ಕಳಮಸ್ಸೇರಿ ಸ್ಫೋಟ ಪ್ರಕರಣ: ಸಮ್ರಾ ಕನ್ವೆನ್ಷನ್ ಸೆಂಟರ್ ಹಸ್ತಾಂತರಿಸಲು ಹೈಕೋರ್ಟ್ ಸೂಚನೆ

                      ಎರ್ನಾಕುಳಂ: ಕಳಮಸ್ಸೇರಿ ಸ್ಫೋಟಕ್ಕೆ ಸಂಬಂಧಿಸಿದಂತೆ ಹೈಕೋರ್ಟ್ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ಕಳಮಸ್ಸೇರಿ ಸ್ಫೋಟ ಸಂಭವಿಸಿದ ಸಾಮ್ರಾ ಕನ್ವೆನ್ಷನ್ ಸೆಂಟರ್ ಬಿಡುಗಡೆಗೆ ಆಗ್ರಹಿಸಿ ಹೈಕೋರ್ಟ್ ಆದೇಶ ಹೊರಡಿಸಿದೆ. ಅಗತ್ಯವಿದ್ದರೆ ತನಿಖಾಧಿಕಾರಿ ಸಾಮ್ರಾ ಕನ್ವೆನ್ಷನ್ ಹಾಲ್‍ನಲ್ಲಿ ಮತ್ತೊಮ್ಮೆ ಮಾದರಿಗಳನ್ನು ಸಂಗ್ರಹಿಸಬಹುದು ಎಂದು ಹೈಕೋರ್ಟ್ ಹೇಳಿದೆ.

               ಎರಡು ದಿನಗಳೊಳಗೆ ಹಾಲ್‍ನಿಂದ ಮಾದರಿಗಳನ್ನು ಸಂಗ್ರಹಿಸಿ ಮರುದಿನ ಕನ್ವೆನ್ಷನ್ ಸೆಂಟರ್ ಮಾಲೀಕರಿಗೆ ಹಸ್ತಾಂತರಿಸಬೇಕು ಎಂದು ಹೈಕೋರ್ಟ್ ಹೇಳಿದೆ. ಸ್ಫೋಟದ ನಂತರ ಸಾಮ್ರಾ ಕನ್ವೆನ್ಷನ್ ಸೆಂಟರ್ ಪೋಲೀಸರ ವಶದಲ್ಲಿದೆ.

               ಅಕ್ಟೋಬರ್ 29 ರಂದು ಬೆಚ್ಚಿಬೀಳಿಸುವ ಸ್ಫೋಟ ಸಂಭವಿಸಿತ್ತು. ಕಳಮಸ್ಸೇರಿಯಲ್ಲಿ ಬೆಳಿಗ್ಗೆ 9 ಗಂಟೆ ಸುಮಾರಿಗೆ ಯೆಹೋವನ ಸಾಕ್ಷಿಗಳ ಸಮಾವೇಶ ನಡೆಯುತ್ತಿದ್ದ ಸಾಮ್ರಾ ಇಂಟರ್‍ನ್ಯಾಶನಲ್ ಕನ್ವೆನ್ಷನ್ ಸೆಂಟರ್‍ನಲ್ಲಿ ಸ್ಫೋಟ ಸಂಭವಿಸಿತ್ತು. ಸ್ಫೋಟದಲ್ಲಿ ಇದುವರೆಗೆ ಆರು ಮಂದಿ ಸಾವನ್ನಪ್ಪಿದ್ದಾರೆ.