ಆಯ ತಪ್ಪಿ ಬಿದ್ದ ಬಿಹಾರ ಸಿಎಂ ನಿತೀಶ್‌ ಕುಮಾರ್‌

              ಪಟ್ನಾ: ಪಟ್ನಾ ವಿಶ್ವವಿದ್ಯಾಲಯದಲ್ಲಿ ಶಿಕ್ಷಕರ ದಿನದ ಅಂಗವಾಗಿ ಮಂಗಳವಾರ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಬಿಹಾರ ಮುಖ್ಯಮಂತ್ರಿ ನಿತೀಶ್‌ ಕುಮಾರ್‌ ಆಯತಪ್ಪಿ ಬಿದ್ದರು.

             ನಾಮಫಲಕ ಅನಾವರಣ ಮಾಡುವ ಸಂದರ್ಭದಲ್ಲಿ ನಿತೀಶ್‌ ಕುಮಾರ್‌ ಆಯ ತಪ್ಪಿದರು.

ಅಲ್ಲೇ ಇದ್ದ ಭದ್ರತಾ ಸಿಬ್ಬಂದಿ ಅವರನ್ನು ಹಿಡಿದು ಮೇಲೆತ್ತಿದರು.

               ಇದರಿಂದ ನಿತೀಶ್‌ ಕುಮಾರ್‌ ಅವರಿಗೆ ಗಂಭೀರ ಹಾನಿಯಾದಂತೆ ಕಾಣಲಿಲ್ಲ. ತಕ್ಷಣವೇ ವೇದಿಕೆಯತ್ತ ಬಂದ ಅವರು ಮಾಜಿ ರಾಷ್ಟ್ರಪತಿ ಸರ್ವಪಲ್ಲಿ ರಾಧಾಕೃಷ್ಣನ್‌ ಅವರ ಫೋಟೊಗೆ ಹೂವಿನ ಹಾರ ಹಾಕಿ ನಮಸ್ಕರಿಸಿದರು.