ರಾಜ್ಯದಲ್ಲಿ ಮತ್ತೊಂದು ಕಾಡಾನೆ ದಾಳಿ; ಆನೆ ತುಳಿದು ಬುಡಕಟ್ಟು ವ್ಯಕ್ತಿಯ ಸಾವು

ತ್ರಿಶೂರ್: ರಾಜ್ಯದಲ್ಲಿ ಮತ್ತೊಂದು ಕಾಡಾನೆ ದಾಳಿ ಇಂದು ಘಟಿಸಿದ್ದು ಒಬ್ಬ ವ್ಯಕ್ತಿ ಬಲಿಯಾಗಿದ್ದಾರೆ. ತ್ರಿಶೂರಿನ ತಾಮರವೆಲ್ಲಚಲ್ ಪ್ರದೇಶದಲ್ಲಿ ಕಾಡಾನೆ ದಾಳಿಗೆ ವ್ಯಕ್ತಿಯೊಬ್ಬರು ಸಾವನ್ನಪ್ಪಿದ್ದಾರೆ.

ಮೃತ ವ್ಯಕ್ತಿಯನ್ನು ಥಾಮರ ವೆಲ್ಲಚಲ್ ಮೂಲದ ಪ್ರಭಾಕರನ್ (60) ಎಂದು ಗುರುತಿಸಲಾಗಿದೆ. ಅರಣ್ಯ ಸಂಪತ್ತನ್ನು ಸಂಗ್ರಹಿಸಲು ಕಾಡೊಳಗೆ ತೆರಳಿದ್ದಾಗ ಪ್ರಭಾಕರನ್ ಆನೆಯಿಂದ ತುಳಿತಕ್ಕೊಳಗಾಗಿ  ಸಾವನ್ನಪ್ಪಿದರು. ದೇಹ ಕಾಡೊಳಗೆ ಛಿದ್ರ ಸ್ಥಿತಿಯಲ್ಲಿ ಕಂಡುಬಂದಿದೆ. 

ಕಾಡಾನೆಯ ದಾಳಿ ಒಳ ಕಾಡಿನಲ್ಲಿ ನಡೆದಿದೆ. ಸ್ಥಳೀಯರು ಈ ಘಟನೆ ಬಗ್ಗೆ ಮಾಹಿತಿ ನೀಡಿದ ನಂತರ ಘಟನೆ ಬೆಳಕಿಗೆ ಬಂದಿದೆ. ಪೀಚಿ ಅರಣ್ಯ ಇಲಾಖೆಯ ಅಧಿಕಾರಿಗಳು ಮತ್ತು ಸಾರ್ವಜನಿಕ ಕಾರ್ಯಕರ್ತರ ತಂಡವನ್ನು ಘಟನಾ ಸ್ಥಳಕ್ಕೆ ರವಾನಿಸಲಾಗಿದೆ. ಈ ಪ್ರದೇಶವು ಪೀಚಿ ಅರಣ್ಯ ಪ್ರದೇಶದ ಪಕ್ಕದಲ್ಲಿದೆ. ಇಂದು ಬೆಳಿಗ್ಗೆ ಅವರು ಮೃತ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಪ್ರಭಾಕರನ್, ಅವನ ಪುತ್ರ ಮತ್ತು ಅಳಿಯ ಜೊತೆಜೊತೆಗೆ ಕಾಡಿಗೆ ತೆರಳಿದ್ದರು. 

ಆನೆ ದಾಳಿಯಲ್ಲಿ ಪ್ರಭಾಕರನ್ ಸಾವನ್ನಪ್ಪಿದ ಬಗ್ಗೆ ಸ್ಥಳೀಯರಿಗೆ ಮಾಹಿತಿ ನೀಡಿದವರು ಅವರ ಜೊತೆಗಿದ್ದವರೇ. ಅರಣ್ಯ ಇಲಾಖೆ ಅಧಿಕಾರಿಗಳು ಬಂದ ನಂತರವೇ ಇತರ ಕ್ರಮಗಳನ್ನು ಕೈಗೊಳ್ಳಲಾಗುವುದು.