'ಅಧಿಕಾರ ಅರಸಿ ನಿರಾಶೆಗೊಂಡರು ತನ್ನನ್ನು ಸಚಿವ ಸ್ಥಾನದಿಂದ ಕೆಳಗಿಳಿಸಲು ಯತ್ನಿಸಿದ್ದಾರೆ': ಅಹಮದ್ ದೇವರಕೋವಿಲ್

                ಕೋಝಿಕ್ಕೋಡ್: ಪಕ್ಷದ ಕೆಲವರು ತಮ್ಮನ್ನು ಸಚಿವ ಸ್ಥಾನದಿಂದ ಕೆಳಗಿಳಿಸಲು ಯತ್ನಿಸಿದ್ದಾರೆ ಎಂದು ಬಂದರು ಖಾತೆ ಮಾಜಿ ಸಚಿವ ಅಹ್ಮದ್ ದೇವರಕೋವ್ ಹೇಳಿದ್ದಾರೆ.

                  ತನ್ನ ವಿರುದ್ಧ ಕೆಲಸ ಮಾಡಿದ ಈ ಜನರನ್ನು ಐಎನ್‍ಎಲ್‍ನಿಂದ ಹೊರಹಾಕಲಾಗಿತ್ತು.  ನವಕೇರಳ ಸದಸ್‍ನಲ್ಲಿ ತನ್ನ ವಿರುದ್ಧ ಯಾವುದೇ ದೂರು ಬಂದಿರುವ ಬಗ್ಗೆ ನನಗೆ ತಿಳಿದಿಲ್ಲ ಎಂದು ದೇವರಕೋವಿಲ್ ತಿಳಿಸಿದ್ದಾರೆ.

              ಮಾಧ್ಯಮಗಳಿಗೆ ದೂರು ಬರೆದವರು ಯಾರು ಎಂಬುದು ತಿಳಿದಿಲ್ಲ. ತನ್ನನ್ನು ಸಚಿವ ಸ್ಥಾನದಿಂದ ಕೆಳಗಿಳಿಸಲು ಪಕ್ಷದಲ್ಲಿನ ಅಧಿಕಾರದ ಹಂಬಲಿಗಳು ಯತ್ನಿಸಿದರು. ಹೊರತುಪಡಿಸಿ ಈ ಜನರು ಪಕ್ಷಕ್ಕೆ ಮರಳಬಹುದು. ಆದರೆ ಮರಳಿ ಬರುವವರು ಪಕ್ಷದ ಶಿಸ್ತು ಮತ್ತು ಸಂವಿಧಾನವನ್ನು ಒಪ್ಪಿಕೊಳ್ಳಬೇಕು ಎಂದಿರುವರು.

              ಐಎನ್ ಎಲ್ ರಾಷ್ಟ್ರೀಯ ಮಟ್ಟದ ರಾಜಕೀಯ ಪಕ್ಷವಾಗಿದೆ. ಶಿಸ್ತು ಇದ್ದರೆ ಮಾತ್ರ ಯಾವುದೇ ಪಕ್ಷ ಅಭಿವೃದ್ಧಿ ಹೊಂದಲು ಸಾಧ್ಯ. ತನಿಖಾ ವರದಿ ಆಧರಿಸಿ ಶಿಸ್ತಿಗೆ ವಿರುದ್ಧವಾಗಿ ನಡೆದುಕೊಂಡವರನ್ನು ಪಕ್ಷದಿಂದ ಉಚ್ಚಾಟಿಸಲಾಗಿದೆ. ಇಲ್ಲಿಯವರೆಗೆ ಐ.ಎನ್.ಎಲ್. ನಲ್ಲಿ ಯಾವುದೇ ವಿಭಜನೆಯಾಗಿಲ್ಲ. ಐಎನ್‍ಎಲ್ ಸಚಿವ ಸಂಪುಟದ ಭಾಗವಾಗುತ್ತಿರುವುದು ಇದೇ ಮೊದಲು. ಆ ವೇಳೆ ಪಕ್ಷದಲ್ಲಿದ್ದ ಕೆಲ ಅಧಿಕಾರ ಆಕಾಂಕ್ಷಿಗಳಿಗೆ ನಿರಾಸೆ ಉಂಟಾಗಿದ್ದು ನಿಜ. ಆದರೆ  ಸಂತೋಷಪಡುವ ಬದಲು ತನ್ನನ್ನು ಸಚಿವ ಸ್ಥಾನದಿಂದ ಕೆಳಗಿಳಿಸಲು ಪ್ರಯತ್ನಿಸಿದರು ಎಂದು ಅಹಮದ್ ದೇವರ ಕೋವಿಲ್ ಹೇಳಿರುವರು.