ತ್ರಿಶೂರ್: ಎಡ-ಬಲ ರಂಗಗಳು ಸರದಿಯಲ್ಲಿ ಆಡಳಿತ ನಡೆಸುತ್ತಿದ್ದರೂ ಕೇರಳದಲ್ಲಿ ಯಾವುದೇ ಅಭಿವೃದ್ದಿಪರ ಬದಲಾವಣೆಯಾಗಿಲ್ಲ ಎಂದು ಬಿಜೆಪಿ ಕೇರಳ ಘಟಕದ ಪ್ರಭಾರಿ ಪ್ರಕಾಶ್ ಜಾವಡೇಕರ್ ಹೇಳಿದ್ದಾರೆ.
ಕಾಂಗ್ರೆಸ್ ತೊರೆದು ಬಿಜೆಪಿ ಸೇರಿದ ನಾಯಕರನ್ನು ಸ್ವಾಗತಿಸಿ ಅವರು ಮಾತನಾಡುತ್ತಿದ್ದರು.
ರಾಜ್ಯದಲ್ಲಿ ಈಗ ಕೈಗಾರಿಕೆಗಳು ಆರಂಭವಾಗದಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಕೇರಳ ಹೂಡಿಕೆದಾರರನ್ನು ಅವಮಾನಿಸುವಂತಹ ಧೋರಣೆ ಅನುಸರಿಸುತ್ತಿದೆ ಎಂದರು.
ಕೇರಳ ಪ್ರವಾಸೋದ್ಯಮಕ್ಕೆ ಸಾಕಷ್ಟು ಅವಕಾಶಗಳನ್ನು ಹೊಂದಿದೆ ಆದರೆ ಮೂಲಸೌಕರ್ಯಗಳ ವಿಷಯದಲ್ಲಿ ಸರ್ಕಾರವು ಸಂಪೂರ್ಣ ವಿಫಲವಾಗಿದೆ. ಸಾಕಷ್ಟು ಉದ್ಯೋಗಾವಕಾಶಗಳಿದ್ದರೂ ಯುವಕರು ಉದ್ಯೋಗ ಅರಸಿ ಹೊರ ರಾಜ್ಯಗಳಿಗೆ ತೆರಳಬೇಕಾದ ಪರಿಸ್ಥಿತಿ ಇದೆ. ಕ್ಯಾಂಪಸ್‍ಗಳಲ್ಲಿ ಎಸ್‍ಎಫ್‍ಐ ಅರಾಜಕತೆ ನಡೆಸುತ್ತಿದೆ. ಅದಕ್ಕೆ ಸಿದ್ಧಾರ್ಥ್ ಹತ್ಯೆಯೇ ಉದಾಹರಣೆ. ಹಾಗೆ ಮಾಡಿದ ವಿದ್ಯಾರ್ಥಿಗಳನ್ನು ವಾಪಸ್ ಕರೆಸಿಕೊಳ್ಳುವಂತೆ ಸ್ವತಃ ಉಪಕುಲಪತಿಗಳೇ ಆದೇಶಿಸಿರುವ ದುರ್ದೈವದ ಸ್ಥಿತಿ ಕಳವಳಕಾರಿ.
ಕೇರಳದಲ್ಲಿ ಶಿಕ್ಷಣ ಕ್ಷೇತ್ರ ಹದಗೆಟ್ಟ ಸ್ಥಿತಿಯಲ್ಲಿದೆ. ಕೇರಳದಲ್ಲಿ ವಿದ್ಯಾರ್ಥಿಗಳು ತಮ್ಮ ಅಧ್ಯಯನಕ್ಕಾಗಿ ಬೇರೆ ರಾಜ್ಯಗಳನ್ನು ಅವಲಂಬಿಸಿದ್ದಾರೆ. ಕೇರಳ ರಾಜ್ಯಪಾಲರದ್ದು ಸಾಂವಿಧಾನಿಕ ಸ್ಥಾನವಾದರೂ ಆ ರಾಜ್ಯಪಾಲರ ಮೇಲೆಯೇ ಹಲ್ಲೆ ನಡೆಸುವ ಪ್ರಯತ್ನ ನಡೆಯುತ್ತಿದೆ. ಹೀಗಿರುವಾಗ ಮೋದಿಯವರ ಗ್ಯಾರಂಟಿ ಬೇಕಾ ಎಂಬ ಪ್ರಶ್ನೆ ಕೇರಳದಿಂದ ಕೇಳಿ ಬರುತ್ತಿದೆ. ಹೀಗಿರುವಾಗ ಭ್ರಷ್ಟ ಯುಡಿಎಫ್ ಆಡಳಿತ ಬೇಕಾ, ಸಂಬಂಧಿ ಹುದ್ದೆ ಇರುವ ಎಲ್ ಡಿಎಫ್ ಆಡಳಿತ ಬೇಕಾ ಅಥವಾ ಮೋದಿಯವರ ಗ್ಯಾರಂಟಿ ಬೇಕಾ ಎಂದು ಕೇಳಬೇಕಾಗಿದೆ ಎಂದರು.
ಸಿದ್ಧಾರ್ಥ್ ಹತ್ಯೆ ಪ್ರಕರಣದ ತನಿಖೆಯನ್ನು ಸಿಬಿಐಗೆ ವಹಿಸುವ ಬಗ್ಗೆ ಸರ್ಕಾರ ಯಾವುದೇ ನಿರ್ಧಾರ ಕೈಗೊಂಡಿಲ್ಲ. ಕೇರಳದಲ್ಲಿ ಬೇರೆಯವರ ಮಕ್ಕಳ ವಿರುದ್ಧ ತನಿಖೆ ನಡೆಯುತ್ತಿಲ್ಲ. ಇಡಿ ಯಾರ ಅಸ್ತ್ರವೂ ಅಲ್ಲ, ತನಿಖೆ ಸರಿಯಾದ ದಿಕ್ಕಿನಲ್ಲಿ ಸಾಗುತ್ತಿದೆ ಎಂದು ಪ್ರಕಾಶ್ ಜಾವಡೇಕರ್ ಹೇಳಿದ್ದಾರೆ.
DOCTYPE html>
