ಮುತ್ತೂಟ್ ಫೈನಾನ್ಸ್‍ನಲ್ಲಿ ಕಾರ್ಮಿಕರ ಮುಷ್ಕರ; ವಜಾಗೊಳಿಸಿದ ಕಾರ್ಮಿಕರನ್ನು ಪೂರ್ವಾನ್ವಯವಾಗಿ ಜಾರಿಗೆ ಬರುವಂತೆ ಪುನಃ ನೇಮಿಸಿಕೊಳ್ಳಲು ಆದೇಶ

ಕೊಚ್ಚಿ: ಎರ್ನಾಕುಳಂ ಜಿಲ್ಲಾ ಕಾರ್ಮಿಕ ನ್ಯಾಯಾಲಯವು ಮುತ್ತೂಟ್ ಫೈನಾನ್ಸ್‍ನಿಂದ ವಜಾಗೊಳಿಸಲಾದ 164 ಕಾರ್ಮಿಕರನ್ನು ಪೂರ್ವಾನ್ವಯವಾಗಿ ಜಾರಿಗೆ ಬರುವಂತೆ ಮರುನೇಮಕ ಮಾಡಲು ಆದೇಶಿಸಿದೆ. ಸುಮಾರು ಹತ್ತು ವರ್ಷಗಳಿಂದ ನಡೆಯುತ್ತಿರುವ ಕಾರ್ಮಿಕ ವಿವಾದದಲ್ಲಿ ಈ ತೀರ್ಪು ನೀಡಲಾಗಿದೆ.

ಕಾರ್ಮಿಕರ ಮುಷ್ಕರದ ನಂತರ ವಜಾಗೊಳಿಸಲಾದ ಎಲ್ಲರನ್ನು ನಾಲ್ಕು ತಿಂಗಳೊಳಗೆ ಪುನಃ ನೇಮಿಸಿಕೊಳ್ಳಲು ನಿರ್ದೇಶಿಸಲಾಗಿದೆ. ಸ್ವಯಂಪ್ರೇರಣೆಯಿಂದ ಹೊರಟುಹೋದವರನ್ನು ಮಾತ್ರ ಹಿಂದಕ್ಕೆ ಕರೆಸಿಕೊಳ್ಳುವ ಅಗತ್ಯವಿಲ್ಲ. ಹಣ ವಸೂಲಿ ಮಾಡದಿದ್ದರೆ ಶೇಕಡಾ ಆರು ಬಡ್ಡಿಯೊಂದಿಗೆ ಪರಿಹಾರವನ್ನು ನೀಡುವಂತೆ ನ್ಯಾಯಾಲಯ ಆದೇಶಿಸಿದೆ. ಕಾರ್ಮಿಕ ನ್ಯಾಯಾಲಯದ ಆದೇಶದ ವಿರುದ್ಧ ಮೇಲ್ಮನವಿ ಸಲ್ಲಿಸುವ ಆಯ್ಕೆಯನ್ನು ಮುತ್ತೂಟ್ ಫೈನಾನ್ಸ್ ಹೊಂದಿದೆ.

ಹಲವಾರು ಬಾರಿ ಮಧ್ಯಸ್ಥಿಕೆ ನಡೆಸಲಾಗಿದ್ದರೂ ಸಮಸ್ಯೆ ಬಗೆಹರಿದಿರಲಿಲ್ಲ. ಚರ್ಚೆ ಹದಿನೆಂಟು ಬಾರಿಗೂ ಹೆಚ್ಚು ನಡೆದಿತ್ತು. 

ಮುತ್ತೂಟ್ ಫಿನ್ಸ್‍ನ 43 ಶಾಖೆಗಳನ್ನು ಮುಚ್ಚಿ ಪ್ರತಿಭಟನೆ ನಡೆಸಿದ್ದರ ತರುವಾಯ ನೌಕರರನ್ನು ಕೆಲಸದಿಂದ ತೆಗೆದುಹಾಕಲಾಗಿತ್ತು.  ಹೈಕೋರ್ಟ್‍ನ ಹಸ್ತಕ್ಷೇಪದ ನಂತರ, ಮಧ್ಯವರ್ತಿ ಮತ್ತು ಹೆಚ್ಚುವರಿ ಕಾರ್ಮಿಕ ಆಯುಕ್ತರ ಮೇಲ್ವಿಚಾರಣೆಯಲ್ಲಿ ಮಾತುಕತೆಗಳು ನಡೆದವು, ಆದರೆ ಯಾವುದೇ ನಿರ್ಧಾರಕ್ಕೆ ಬರಲು ಸಾಧ್ಯವಾಗಿರಲಿಲ್ಲ.