ಇನ್ನು ತಲೆ ಮೇಲೆಯೂ ಹಾರಲಿದೆ ಎ.ಐ. ಡ್ರೋನ್ ಕ್ಯಾಮರಾ: ಬೇತಾಳನಂತೆ ಕಾಡಲಿದೆ ಎಂ.ವಿ.ಡಿ.

                    ಕೊಚ್ಚಿ: ಇನ್ನು ತಲೆ ಮೇಲೆಯೂ ಕ್ಯಾಮರಾ ಹಾರಾಡಲಿದೆ. ಕಣ್ಗಾವಲುಗಾಗಿ ಡ್ರೋನ್‍ಗಳಲ್ಲಿ ಎ.ಐ.ಕ್ಯಾಮೆರಾಗಳನ್ನು ಅಳವಡಿಸಲು ಮೋಟಾರು ವಾಹನ ಇಲಾಖೆ ಯೋಜಿಸುತ್ತಿದೆ.

                        ಈ ನಿಟ್ಟಿನಲ್ಲಿ ಸರ್ಕಾರ ಮೋಟಾರು ವಾಹನ ಇಲಾಖೆಗೆ ಅನುಮತಿ ನೀಡಿದೆ. ಕ್ಯಾಮೆರಾ ಅಳವಡಿಸಿದ ಸ್ಥಳಗಳಲ್ಲಿ ಮಾತ್ರ ಕಾನೂನು ಪಾಲನೆ, ಕ್ಯಾಮೆರಾ ಇಲ್ಲದ ಕಡೆಗಳಲ್ಲಿ ಉಲ್ಲಂಘನೆ ಹೆಚ್ಚುತ್ತಿರುವುದು ಗಮನಕ್ಕೆ ಬಂದಿರುವುದರಿಂದ ಮೋಟಾರು ವಾಹನ ಇಲಾಖೆ ಡ್ರೋನ್ ಎಐ ಕ್ಯಾಮೆರಾ ಅಳವಡಿಸಲು ನಿರ್ಧರಿಸಿದೆ.

                 ಮೊದಲ ಹಂತದಲ್ಲಿ ಕೋಝಿಕ್ಕೋಡ್ ಜಿಲ್ಲೆಯಲ್ಲಿ ಹತ್ತು ಡ್ರೋನ್ ಎಐ ಕ್ಯಾಮೆರಾಗಳನ್ನು ಅಳವಡಿಸಲಾಗುವುದು. ಈ ಸಂಬಂಧ ಕಳೆದ ತಿಂಗಳು ಸರ್ಕಾರಕ್ಕೆ ಇಲಾಖೆ ಶಿಫಾರಸು ಮಾಡಿತ್ತು. ಬಳಿಕ ಸರ್ಕಾರ ಅನುಮತಿ ನೀಡಿತ್ತು. ಎ.ಐ.ಕ್ಯಾಮೆರಾಗಳಿಗಾಗಿ ವಿಶೇಷ ಡ್ರೋನ್‍ಗಳನ್ನು ನಿರ್ಮಿಸಲಾಗುವುದು. ಇದಕ್ಕಾಗಿ ಸಾರಿಗೆ ಇಲಾಖೆ ವಿವಿಧ ಸಂಸ್ಥೆಗಳೊಂದಿಗೆ ಚರ್ಚೆ ನಡೆಸಿತ್ತು.

                    ಆರ್ಥಿಕ ಬಿಕ್ಕಟ್ಟಿನ ನಡುವೆ ಸರ್ಕಾರದ ಹೊಸ ಯೋಜನೆ ಬಂದಿದೆ. ಸರ್ಕಾರದ ದುಂದುವೆಚ್ಚಕ್ಕೆ ಸಿಕ್ಕಿಹಾಕಿಕೊಂಡವರು ಜನ ಸಾಮಾನ್ಯರು. ಓಣಂ ಸಮಯದಲ್ಲಿ ಸಪ್ಲೈಕೋದಲ್ಲಿ ಆಹಾರದ ಕೊರತೆ ಮತ್ತು ಕೆಎಸ್.ಆರ್.ಟಿ.ಸಿ. ಉದ್ಯೋಗಿಗಳಿಗೆ ಸಂಬಳದ ಬಿಕ್ಕಟ್ಟಿನ ಮಧ್ಯೆ ಹೊಸ ಎ.ಐ. ಡ್ರೋನ್ ಕ್ಯಾಮೆರಾ ಬರುತ್ತಿದೆ. ನೌಕರರಿಗೆ ವೇತನ ನೀಡಲು ಹಣವಿಲ್ಲದಿದ್ದರೆ ಕೆ.ಎಸ್.ಆರ್.ಟಿ.ಸಿ. ಆಸ್ತಿ ಮಾರಾಟ ಮಾಡಿ ಎಂದು ಹೈಕೋರ್ಟ್ ಟೀಕಿಸಿತ್ತು. ನೌಕರರು ಹಸಿವಿನಿಂದ ಬಳಲದಂತೆ ಸರ್ಕಾರ ಕಾಳಜಿ ವಹಿಸಬೇಕು ಎಂದು ನ್ಯಾಯಾಲಯ ಹೇಳಿದೆ. ಓಣಂನಲ್ಲಿ ಸಪ್ಲೈಕೋ ಮೂಲಕ ಸರಬರಾಜು ಮಾಡದಿರುವುದು ಮತ್ತು ಬಡವರು ಮತ್ತು ಸಾಮಾನ್ಯ ಜನರನ್ನು ಓಣಂ ಕಿಟ್ ನಿಂದ ಹೊರಗಿಡಲಾಗಿದೆ ಎಂಬ ಅಂಶವು ಭಾರೀ ಟೀಕೆಗೆ ಕಾರಣವಾಯಿತು. ಇದರ ಜೊತೆಗೆ, ಎ.ಐ. ಕ್ಯಾಮೆರಾ ಜನರನ್ನು ಸುತ್ತುತ್ತಲೇ ಇರುವುದು ಮತ್ತಷ್ಟು ಸಂಕಷ್ಟಕ್ಕೆ ನೂಕಲಿದೆ.