ಮಿಜೋರಾಂ ಸಿಎಂ ಭೇಟಿ ಮಾಡಿದ ಮಣಿಪುರ ಕುಕಿ ಶಾಸಕರು

              ಐಜ್ವಾಲ್‌: ಮಣಿಪುರದ ಹತ್ತು ಕುಕಿ ಶಾಸಕರು, ಸಿವಿಲ್‌ ಸೊಸೈಟಿ ಆರ್ಗನೇಜೇಷನ್ಸ್‌ ಮತ್ತು ಸಸ್ಪೆನ್ಶನ್‌ ಆಫ್‌ ಆಪರೇಷನ್ಸ್‌ ಗುಂಪು ಮಿಜೋರಾಂ ಮುಖ್ಯಮಂತ್ರಿ ಝೊರಾಂಥಾಂಗ ಅವರನ್ನು ಬುಧವಾರ ಭೇಟಿ ಮಾಡಿತು ಎಂದು ಅಧಿಕಾರಿಗಳು ತಿಳಿಸಿದರು.

                ಹಿಂಸಾಚಾರದಿಂದಾಗಿ ಮಣಿಪುರದ ಜನ ಸಂಕಟಪಡುತ್ತಿರುವುದು ತಿಳಿದು ತೀವ್ರ ದುಃಖವಾಗಿದೆ.

ಸಹೋದರ, ಸಹೋದರಿಯರಿಗೆ ನೆರವು ನೀಡಲು ಮಿಜೋರಾಂ ಜನರು ಸಿದ್ಧರಿದ್ದಾರೆ. ಜನರು ಮತ್ತು ವಿವಿಧ ಸಂಸ್ಥೆಗಳೊಂದಿಗೆ ಸಮಾಲೋಚನೆ ನಡೆಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಝೊರಾಂಥಾಂಗ ಹೇಳಿದರು ಎಂದು ತಿಳಿಸಿದರು.

                     ಮಣಿಪುರದಲ್ಲಿ ಜನಾಂಗೀಯ ಸಂಘರ್ಷ ಆರಂಭವಾದಾಗಿನಿಂದ ಈವರೆಗೆ 160ಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದಾರೆ.