ಹಿಂಜರಿಕೆ ಇಲ್ಲದೆ ಭರವಸೆಯ ಮಾತುಗಳನ್ನಾಡಿದ್ದ ಆಕೆಯ ಲೆಕ್ಕಾಚಾರವೇ ತಲೆಕೆಳಗಾಗಿ ಮೌನವಾದಳು ಯಾಕೆ?

ತಿರುವನಂತಪುರಂ: ಕುರುಡು ಪ್ರೀತಿಯಿಂದಾಗಿ ಶರೋನ್ ತನ್ನ ಕನಸು ಮತ್ತು ಜೀವನವನ್ನು ಕಳೆದುಕೊಂಡ ಹತಭಾಗ್ಯ. ಸಾವಿನಲ್ಲೂ ಅವನು ತನ್ನ ಪ್ರೀತಿಯ ಗ್ರೀಷ್ಮಾಳ ಕಣ್ಣೆದುರೇ ಇಹಲೋಕ ತ್ಯಜಿಸಿದ.

ಆದರೆ ಆ ಪ್ರೀತಿಯನ್ನು ಒಂದು ಬಾಧ್ಯತೆಯಾಗಿ ನೋಡುವುದೇ ಗ್ರೀಷ್ಮಾ ಈ ಅಪಾಯವನ್ನು ಎದುರಿಸಲು ಕಾರಣವಾಯಿತು. ಮರಣದಂಡನೆ ಶಿಕ್ಷೆ ತೀರ್ಪು ಕೇಳಿದಾಗ ಗ್ರೀಷ್ಮಾಳ ಕಣ್ಣುಗಳು ಆರಂಭದಲ್ಲಿ ತೇವವಾಗಿದ್ದವು, ಆದರೆ ನಂತರ ಅವಳು ಭಾವನೆಗಳಿಲ್ಲದೆ ನಿಂತಿರುವುದು ಕಂಡುಬಂದಿತು.

ಆದರೆ ಹಿಂದಿನ ತನಿಖೆಯ ಸಮಯದಲ್ಲಿ, ಗ್ರೀಷ್ಮಾ ಯಾವುದೇ ಭಯ ಅಥವಾ ಶಂಕಿತ ಎಂಬ ಭಾವನೆಯಿಲ್ಲದೆ ಪೋಲೀಸರೊಂದಿಗೆ ಮಾತನಾಡಿದ್ದಳು. ಈ ಪ್ರಕರಣವನ್ನು ತಿರುವನಂತಪುರಂ ಗ್ರಾಮೀಣ ಜಿಲ್ಲಾ ಅಪರಾಧ ವಿಭಾಗವು ತನಿಖೆ ನಡೆಸಿತ್ತು. ಪ್ರಕರಣದ ತನಿಖೆ ಅಂತಿಮ ಹಂತಕ್ಕೆ ಬಂದಾಗ, ತನಿಖಾ ತಂಡದಲ್ಲಿದ್ದ ಕೆಲವು ಅಧಿಕಾರಿಗಳು ಗ್ರೀಷ್ಮಳನ್ನು ತಿಳಿದುಕೊಳ್ಳಲು ವೈಯಕ್ತಿಕ ವಿಷಯಗಳ ಬಗ್ಗೆ ಮಾತನಾಡಿದರು.

ಆ ಸಂಭಾಷಣೆಯ ಸಮಯದಲ್ಲಿ ತನಿಖಾಧಿಕಾರಿಗಳು ಕೇಳಿದ ಪ್ರಮುಖ ಪ್ರಶ್ನೆಗಳಲ್ಲಿ ಒಂದು, ಅವರು ಶರೋನ್‍ನನ್ನು ಏಕೆ ಕೊಲ್ಲಲು ನಿರ್ಧರಿಸಿದರು ಎಂಬುದು. ಗ್ರೀಷ್ಮಾ ಯಾವುದೇ ಹಿಂಜರಿಕೆಯಿಲ್ಲದೆ ನಗುತ್ತಾ ಉತ್ತರಿಸಿದ್ದಳು.

ತನಗೆ ಶರೋನ್ ಜೊತೆ ಬದುಕುವ ಆಸೆ ಇದ್ದಿರಲಿಲ್ಲ. ಶರೋನ್ ನಲ್ಲಿ ಪ್ರೀತಿಯಿಂದ ಹಿಂತೆರಳಲು ಹೇಳಿದರೂ ಆತ ಪ್ರೀತಿ ಕೊನೆಗೊಳಿಸಲು ಉತ್ಸಾಹ ತೋರಿಸಿರಲಿಲ್ಲ. ಬಳಿಕ ಕೊಲ್ಲುವುದನ್ನು ಬಿಟ್ಟು ಬೇರೆ ದಾರಿ ಇರಲಿಲ್ಲ. ನನಗೆ ಶಿಕ್ಷೆಯಾಗುತ್ತದೆ ಎಂದು ನನಗೆ ತಿಳಿದಿದೆ. ಆರೋಪ ಸಾಬೀತಾದರೆ ಜೀವಾವಧಿ ಶಿಕ್ಷೆಯಾಗುತ್ತದೆ. ಅಂದರೆ 14 ವರ್ಷಗಳು. ನಂತರ, ತಮಗೆ 38 ವರ್ಷ ತುಂಬಿದಾಗ,  ಜೈಲಿನಿಂದ ಬಿಡುಗಡೆಯಾಗುವೆ. ಅದಾದ ನಂತರ ನಾನು ಬದುಕುತ್ತೇನೆ ಎಂದಿದ್ದಳು. ಇದನ್ನು ಕೇಳಿ ಅಧಿಕಾರಿಗಳು ಕೂಡ ಆಘಾತಕ್ಕೊಳಗಾದರು. ಆದರೆ ಗ್ರೀಷ್ಮಾ ಇಂದು ತನ್ನ ಲೆಕ್ಕಾಚಾರಗಳು ತಪ್ಪಾಗಿವೆ ಎಂದು ಭಾವಿಸುತ್ತಿರಬಹುದು.