ನವಕೇರಳ ಸಮಾವೇಶ: ಮಂಜೇಶ್ವರ ವಿಧಾನಸಭಾ ಕ್ಷೇತ್ರದ ಮಹಿಳಾ ಸಮಾವೇಶ ಮುಕ್ತಾಯ

             ಕುಂಬಳೆ: ರಾಜ್ಯ ಸರ್ಕಾರ ಆಯೋಜಿಸಿರುವ ನವಕೇರಳ ಸಮಾವೇಶದ ಅಂಗವಾಗಿ ನ.18 ರಂದು ಪೈವಳಿಕೆಯಲ್ಲಿ ನಡೆಯಲಿರುವ ಮೊದಲ ಸಮಾವೇಶದ ಪ್ರಚಾರಕ್ಕಾಗಿ ಮಹಿಳಾ ಸಂಗಮವನ್ನು ಆಯೋಜಿಸಿತು. 

         ಪುತ್ತಿಗೆ ಗ್ರಾಮ ಪಂಚಾಯಿತಿಯಲ್ಲಿ ನಡೆದ ಮಹಿಳಾ ಸಮಾವೇಶವನ್ನು ಜಿಲ್ಲಾ ಪಂಚಾಯಿತಿ ಅಧ್ಯಕ್ಷೆ ಪಿ.ಬೇಬಿ ಬಾಲಕೃಷ್ಣನ್ ಉದ್ಘಾಟಿಸಿದರು. ಗ್ರಾಮ ಪಂಚಾಯತಿ ಅಧ್ಯಕ್ಷ ಡಿ.ಸುಬ್ಬಣ್ಣ ಆಳ್ವ ಅಧ್ಯಕ್ಷತೆ ವಹಿಸಿದ್ದರು. ಉಪಾಧ್ಯಕ್ಷೆ ಇ.ಜಯಂತಿ, ಸ್ಥಾಯಿ ಸಮಿತಿ ಅಧ್ಯಕ್ಷ ಪಾಲಾಕ್ಷ ರೈ, ಅನಿತಾ, ಅಬ್ದುಲ್ ಮಜೀದ್, ಪ್ರೇಮಾ ಎಸ್.ರೈ, ಪಿ.ಇಬ್ರಾಹಿಂ, ಪಂಚಾಯಿತಿ ಕಾರ್ಯದರ್ಶಿ ರಾಜೇಶ್ವರಿ, ಸಂಘಟನಾ ಸಮಿತಿ ಉಪಾಧ್ಯಕ್ಷ ಪಿ.ರಘುದೇವನ್ ಮಾಸ್ತರ್ ಮಾತನಾಡಿದರು. ಸಿಡಿಎಸ್ ಅಧ್ಯಕ್ಷೆ ಹೇಮಾವತಿ ಸ್ವಾಗತಿಸಿದರು. ನವಕೇರಳ ಅಭಿಯಾನದ ಅಂಗವಾಗಿ ಅಂಗಳ ಸಭೆ, ಪ್ರಚಾರ  ಮೆರವಣಿಗೆ, ನವಕೇರಳ ದೀಪ ಮುಂತಾದ ಕಾರ್ಯಕ್ರಮಗಳನ್ನು ಯಶಸ್ವಿಗೊಳಿಸಲು ಸಭೆ ನಿರ್ಧರಿಸಿತು.