ರಾಷ್ಟ್ರೀಯ ಡೈರಿ ಅಭಿವೃದ್ಧಿ ಕಾರ್ಯಕ್ರಮ: ಕೇರಳಕ್ಕೆ 120.01 ಕೋಟಿ ವಿತರಣೆ: 5.39 ಕೋಟಿ ರೂ.ಗಳ ವರದಿ ಸಲ್ಲಿಕೆಯಾಗಿಲ್ಲ: ಆರ್.ಟಿ.ಐ ಮಾಹಿತಿ

                  ತಿರುವನಂತಪುರಂ: ಹಾಲು ಮತ್ತು ಹಾಲಿನ ಉತ್ಪನ್ನಗಳ ಗುಣಮಟ್ಟವನ್ನು ಸುಧಾರಿಸಲು ಮತ್ತು ಸಂಘಟಿತ ಹಾಲು ಸಂಗ್ರಹಣೆಯ ಪಾತ್ರವನ್ನು ಹೆಚ್ಚಿಸಲು ಪ್ರಾರಂಭಿಸಲಾದ ರಾಷ್ಟ್ರೀಯ ಡೈರಿ ಅಭಿವೃದ್ಧಿ ಕಾರ್ಯಕ್ರಮಕ್ಕೆ (ಎನ್‍ಪಿಡಿಡಿ) 2014-15 ರಿಂದ 2021-22 ರವರೆಗೆ ಕೇರಳಕ್ಕೆ 120.01 ಕೋಟಿ ನೀಡಲಾಗಿದೆ, ಆರ್‍ಟಿಐ ದಾಖಲೆಯಲ್ಲಿ ಈ ಅಂಶ ಬಹಿರಂಗಗೊಂಡಿದೆ. 125.97 ಕೋಟಿ ಕೇಂದ್ರ ಪಾಲು ಹಂಚಿಕೆಯಾಗಿದೆ.

                 12 ಯೋಜನೆಗಳಿಗೆ ಅನುಮೋದನೆ ನೀಡಲಾಗಿದ್ದು, 8 ಪೂರ್ಣಗೊಂಡಿದ್ದು, 4 ಅನುಷ್ಠಾನ ಹಂತದಲ್ಲಿವೆ ಎಂದು ಆರ್‍ಟಿಐ ಉತ್ತರದಲ್ಲಿ ತಿಳಿಸಲಾಗಿದೆ. ಕೊಚ್ಚಿ ಮೂಲದವರಾದ ಮಾಹಿತಿ ಹಕ್ಕು ಕಾರ್ಯಕರ್ತ ಕೆ. ಗೋವಿಂದನ್ ನಂಬೂದಿರಿಗೆ ಕೇಂದ್ರ ಪಶುಸಂಗೋಪನೆ ಮತ್ತು ಹೈನುಗಾರಿಕೆ ಇಲಾಖೆ ನೀಡಿರುವ ಉತ್ತರದಲ್ಲಿ ಈ ಮಾಹಿತಿ ಇದೆ.

             ಏತನ್ಮಧ್ಯೆ, 2021-22ರಲ್ಲಿ ಕೇರಳಕ್ಕೆ ನೀಡಲಾದ 6.43 ಕೋಟಿ ರೂಪಾಯಿಗಳಲ್ಲಿ 5.39 ಕೋಟಿ ರೂಪಾಯಿಗಳ ಬಳಕೆಯ ಪ್ರಮಾಣಪತ್ರವನ್ನು ರಾಜ್ಯವು ಇನ್ನೂ ಸಲ್ಲಿಸಿಲ್ಲ ಎಂದು ಆರ್‍ಟಿಐ ಉತ್ತರದಲ್ಲಿ ತಿಳಿಸಲಾಗಿದೆ.