ವಂದೇ ಭಾರತ್ ಎಕ್ಸ್‌ಪ್ರೆಸ್‌ನಲ್ಲಿ ಕೆಟ್ಟ ಆಹಾರ ಪೂರೈಕೆಯ ವಿಡಿಯೋ ವೈರಲ್; ದಂಡ ವಿಧಿಸಿದ ಐಆರ್​​ಸಿಟಿಸಿ

              ನವದೆಹಲಿ: ಪ್ರೀಮಿಯಂ ರೈಲು ವಂದೇ ಭಾರತ್ ಎಕ್ಸ್‌ಪ್ರೆಸ್‌ನಲ್ಲಿ ಹಾಳಾದ ಆಹಾರವನ್ನು ಪ್ರಯಾಣಿಕರಿಗೆ ನೀಡುತ್ತಿರುವ ವಿಡಿಯೋವೊಂದು ಹೊರಬಿದ್ದಿದೆ. ಇದರಲ್ಲಿ ಕೆಟ್ಟ ಆಹಾರ ನೋಡಿದ ಪ್ರಯಾಣಿಕರು ದೂರುತ್ತಿದ್ದಾರೆ. ಈ ವಿಡಿಯೋ ವೈರಲ್ ಆದಾಗ, ಇಂಡಿಯನ್ ರೈಲ್ವೇ ಕ್ಯಾಟರಿಂಗ್ ಮತ್ತು ಟೂರಿಸಂ ಕಾರ್ಪೊರೇಷನ್ ಅಂದರೆ IRCTC ಕೂಡ ಕೋಪಗೊಂಡು ಸೇವಾ ಪೂರೈಕೆದಾರರಿಗೆ 25,0000 ರೂಪಾಯಿ ದಂಡ ವಿಧಿಸಿದೆ.

              ಈ ವಿಡಿಯೋದಲ್ಲಿ ಪ್ರಯಾಣಿಕರು ಸಿಬ್ಬಂದಿಗೆ ಆಹಾರವನ್ನು ವಾಪಸ್ ತೆಗೆದುಕೊಂಡು ಹೋಗುವಂತೆ ಕೇಳುತ್ತಿದ್ದಾರೆ. ಸಿಬ್ಬಂದಿ ತಟ್ಟೆಯನ್ನು ಹಿಂದಕ್ಕೆ ತೆಗೆದುಕೊಂಡು ಹೋಗುವುದು ಸಹ ಕಂಡುಬರುತ್ತದೆ.

                              ದೂರು ನೀಡಿ, ವಿಡಿಯೋ ಪೋಸ್ಟ್ ಮಾಡಿದ ಪ್ರಯಾಣಿಕ
               ಕೆಲವು ದಿನಗಳ ಹಿಂದೆ ಆಕಾಶ್ ಕೇಶಾರಿ ಎಂಬ ಬಳಕೆದಾರರು ಈ ವಿಡಿಯೋವನ್ನು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿ (ಹಿಂದಿನ ಟ್ವಿಟರ್) ಪೋಸ್ಟ್ ಮಾಡಿದ್ದರು. ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಅವರನ್ನು ಟ್ಯಾಗ್ ಮಾಡಿ, ಪ್ರಯಾಣಿಕರು ತಮ್ಮ ಪೋಸ್ಟ್‌ನಲ್ಲಿ ಹೀಗೆ ಬರೆದಿದ್ದಾರೆ - 'ಸರ್, ನಾನು ಹೊಸದಿಲ್ಲಿಯಿಂದ ಬನಾರಸ್‌ಗೆ ರೈಲು ಸಂಖ್ಯೆ 22416 ಮೂಲಕ ಪ್ರಯಾಣಿಸುತ್ತಿದ್ದೆ. ಈ ರೈಲಿನಲ್ಲಿ ನಮಗೆ ಬಡಿಸಿದ ಆಹಾರವು ತುಂಬಾ ಕೆಟ್ಟ ವಾಸನೆ ಬೀರುತ್ತಿದೆ. ಆಹಾರದ ಗುಣಮಟ್ಟವೂ ತುಂಬಾ ಕೆಟ್ಟದಾಗಿತ್ತು. ದಯವಿಟ್ಟು ನನ್ನ ಎಲ್ಲಾ ಹಣವನ್ನು ಹಿಂತಿರುಗಿಸಿ. ಈ ಮಾರಾಟಗಾರರು ವಂದೇ ಭಾರತ್ ಬ್ರಾಂಡ್ ಹೆಸರನ್ನು ಹಾಳು ಮಾಡುತ್ತಿದ್ದಾರೆ'.

ಉತ್ತರಿಸಿದೆ IRCTC
              ಪ್ರಯಾಣಿಕರ ಈ ದೂರಿನ ಮೇಲೆ, IRCTC ಸಹ ಪೋಸ್ಟ್‌ಗೆ ಉತ್ತರಿಸಿದೆ. ನಿಮ್ಮ ಅತೃಪ್ತಿಕರ ಅನುಭವಕ್ಕಾಗಿ ನಾವು ತೀವ್ರವಾಗಿ ವಿಷಾದಿಸುತ್ತೇವೆ ಎಂದು ಹೇಳಿದೆ. ವಿಷಯವನ್ನು ಗಂಭೀರವಾಗಿ ಪರಿಗಣಿಸಲಾಗಿದೆ. ಸೇವೆ ಒದಗಿಸುವವರಿಗೆ ಸೂಕ್ತ ದಂಡ ವಿಧಿಸಲಾಗಿದೆ. ಇದಲ್ಲದೇ ನೌಕರರನ್ನು ತೆಗೆದು ಹಾಕಲಾಗಿದ್ದು, ಪರವಾನಗಿದಾರರಿಗೆ ಸೂಕ್ತ ಸೂಚನೆ ನೀಡಲಾಗಿದೆ. ಆನ್-ಬೋರ್ಡ್ ಸೇವೆಗಳ ಮೇಲ್ವಿಚಾರಣೆಯನ್ನು ಮತ್ತಷ್ಟು ಬಲಪಡಿಸಲಾಗಿದೆ. ಆದರೆ ಇದಾದ ನಂತರ, ಜನರು X ನಲ್ಲಿ ಅನೇಕ ವಿಭಿನ್ನ ಪ್ರತಿಕ್ರಿಯೆಗಳನ್ನು ನೀಡಿದರು. ರೈಲ್ವೇ ಏಕೆ ಹೊಣೆಯಲ್ಲ ಎಂದು ಕೆಲವರು ಪ್ರಶ್ನಿಸಿದರು. ಆಹಾರ ಮತ್ತು ಪಾನೀಯದ ಗುಣಮಟ್ಟದ ಬಗ್ಗೆ ಜನರು ಅನೇಕ ಪ್ರಶ್ನೆಗಳನ್ನು ಎತ್ತಿದರು.