ಖಾಸಗಿ ಬಸ್‍ಗಳಿಗೆ ಫಿಟ್‍ನೆಸ್ ಪ್ರಮಾಣಪತ್ರ ನೀಡದಿರುವುದಕ್ಕೆ ಎಂವಿಡಿ ಅಧಿಕಾರಿಯ ಮನೆಗೆ ಆಗಮಿಸಿ ಕೊಲೆ ಬೆದರಿಕೆ

ಪಾಲಕ್ಕಾಡ್: ಫಿಟ್‍ನೆಸ್ ಪರೀಕ್ಷೆ ನಡೆಸದ ಖಾಸಗಿ ಬಸ್‍ಗೆ ಸೂಚನೆ ನೀಡಿದ ಹಿನ್ನೆಲೆಯಲ್ಲಿ  ಇರಿಂಞಲಕುಡ ಸಹಾಯಕ ಮೋಟಾರು ವಾಹನ ನಿರೀಕ್ಷಕ ಮನೆಗೆ ತೆರಳಿ ಪ್ರಾಣ ಬೆದರಿಕೆ ಹಾಕಿದ ಘಟನೆ ನಡೆದಿದೆ. 

ಇರಿಂಞಲಕುಡ ಉಪ ಆರ್.ಟಿ. ಸಹಾಯಕ ಮೋಟಾರು ವಾಹನ ನಿರೀಕ್ಷಕ ಕೆ.ಟಿ.ಶ್ರೀಕಾಂತ್ ಅವರಿಗೆ ಮೊನ್ನೆ ಮನ್ನುತಿಯಲ್ಲಿರುವ ಮನೆಗೆ ಮೂವರು ದುಷ್ಕರ್ಮಿಗಳ ತಂಡ ಬಂದು ಜೀವ ಬೆದರಿಕೆ ಹಾಕಿತ್ತು. ಶುಕ್ರವಾರ ರಾತ್ರಿ ಒಂಬತ್ತು ಗಂಟೆಗೆ ಗುಂಪು ತಿರುವಣಿಕಾವ್ ಬಳಿಯ ಶ್ರೀಕಾಂತ್ ಅವರ ಮನೆ ಮುಂದೆ ದೌಡಾಯಿಸಿ ಬೆದರಿಕೆ ಹಾಕಿದೆ. ರಾಷ್ಟ್ರೀಯ ಹೆದ್ದಾರಿಯ ಸರ್ವಿಸ್ ರಸ್ತೆಗೆ ಹೊಂದಿಕೊಂಡಿರುವ ಮನೆ ಮುಂಭಾಗದಿಂದ ಗುಂಪು ಗೇಟ್‍ಗೆ ಬಡಿದು ಸುಮಾರು ಒಂದು ಗಂಟೆ ಕಾಲ ಬೆದರಿಕೆ ಹಾಕಿದ್ದಾರೆ. ಈ ವೇಳೆ ಮನೆಯಲ್ಲಿ ಶ್ರೀಕಾಂತ್ ಹೊರತುಪಡಿಸಿ ಅವರ ಗರ್ಭಿಣಿ ಪತ್ನಿ, ವೃದ್ಧ ತಾಯಿ, ಸಹೋದರಿ ಹಾಗೂ ಇಬ್ಬರು ಪುಟ್ಟ ಮಕ್ಕಳು ಇದ್ದರು.

ಘಟನೆಯನ್ನು ಕಂಡು ಮನೆಯವರೆಲ್ಲರೂ ಭಯಭೀತರಾಗಿದ್ದರು. ಗೇಟ್‍ಗೆ ಬೀಗ ಹಾಕಿದ್ದರಿಂದ ದಾಳಿಕೋರರು ಮನೆಯೊಳಗೆ ಬರಲಾಗಿರಲಿಲ್ಲ ಎಂದು ಶ್ರೀಕಾಂತ್ ಹೇಳುತ್ತಾರೆ. ಘಟನೆಯಲ್ಲಿ ಮಣ್ಣುತ್ತಿ ನಿವಾಸಿ ಜೆನ್ಸನ್, ಪುತ್ತೂರು ನಿವಾಸಿ ಬಿಜು ಹಾಗೂ ಗುರುತಿಸಬಹುದಾದ ಮತ್ತೊಬ್ಬ ವ್ಯಕ್ತಿಯ ವಿರುದ್ಧ ಪೋಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಸರಿಯಾಗಿ ನಿರ್ವಹಣೆ ಮಾಡದ ಖಾಸಗಿ ಬಸ್‍ಗೆ ಫಿಟ್‍ನೆಸ್ ಸರ್ಟಿಫಿಕೇಟ್ ನೀಡದ ಕಾರಣಕ್ಕೆ ಗುಂಪು ತನ್ನ ಮನೆಗೆ ಬಂದು ಬೆದರಿಕೆ ಹಾಕಿದೆ ಎಂದು ಶ್ರೀಕಾಂತ್ ಹೇಳಿದ್ದಾರೆ.