ಪಿಎಸ್‍ಎಸ್‍ಸಿ ಅಧ್ಯಕ್ಷರು ಮತ್ತು ಸದಸ್ಯರ ವೇತನ ಹೆಚ್ಚಳಕ್ಕೆ ಅನುಮೋದನೆ, ಅಧ್ಯಕ್ಷರಿಗೆ 4 ಲಕ್ಷ ರೂ. ಮತ್ತು ಸದಸ್ಯರಿಗೆ 3.75 ಲಕ್ಷ ರೂ. ಹೆಚ್ಚಳ

ತಿರುವನಂತಪುರಂ: ಪಿಎಸ್‍ಎಸ್‍ಸಿ ಅಧ್ಯಕ್ಷರು ಮತ್ತು ಸದಸ್ಯರ ವೇತನವನ್ನು ಹೆಚ್ಚಿಸಲು ಸಂಪುಟ ಸಭೆಯಲ್ಲಿ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ರಾಜ್ಯದ ಆರ್ಥಿಕ ಪರಿಸ್ಥಿತಿ ತೀವ್ರ ಸಂಕಷ್ಟದಲ್ಲಿದೆ ಎಂದು ಆರೋಪಿಸಿ ಸಚಿವಾಲಯದ ಮುಂದೆ ಪ್ರತಿಭಟನೆ ನಡೆಸುತ್ತಿರುವ ಆಶಾ ಕಾರ್ಯಕರ್ತೆಯರಿಗೆ ವೇತನ ಹೆಚ್ಚಳ ಮಾಡದೆ, ಪಿಎಸ್‍ಸಿ ಅಧ್ಯಕ್ಷರು ಮತ್ತು ಸದಸ್ಯರಿಗೆ ಹೆಚ್ಚಿನ ಸಂಬಳ ನೀಡಲೂ ತೀರ್ಮಾನಿಸಲಾಗಿದೆ. 

ಅಧ್ಯಕ್ಷರಿಗೆ 4 ಲಕ್ಷ ರೂ. ಮತ್ತು ಸದಸ್ಯರಿಗೆ 3.75 ಲಕ್ಷ ರೂ. ವೇತನ ನೀಡುವಂತೆ ಪಿಎಸ್‍ಸಿ ಕಳುಹಿಸಿದ್ದ ಪತ್ರವನ್ನು ಆಧರಿಸಿ ಸಚಿವ ಸಂಪುಟ ಸಭೆಯ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ಪಿಎಸ್‍ಸಿ ಅಧ್ಯಕ್ಷರು ಮತ್ತು ಸದಸ್ಯರ ವೇತನ ಪರಿಷ್ಕರಣೆ ಕೋರಿಕೆಯನ್ನು ಸಂಪುಟ ಸಭೆ ಅನುಮೋದಿಸಲಿದೆ ಎಂದು ಸರ್ಕಾರ ಘೋಷಿಸಿದೆ. ಇದರೊಂದಿಗೆ, ಅಧ್ಯಕ್ಷರು ಜಿಲ್ಲಾ ನ್ಯಾಯಾಧೀಶರ ಸೂಪರ್‍ಟೈಮ್ ಸ್ಕೇಲ್‍ನಲ್ಲಿ ಸಂಬಳವನ್ನು ಪಡೆಯುತ್ತಾರೆ. ಪಿಎಸ್‍ಸಿ ಸದಸ್ಯರು ಜಿಲ್ಲಾ ನ್ಯಾಯಾಧೀಶರ ಆಯ್ಕೆ ದರ್ಜೆಯ ವೇತನವನ್ನು ಪಡೆಯಲಿದ್ದಾರೆ. 

ಕೇರಳದಲ್ಲಿ 20 ಪಿಎಸ್‍ಸಿ ಸದಸ್ಯರಿದ್ದಾರೆ. ಅಧ್ಯಕ್ಷರು ಮತ್ತು ಕಾರ್ಯದರ್ಶಿ ಸೇರಿದಂತೆ 21 ಸದಸ್ಯರಿದ್ದಾರೆ. ಇತರ ರಾಜ್ಯಗಳಲ್ಲಿನ ಪಿಎಸ್‍ಸಿ ಸದಸ್ಯರ ಸೇವಾ ವೇತನ ಷರತ್ತುಗಳನ್ನು ಆಧರಿಸಿ ಈ ಹೆಚ್ಚಳ ಮಾಡಲಾಗಿದೆ ಎಂಬುದು ಸರ್ಕಾರದ ವಿವರಣೆ. ಅಧ್ಯಕ್ಷರ ಮೂಲ ವೇತನ ರೂ. 76,000. ಅಧ್ಯಕ್ಷರು ಭತ್ಯೆ ಸೇರಿದಂತೆ ತಿಂಗಳಿಗೆ 2.30 ಲಕ್ಷ ರೂ.ಗಳನ್ನು ಪಡೆಯುತ್ತಾರೆ. ಸದಸ್ಯರಿಗೆ ಮೂಲ ವೇತನ 70,000 ರೂ. ಭತ್ಯೆ ಸೇರಿದಂತೆ  2.26 ಲಕ್ಷ ರೂ. ಲಭಿಸಲಿದೆ. 

ಪಿಎಸ್‍ಸಿ ಸದಸ್ಯರ ಅವಧಿ ಆರು ವರ್ಷಗಳು. ಪಿಎಸ್‍ಸಿ ಅಧ್ಯಕ್ಷರು ಮತ್ತು ಸದಸ್ಯರನ್ನು ರಾಜಕೀಯ ಪರಿಗಣನೆಗಳ ಆಧಾರದ ಮೇಲೆ ನೇಮಿಸಲಾಗುತ್ತದೆ. ಆಡಳಿತಾರೂಢ ಒಕ್ಕೂಟದ ಪಕ್ಷಗಳು ಪಿಎಸ್‍ಸಿ ಸದಸ್ಯತ್ವವನ್ನು ಪ್ರತ್ಯೇಕವಾಗಿ ಆಯ್ಕೆಮಾಡುವುದು ವಾಡಿಕೆ. ಲಕ್ಷಾಂತರ ರೂಪಾಯಿ ಲಂಚ ನೀಡಿ ಅನೇಕ ಜನರು ಪಿಎಸ್‍ಸಿ ಸದಸ್ಯರಾಗಿರುವರು ಎಂದು ಹೇಳಲಾಗುತ್ತಿದೆ.

ಅಧ್ಯಕ್ಷರು ಮತ್ತು ಸದಸ್ಯರು ಜೀವಮಾನವಿಡೀ ಪಿಂಚಣಿ ಪಡೆಯುತ್ತಾರೆ. ಕೇರಳವು ದೇಶದಲ್ಲೇ ಅತಿ ದೊಡ್ಡ ಸಾರ್ವಜನಿಕ ಸೇವಾ ಆಯೋಗವನ್ನು ಹೊಂದಿದೆ.

ಸರ್ಕಾರವು ಪಿಎಸ್‍ಸಿ ಸದಸ್ಯರು ಮತ್ತು ಅಧ್ಯಕ್ಷರಿಗೆ ಕಾರುಗಳು, ಮನೆ ಬಾಡಿಗೆ ಇತ್ಯಾದಿಗಳನ್ನು ಒಳಗೊಂಡಂತೆ ಅಪಾರ ಪ್ರಮಾಣದ ಹಣವನ್ನು ಖರ್ಚು ಮಾಡುತ್ತದೆ. ಅಧ್ಯಕ್ಷರು ರಾಜ್ಯ ಮುಖ್ಯ ಕಾರ್ಯದರ್ಶಿಗೆ ಸಮಾನವಾದ ಸವಲತ್ತುಗಳನ್ನು ಪಡೆಯುತ್ತಾರೆ. ಈ ಹೆಚ್ಚಳವು ಪಿಎಸ್‍ಸಿ ಸದಸ್ಯರ ಪಿಂಚಣಿಗಳಿಗೂ ಅನ್ವಯಿಸುತ್ತದೆ.

ತಮಿಳುನಾಡು ಪಿ.ಎಸ್.ಸಿ.ಯಲ್ಲಿ 14 ಸದಸ್ಯರು, ಕರ್ನಾಟಕ ಪಿ.ಎಸ್.ಸಿ.ಯಲ್ಲಿ 13 ಸದಸ್ಯರು ಮತ್ತು ಯು.ಪಿ.ಎಸ್.ಸಿ. ಯಲ್ಲಿ ಒಂಬತ್ತು ಸದಸ್ಯರಿದ್ದಾರೆ.