16ರಂದು ಮೊದಲ ಹಂತದ ನಾಗರಿಕ ಸೇವಾ ಪರೀಕ್ಷೆ, ರಾಜ್ಯದ 61 ಕೇಂದ್ರಗಳಲ್ಲಿ ಸಿದ್ದತೆ

         ತಿರುವನಂತಪುರ: ಕೇಂದ್ರ ಸರ್ಕಾರಿ ಸೇವೆಗಳಲ್ಲಿ ನೇಮಕಾತಿಗಾಗಿ ಕೇಂದ್ರ ಲೋಕಸೇವಾ ಆಯೋಗವು ನಡೆಸುವ ನಾಗರಿಕ ಸೇವಾ ಪರೀಕ್ಷೆ 2024 ರ ಮೊದಲ ಹಂತದ ಪರೀಕ್ಷೆಯು ಇದೇ ತಿಂಗಳ 16 ರಂದು ನಡೆಯಲಿದೆ.

          ಪರೀಕ್ಷೆಯು ಬೆಳಿಗ್ಗೆ 9.30 ರಿಂದ 11.30 ಮತ್ತು ಮಧ್ಯಾಹ್ನ 2.30 ರಿಂದ 4.30 ರವರೆಗೆ ಎರಡು ಅವಧಿಗಳಲ್ಲಿ ನಡೆಯಲಿದೆ.

             ತಿರುವನಂತಪುರಂ, ಎರ್ನಾಕುಳಂ ಮತ್ತು ಕೋಯಿಕ್ಕೋಡ್‍ನಲ್ಲಿ ಪರೀಕ್ಷಾ ಕೇಂದ್ರಗಳಿವೆ. 61 ಕೇಂದ್ರಗಳಲ್ಲಿ ಸುಮಾರು 23,666 ಮಂದಿ ಪರೀಕ್ಷೆ ಬರೆಯುತ್ತಿದ್ದಾರೆ. ಕೆಎಸ್‍ಆರ್‍ಟಿಸಿಗೆ ಹೆಚ್ಚಿನ ಸಾರ್ವಜನಿಕ ಸಾರಿಗೆ ಸೌಲಭ್ಯ ಕಲ್ಪಿಸುವಂತೆ ಸೂಚಿಸಲಾಗಿದೆ.

            ಬೆಳಿಗ್ಗೆ ಪರೀಕ್ಷೆಗಾಗಿ 9:00 ಮೊದಲು ಮತ್ತು ಮಧ್ಯಾಹ್ನ ಪರೀಕ್ಷೆಗಾಗಿ 2:00  ಮೊದಲು ಪರೀಕ್ಷಾ ಹಾಲ್ ಅನ್ನು ಪ್ರವೇಶಿಸಬೇಕು.

            ಇ-ಅಡ್ಮಿಟ್ ಕಾರ್ಡ್‍ನಲ್ಲಿ (ಹಾಲ್ ಟಿಕೆಟ್) ನಿಗದಿಪಡಿಸಿದ ಕೇಂದ್ರದಲ್ಲಿ ಮಾತ್ರ ಪರೀಕ್ಷೆಯನ್ನು ಬರೆಯಬಹುದು. ಡೌನ್‍ಲೋಡ್ ಮಾಡಿದ ಇ-ಅಡ್ಮಿಟ್ ಕಾರ್ಡ್‍ನೊಂದಿಗೆ, ಇ-ಅಡ್ಮಿಟ್ ಕಾರ್ಡ್‍ನಲ್ಲಿ ನಮೂದಿಸಲಾದ ಪಾಸ್‍ಪೆÇೀರ್ಟ್ ಅಳತೆಯ ಭಾವಚಿತ್ರ ಮತ್ತು ಮೂಲ ಗುರುತಿನ ಚೀಟಿಯನ್ನು ಬೇಡಿಕೆಯ ಮೇರೆಗೆ ಇನ್ವಿಜಿಲೇಟರ್‍ಗೆ ಸಲ್ಲಿಸಬೇಕು.

          ಉತ್ತರದ ಕೀಲಿಯನ್ನು ತುಂಬಲು ಕಪ್ಪು ಬಾಲ್ ಪಾಯಿಂಟ್ ಪೆನ್ನನ್ನು ಮಾತ್ರ ಬಳಸಬೇಕು. ಬ್ಯಾಗ್‍ಗಳು, ಮೊಬೈಲ್ ಪೋನ್‍ಗಳು, ಕ್ಯಾಮೆರಾಗಳು, ಎಲೆಕ್ಟ್ರಾನಿಕ್ ವಾಚ್‍ಗಳು ಮತ್ತು ಯಾವುದೇ ಇತರ ಎಲೆಕ್ಟ್ರಾನಿಕ್ ಬ್ಲೂಟೂತ್ / ಐಟಿ ಸಾಧನಗಳು ಇತ್ಯಾದಿಗಳನ್ನು ಪರೀಕ್ಷಾ ಹಾಲ್ ಅಥವಾ ಪರೀಕ್ಷಾ ಕೇಂದ್ರದಲ್ಲಿ ಅನುಮತಿಸಲಾಗುವುದಿಲ್ಲ.

            ಪರೀಕ್ಷಾ ಸಮಯದ ನಂತರವೇ ಅಭ್ಯರ್ಥಿಗಳಿಗೆ ಹೊರಗೆ ಹೋಗಲು ಅವಕಾಶವಿರಲಿದೆ.