ತಿರುವನಂತಪುರಂ: ಲೋಕಸಭೆ ಚುನಾವಣೆಯ ಮತದಾರರ ಪಟ್ಟಿಯಲ್ಲಿ ಯುವ ಮತದಾರರ ಸಂಖ್ಯೆಯಲ್ಲಿ ಭಾರೀ ಏರಿಕೆಯಾಗಿದೆ.
ಕರಡು ಮತದಾರರ ಪಟ್ಟಿಯನ್ನು ಪ್ರಕಟಿಸಿದ ಅಕ್ಟೋಬರ್ 27, 2023 ರಿಂದ ಇಲ್ಲಿಯವರೆಗೆ 3,11,805 ಹೊಸ ಮತದಾರರನ್ನು ನೋಂದಾಯಿಸಲಾಗಿದೆ. ಕರಡು ಮತದಾರರ ಪಟ್ಟಿಯಲ್ಲಿ 77,176 ಯುವ ಮತದಾರರಿದ್ದರು. ಜನವರಿ 22 ರಂದು ಪ್ರಕಟಿಸಲಾದ ಅಂತಿಮ ಮತದಾರರ ಪಟ್ಟಿಯಲ್ಲಿ ಇದು 2,88,533 ರಷ್ಟು ನವ ಮತದಾರರಿದ್ದರು. ಮಾರ್ಚ್ 25ರವರೆಗೆ 3,88,981 ಯುವ ಮತದಾರರಿದ್ದಾರೆ.
ಯುವ ಮತದಾರರು 18 ರಿಂದ 19 ವರ್ಷದೊಳಗಿನವರು. ಈ ಬಾರಿಯ ಲೋಕಸಭೆ ಚುನಾವಣೆಯಲ್ಲಿ ಅವರೇ ಚೊಚ್ಚಲ ಮತದಾರರು. ಕಡಿಮೆ ಅವಧಿಯಲ್ಲಿ ಯುವ ಮತದಾರರ ಸಂಖ್ಯೆಯಲ್ಲಿ ಈ ಹೆಚ್ಚಳ ಸರಾಸರಿ ಆಧಾರದಲ್ಲಿ ದೇಶದಲ್ಲಿ ಮೊದಲನೆಯದು. ಕರಡು ಪಟ್ಟಿಯಲ್ಲಿ ಭಿನ್ನಲಿಂಗೀಯ ಮತದಾರರ ಸಂಖ್ಯೆ 268 ಇತ್ತು. ಇದು ಅಂತಿಮ ಮತದಾರರ ಪಟ್ಟಿಯಲ್ಲಿ 309 ರಷ್ಟಿದೆ.
ನಿನ್ನೆಯ ಹೊತ್ತಿಗೆ, 338 ಟ್ರಾನ್ಸ್ಜೆಂಡರ್ಗಳು ಪಟ್ಟಿಯಲ್ಲಿದ್ದಾರೆ. ಮುಖ್ಯ ಚುನಾವಣಾಧಿಕಾರಿ ಸಂಜಯ್ ಕೌಲ್ ಮಾತನಾಡಿ, ಮುಖ್ಯ ಚುನಾವಣಾಧಿಕಾರಿಗಳ ಆಶ್ರಯದಲ್ಲಿ ವ್ಯಾಪಕ ಪ್ರಚಾರ ಕಾರ್ಯಕ್ರಮಗಳು ಹಾಗೂ ಜಿಲ್ಲಾ ಚುನಾವಣಾಧಿಕಾರಿಗಳ ನೇತೃತ್ವದಲ್ಲಿ ಜಿಲ್ಲಾ ಮಟ್ಟದಲ್ಲಿ ಜಾಗೃತಿ ಪ್ರಚಾರ ನಡೆಸಿದ್ದರಿಂದ ಯುವಕರ ಸಂಖ್ಯೆ ಹೆಚ್ಚಳವಾಗಿದೆ ಎಂದಿರುವರು.