಳವರು ಎಂದು ಗಟ್ಟಿಯಾಗಿ ಹೇಳುತ್ತಿದ್ದಾರೆ, ಹಾಗಿದ್ದರೆ ಅವಹೇಳನ ಮಾಡಲು ಸಾಧ್ಯವಿರಲಿಲ್ಲ, ಭಾಷಣದ ವೇಳೆ ಅವರು ಹೇಳಿರುವುದು ನಿಷ್ಠಾವಂತ ಭಕ್ತರ ಮನ ನೋಯಿಸಿದೆ. ಅದನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಪ್ರಾಮಾಣಿಕ ವಿಷಾದವನ್ನು ವ್ಯಕ್ತಪಡಿಸುವುದು ಸೂಕ್ತವಾಗಿದೆ. ಇದಕ್ಕೆ ಸಂಬಂಧಿಸಿದ ರಾಜಕೀಯ ವಿಷಯಗಳಲ್ಲಿ ಮಠ ಹಸ್ತಕ್ಷೇಪ ಮಾಡುವುದಿಲ್ಲ. ಭಕ್ತರು ಅನುಭವಿಸಿದ ನೋವಿಗೆ ಮಠ ಸ್ಪಂದಿಸುತ್ತಿದೆ. ಗಣಪತಿಯು ದೇವರು ಚೇತನದ ಮೂರ್ತಿ ಎಂದು ಸ್ವಾಮಿ ಹೇಳಿದ್ದಾರೆ.