ಏಲಿಯನ್‌ನಂತೆ ಕಾಣುವ ವಿಚಿತ್ರ ಮಗುವಿಗೆ ಜನ್ಮ ನೀಡಿದ ಮಹಿಳೆ

           ಬರೇಲಿ: ಅಪರೂಪದ ಜೆನೆಟಿಕ್ ಡಿಸಾರ್ಡರ್ (ಹಾರ್ಲೆಕ್ವಿನ್ ಇಚ್ಥಿಯೋಸಿಸ್) ನಿಂದ ಬಳಲುತ್ತಿರುವ ಮತ್ತೊಂದು ಗಂಡು ಮಗು ಉತ್ತರ ಪ್ರದೇಶದ ಬರೇಲಿಯ ಬಹೇದಿ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಜನಿಸಿದೆ.

              ಬಹೇದಿ ಪೊಲೀಸ್ ಠಾಣೆ ವ್ಯಾಪ್ತಿಯ ಗ್ರಾಮದಲ್ಲಿ ವಾಸಿಸುತ್ತಿದ್ದ ಮಹಿಳೆಯೊಬ್ಬರಿಗೆ ಹೆರಿಗೆ ನೋವು ಕಾಣಿಸಿಕೊಂಡಾಗ ಸಂಬಂಧಿಕರು ಸಿಎಚ್‌ಸಿಗೆ ಬಂದಿದ್ದರು. ಬುಧವಾರ ತಡರಾತ್ರಿ ಮಹಿಳೆ ಸಾಮಾನ್ಯ ಹೆರಿಗೆ ಮೂಲಕ ಮಗುವಿಗೆ ಜನ್ಮ ನೀಡಿದ್ದಾರೆ. ಮಗುವಿನ ದೇಹ ಸಂಪೂರ್ಣವಾಗಿ ಬಿಳಿಯಾಗಿದ್ದು, ಚರ್ಮವು ಬಿರುಕು ಬಿಟ್ಟಿದೆ. ಹುಟ್ಟಿದಾಗಿನಿಂದ ಮಗು ವಿಚಿತ್ರ ಶಬ್ದಗಳನ್ನು ಮಾಡುತ್ತಿರುವ ಮಗುವನ್ನು ಕಂಡು ಕುಟುಂಬಸ್ಥರು ಗಾಬರಿಗೊಂಡಿದ್ದಾರೆ.

             ಕೊನೆಗೆ ವೈದ್ಯರು ಅಪರೂಪದ ಕಾಯಿಲೆಯ ಬಗ್ಗೆ ಹೇಳಿದಾಗ ಕುಟುಂಬಸ್ಥರು ಶಾಂತವಾಗಿದ್ದು, ಇಡೀ ಪ್ರದೇಶದಲ್ಲಿ ಈ ಮಗುವಿನ ಬಗ್ಗೆ ಜನರು ಚರ್ಚಿಸುತ್ತಿದ್ದಾರೆ. ಮಗುವಿನ ದೇಹದಲ್ಲಿ ಎಣ್ಣೆ ಉತ್ಪಾದಿಸುವ ಗ್ರಂಥಿಗಳ ಕೊರತೆಯಿಂದಾಗಿ ಚರ್ಮವು ಬಿರುಕು ಬಿಟ್ಟು ಈ ಕಾಯಿಲೆ ಬರುತ್ತದೆ ಎಂದು ವೈದ್ಯರು ಹೇಳಿದ್ದಾರೆ. ಅಲ್ಲದೇ, ಇಂತಹ ಜನನ ಶಿಶುಗಳನ್ನು ಹಾರ್ಲೆಕ್ವಿನ್ ಇಚ್ಥಿಯೋಸಿಸ್ ಬೇಬೀಸ್ ಎಂದು ಕರೆಯಲಾಗುತ್ತದೆ ಎಂದು ವೈದ್ಯರು ಹೇಳುತ್ತಾರೆ.      

                ಸಾಮಾನ್ಯ ಹೆರಿಗೆಯಿಂದ ಜನಿಸಿರುವ ಈ ಮಗು ಐದು ದಿನಗಳ ನಂತರವೂ ಜೀವಂತವಾಗಿದ್ದು, ರೋಗದ ಕಾರಣವನ್ನು ಕಂಡುಹಿಡಿಯಲು ವೈದ್ಯರು ಚರ್ಮದ ಬಯಾಪ್ಸಿ ಮತ್ತು ಕರಿಯಾ ಟಿಮಿನ್ ಪರೀಕ್ಷೆಗಾಗಿ ಮಾದರಿಗಳನ್ನು ತೆಗೆದುಕೊಂಡಿದ್ದಾರೆ. ಇದುವರೆಗೆ ಇಡೀ ವಿಶ್ವದಲ್ಲಿ ಇಂತಹ ಸುಮಾರು 250 ಪ್ರಕರಣಗಳು ಕಂಡು ಬಂದಿದ್ದು ಮಗು ಜನನದ ಸಮಯದಲ್ಲಿಯೇ ಅಥವಾ ಕೆಲವು ಗಂಟೆಗಳ ನಂತರ ಸಾಯುತ್ತದೆ. ಆದರೆ 5 ದಿನಗಲ ಬಳಿಕವೂ ಇದು ಜೀವಂತವಾಗಿದೆ ಎಂದು ಹೇಳಲಾಗಿದೆ.