ವಯನಾಡಿನಲ್ಲಿ ಮತ್ತೆ ಕಾಡಾನೆ ದಾಳಿ: ಯುವಕನ ದಾರುಣ ಅಂತ್ಯ, ಪತ್ನಿ ನಾಪತ್ತೆ

ವಯನಾಡು: ಸುಲ್ತಾನ್ ಬತ್ತೇರಿ ನೂಲ್ಪುಳದಲ್ಲಿ ಕಾಡಾನೆ ದಾಳಿಗೆ ಯುವಕನೋರ್ವ ಸಾವನ್ನಪ್ಪಿದ್ದಾನೆ.  ಕಪ್ಪಡ್ ಉನ್ನತಿಯ ಮನು (45) ಮೃತರು.  ನಿನ್ನೆ ಸಂಜೆ ಅಂಗಡಿಯಿಂದ ವಾಪಸ್ ಬರುತ್ತಿದ್ದಾಗ ಈ ಘಟನೆ ನಡೆದಿದೆ. 

ಮನೆ ಸಮೀಪದ ಹೊಲದಲ್ಲಿ ಶವ ಪತ್ತೆಯಾಗಿದೆ.  ಮನು ಮೃತದೇಹದ ಬಳಿ ಕಾಡಾನೆಯ ಹೆಜ್ಜೆ ಗುರುತುಗಳು ಪತ್ತೆಯಾಗಿವೆ.  ವಿಚಾರಣೆ ಪೂರ್ಣಗೊಂಡು ಶವವನ್ನು ಮರಣೋತ್ತರ ಪರೀಕ್ಷೆಗೆ ಕೊಂಡೊಯ್ಯಲಾಯಿತು.
ಮನು ಅವರ ಪತ್ನಿ ಜೊತೆಗಿದ್ದರು ಎಂದು ಸೂಚಿಸಲಾಗಿದೆ.  ಆದರೆ, ಅವರ ಪತ್ನಿ ಇನ್ನೂ ಪತ್ತೆಯಾಗಿಲ್ಲ.  ಮಂಗಳವಾರ ಬೆಳಗ್ಗೆ ಅರಣ್ಯದ ಪಕ್ಕದ ಗದ್ದೆಯಲ್ಲಿ ಮನು ಶವ ಪತ್ತೆಯಾಗಿದೆ. ನಿನ್ನೆ ಇಡುಕ್ಕಿಯಲ್ಲಿ ಕಾಡಾನೆ ದಾಳಿಗೆ
45 ವರ್ಷದ ಮಹಿಳೆ ಸಾವನ್ನಪ್ಪಿದ್ದರು.  ಇದರ ಆಘಾತ ಮಾಸುವ ಮುನ್ನವೇ  ಮತ್ತೊಂದು ಘಟನೆ ನಡೆದಿದೆ.  

ನಿನ್ನೆ ಸಂಜೆ 6 ಗಂಟೆ ಸುಮಾರಿಗೆ ಪೆರುವಂತನಂ ಬಳಿಯ ಮಟಂಬ ಕೊಂಪನ್‌ಪಾರಾ ಎಂಬಲ್ಲಿ ಸೋಫಿಯಾ ಇಸ್ಮಾಯಿಲ್ ಎಂಬಾಕೆಯನ್ನು ಕಾಡಾನೆ ಕೊಂದು ಹಾಕಿತ್ತು.
ಟಿಆರ್ ಅಂಡ್ ಟಿ ಎಸ್ಟೇಟ್ ನಲ್ಲಿ ದಾಳಿ ನಡೆದಿದೆ.  ಸೋಫಿ ಸ್ನಾನ ಮಾಡಲು ಮನೆ ಸಮೀಪದ ಹೊಳೆಗೆ ಹೋಗಿದ್ದು, ಆನೆ ತುಳಿದು ಸಾವನ್ನಪ್ಪಿದ್ದರು.  ಬಹಳ ಸಮಯದಿಂದ ಸೋಫಿಯಾಳನ್ನು ಕಾಣಿಸದ ನಂತರ ಆಕೆಯ ಪುತ್ರ  ಹುಡುಕಲು ಹೋದಾಗ ಹೊಳೆ ಬಳಿ ಆನೆಯಿಂದ ತುಳಿದು ಸಾವನ್ನಪ್ಪಿರುವುದು ಕಂಡುಬಂತು.