ಹಸ್ತಾಂತರಕ್ಕೆ ತಡೆ: ತಹವ್ವುರ್‌ ರಾಣಾ ಅರ್ಜಿ ತಿರಸ್ಕಾರ

ನ್ಯೂಯಾರ್ಕ್: ಭಾರತದ ವಶಕ್ಕೆ ಒಪ್ಪಿಸುವ ಕುರಿತ ಆದೇಶಕ್ಕೆ ತಡೆಯಾಜ್ಞೆ ಕೋರಿ ಮುಂಬೈನಲ್ಲಿ ದಾಳಿಯ ಕೃತ್ಯದ ಆರೋಪಿ ತಹವ್ವುರ್ ರಾಣಾ ಸಲ್ಲಿಸಿದ್ದ ಅರ್ಜಿಯನ್ನು ಅಮೆರಿಕದ ಸುಪ್ರೀಂ ಕೋರ್ಟ್‌ ತಳ್ಳಿಹಾಕಿದೆ.

ಪಾಕಿಸ್ತಾನದ ಮೂಲದ, ಕೆನಡಾ ಪ್ರಜೆಯಾಗಿರುವ 64 ವರ್ಷ ವಯಸ್ಸಿನ ರಾಣಾ ಪ್ರಸ್ತುತ ಲಾಸ್‌ ಏಂಜಲೀಸ್‌ನ ಜೈಲಿನಲ್ಲಿ ಇದ್ದಾನೆ.

ರಾಣಾ ಅರ್ಜಿಯನ್ನು ತಿರಸ್ಕರಿಸಲಾಗಿದೆ ಎಂಬುದನ್ನು ಸುಪ್ರೀಂ ಕೋರ್ಟ್‌ ತನ್ನ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ.