ಫಾಸ್ಟ್ ಟ್ರ್ಯಾಕ್ ವಿಶೇಷ ನ್ಯಾಯಾಲಯಗಳಲ್ಲಿ ಆಫೀಸ್ ಅಟೆಂಡೆಂಟ್, ಪ್ಯೂನ್ ಹುದ್ದೆಗೆ ಅರ್ಜಿ ಅಹ್ವಾನ

ಕಾಸರಗೋಡು: ಜಿಲ್ಲೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಫಾಸ್ಟ್ ಟ್ರ್ಯಾಕ್ ವಿಶೇಷ ನ್ಯಾಯಾಲಯಗಳಲ್ಲಿ ಕಂಪ್ಯೂಟರ್ ಅಸಿಸ್ಟೆಂಟ್, ಎಲ್.ಡಿ ಟೈಪಿಸ್ಟ್, ಆಫೀಸ್ ಅಟೆಂಡೆಂಟ್, ಹಾಗೂ ಪ್ಯೂನ್ ಇತ್ಯಾದಿ ಹುದ್ದೆಗಳಿಗೆ ಗುತ್ತಿಗೆ ಆಧಾರದ ಮೇಲೆ ನೇಮಕಾತಿ ನಡೆಯಲಿದ್ದು,  ಅರ್ಹರಾಗಿರುವ ನಿವೃತ್ತ ನ್ಯಾಯಾಲಯ ನೌಕರರು ಮತ್ತು ಇತರ ಸರ್ಕಾರಿ ನೌಕರರಿಂದ ಅರ್ಜಿ ಆಹ್ವಾನಿಸಲಾಗಿದೆ. 

ಕಂಪ್ಯೂಟರ್ ಅಸಿಸ್ಟೆಂಟ್, ಎಲ್.ಡಿ ಟೈಪಿಸ್ಟ್ ಹುದ್ದೆಯ ಮಾಸಿಕ ವೇತನ 21,175 ರೂ ಆಗಿದೆ. ಆಫೀಸ್ ಅಟೆಂಡೆಂಟ್, ಪ್ಯೂನ್ ಹುದ್ದೆಯ ತಿಂಗಳ ವೇತನ 18,390 ರೂ ಆಗಿದೆ. ಪಿ.ಎಸ್.ಸಿ ನಿಶ್ಚಯಿಸಿದ ಯೋಗ್ಯತೆ ಮತ್ತು ಐದು ವರ್ಷಗಳ ಕೆಲಸದ ಅನುಭವ ಆರ್ಹತೆಯಾಗಿದೆ. ಅರ್ಜಿದಾರರು 62 ವರ್ಷಗಳನ್ನು ಪೂರ್ಣಗೊಳಿಸಿರಬಾರದು. 62 ವರ್ಷ ಪೂರ್ಣಗೊಂಡ ನಂತರ ಅವರನ್ನು ಸೇವೆಯಿಂದ ವಜಾಗೊಳಿಸಲಾಗುವುದು. ಜಿಲ್ಲಾ ನ್ಯಾಯಾಧೀಶರು ಮತ್ತು ಸರ್ಕಾರದ ಪರವಾಗಿ ನೇಮಕಗೊಳ್ಳುವ ವ್ಯಕ್ತಿಯ ನಡುವೆಯಿರುವ ಒಪ್ಪಂದವನ್ನು ನಮೂದಿಸಬೇಕು. ನಿಗದಿತ ನಮೂನೆಯ ಅರ್ಜಿಗಳನ್ನು, ವಯೋಮಿತಿ ಮತ್ತು ಅರ್ಹ ಕೆಲಸದ ಅನುಭವವನ್ನು ದೃಢೀಕರಿಸುವ ಪ್ರಮಾಣಪತ್ರಗಳೊಂದಿಗೆ ದೃಢೀಕರಿಸಿದ ಪ್ರತಿಗಳ ಸಹಿತ ಜಿಲ್ಲಾ ನ್ಯಾಯಾಧೀಶರು, ಜಿಲ್ಲಾ ನ್ಯಾಯಾಲಯ, ಕಾಸರಗೋಡು-671123  ಎಂಬ ವಿಳಾಸಕ್ಕೆ ಎಪ್ರಿಲ್ 15ರ ಮೊದಲು ನೇರವಾಗಿ ಆಥವಾ ಅಂಚೆ ಮೂಲಕ ಅರ್ಜಿ ಸಲ್ಲಿಸಬಹುದು. ಕವರಿನ ಮೇಲೆ ವಿಶೇಷವಾಗಿ ಗುತ್ತಿಗೆ ನೇಮಕಾತಿಗಾಗಿರುವ ಅರ್ಜಿ ಎಂದು ನಮೂದಿಸಬೇಕು. ಹೆಚ್ಚಿನ ವಿವರಗಳಿಗಾಗಿ https://districts.ecourts.gov.in/kasaragod  ಎಂಬ ವೆಬ್‍ಸೈಟ್ ನ್ನು ಸಂದರ್ಶಿಸಬಹುದು. ಇ ಬಗ್ಗೆ ಮಾಹಿತಿಗಾಗಿ ದೂರವಾಣಿ ಸಂಕ್ಯೆ(04994-256390)ಸಂಪರ್ಕಿಸುವಮತೆ ಪ್ರಕಟಣೆ ತಿಳಿಸಿದೆ.