ಅಂಗನವಾಡಿಯಲ್ಲಿ ಬಿದ್ದು ಮೂರೂವರೆ ವರ್ಷದ ಬಾಲಕನ ತಲೆಗೆ ಗಂಭೀರ ಗಾಯ; ಅಂಗನವಾಡಿ ನೌಕರರಿಂದ ಲೋಪ

ಕಣ್ಣೂರು: ಅಂಗನವಾಡಿಯಲ್ಲಿ ಬಿದ್ದು ಮೂರೂವರೆ ವಷರ್Àದ ಬಾಲಕ ಗಂಭೀರವಾಗಿ ಗಾಯಗೊಂಡಿದ್ದಾನೆ. ಫೈರಿಂಗ್ ಲೈನ್ ನಲ್ಲಿ ನಿನ್ನೆ ಈ ಘಟನೆ ನಡೆದಿದೆ. ತಲೆಗೆ ಆಳವಾಗಿ ಗಾಯಗೊಂಡ ಮೂರೂವರೆ ವರ್ಷದ ಬಾಲಕನನ್ನು ಆಸ್ಪತ್ರೆಗೆ ಕರೆದೊಯ್ಯಲು ಅಂಗನವಾಡಿ ಸಿಬ್ಬಂದಿ ನಿರಾಕರಿಸಿದರು ಎಂದು ಬಾಲಕನ ತಂದೆ ತಿಳಿಸಿದ್ದಾರೆ.

ಆಂತರಿಕ ರಕ್ತಸ್ರಾವದಿಂದ ಬಾಲಕನನ್ನು ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ನಿನ್ನೆ ಮಧ್ಯಾಹ್ನ ಅಂಗನವಾಡಿಯಲ್ಲಿ ಮಗು ಬಿದ್ದು ಗಾಯಗೊಂಡಿತು. ನಂತರ ಸಂಬಂಧಿಕರು ಮನೆಗೆ ಕರೆದುಕೊಂಡು ಹೋಗಲು ಬಂದಾಗ ತಲೆಯ ಮೇಲಿದ್ದ ಗಾಯವನ್ನು ಗಮನಿಸಿದ್ದಾರೆ. ಗಾಯ ಆಳವಾಗಿಲ್ಲ, ಅಗತ್ಯ ಚಿಕಿತ್ಸೆ ನೀಡಲಾಗಿದೆ ಎಂದು ಅಂಗನವಾಡಿ ಸಿಬ್ಬಂದಿ ತಿಳಿಸಿದ್ದಾರೆ ಎಂದು ಮಗುವಿನ ತಂದೆ ತಿಳಿಸಿದ್ದಾರೆ. ರಾತ್ರಿ ಮಗು ತೀವ್ರ ಜ್ವರದಿಂದ ಬಳಲಿರುವುದು ಕಂಡುಬಂತು. ನಂತರ ಮಗುವನ್ನು ಸಮೀಪದ ಸರ್ಕಾರಿ ಆಸ್ಪತ್ರೆಗೆ ಮತ್ತು ಇಲ್ಲಿಂದ ಪರಿಯಾರಂ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ದಾಖಲಿಸಲಾಯಿತು. ಮಗುವಿಗೆ ಆಳವಾದ ಗಾಯಗಳಾಗಿದ್ದು, ಮಗುವನ್ನು ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜಿಗೆ ಸ್ಥಳಾಂತರಿಸುವಂತೆ ವೈದ್ಯರು ಸೂಚಿಸಿದರು. ಸದ್ಯ ಮಗು ಆಂತರಿಕ ರಕ್ತಸ್ರಾವಕ್ಕೆ ಚಿಕಿತ್ಸೆ ಪಡೆಯುತ್ತಿದೆ.

ಅಂಗನವಾಡಿ ಸಿಬ್ಬಂದಿ ಮಗುವಿಗೆ ಆಳವಾದ ಗಾಯದ ಬಗ್ಗೆ ಹೇಳದೆ ತಲೆಗೆ ಚಹಾ ಪುಡಿ ಹಚ್ಚಿ  ಚಿಕಿತ್ಸೆ ನೀಡಿದ್ದಾರೆ ಎಂದು ತಂದೆ ಧನೇಶ್ ಆರೋಪಿಸಿದ್ದಾರೆ. ನೌಕರರ ವಿರುದ್ಧ ದೂರು ದಾಖಲಿಸುವುದಾಗಿ ತಂದೆ ತಿಳಿಸಿದ್ದಾರೆ.