ಪಾಕಿಸ್ತಾನಿ ನಾಗರಿಕರು ತೆರಳುವಂತೆ ನೀಡಿದ್ದ ನೋಟೀಸ್ ಹಿಂಪಡೆಯಲಿರುವ ಪೋಲೀಸರು

ಕೋಝಿಕ್ಕೋಡ್: ಪಾಕಿಸ್ತಾನಿ ಪ್ರಜೆಗಳಿಗೆ ದೇಶ ಬಿಟ್ಟು ಹೋಗುವಂತೆ ನೀಡಲಾಗಿದ್ದ ನೋಟಿಸ್ ಅನ್ನು ಪೋಲೀಸರು ಹಿಂಪಡೆಯಲಿದ್ದಾರೆ. ಉನ್ನತ ಮಟ್ಟದ ನಿರ್ದೇಶನದ ನಂತರ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಕೋಝಿಕ್ಕೋಡ್ ಗ್ರಾಮೀಣ ಪೋಲೀಸ್ ವ್ಯಾಪ್ತಿಯಲ್ಲಿ ಮೂವರಿಗೆ ನೋಟಿಸ್ ನೀಡಲಾಗಿತ್ತು. ಪಾಕಿಸ್ತಾನಿ ನಾಗರಿಕರು ದೀರ್ಘಾವಧಿಯ ವೀಸಾಗಳಿಗೆ ಅರ್ಜಿ ಸಲ್ಲಿಸಿದ್ದರು. 

ಈ ವಿನಂತಿಯನ್ನು ಪರಿಗಣಿಸಿ ಅವರಿಗೆ ನೀಡಲಾದ ನೋಟಿಸ್ ಅನ್ನು ಹಿಂಪಡೆಯಲಾಗುತ್ತಿದೆ ಎಂದು ಪೋಲೀಸರು ವಿವರಿಸಿರುವರು. ಕೋಝಿಕ್ಕೋಡ್ ಜಿಲ್ಲೆಯ ಐದು ಪಾಕಿಸ್ತಾನಿ ನಾಗರಿಕರಿಗೆ ನೋಟಿಸ್ ಜಾರಿ ಮಾಡಬೇಕಿತ್ತು. ಪೆÇಲೀಸರು ಮೂವರಿಗೆ ನೋಟಿಸ್ ಜಾರಿ ಮಾಡಿದ್ದರು. 

ಅವರ ಸೂಚನೆಯನ್ನು ಹಿಂಪಡೆಯಲು ನಿರ್ಧರಿಸಲಾಗಿದೆ. ಕೊಯಿಲಾಂಡಿ ಮೂಲದ ಹಮ್ಜಾ ಅವರಿಗೆ ನೀಡಲಾಗಿದ್ದ ನೋಟಿಸ್ ಅನ್ನು ಪೋಲೀಸರು ಈಗಾಗಲೇ ಹಿಂತೆಗೆದುಕೊಂಡಿದ್ದಾರೆ. ಅವರ ಬಳಿ ಸಾಕಷ್ಟು ದಾಖಲೆಗಳಿಲ್ಲದ ಕಾರಣ ದೇಶ ಬಿಟ್ಟು ಹೋಗುವಂತೆ ನೋಟಿಸ್‍ನಲ್ಲಿ ತಿಳಿಸಲಾಗಿತ್ತು.

ಹಮ್ಸಾ 2007 ರಿಂದ ಕೇರಳದ ಖಾಯಂ ನಿವಾಸಿಯಾಗಿದ್ದಾರೆ. 1965 ರಲ್ಲಿ, ಅವರು ವ್ಯಾಪಾರ ಉದ್ದೇಶಗಳಿಗಾಗಿ ಪಾಕಿಸ್ತಾನಕ್ಕೆ ಹೋದರು. ನಂತರ ಅವರು ಅಲ್ಲಿ ಕೆಲಸ ಮಾಡಿದರು. ಬಾಂಗ್ಲಾದೇಶ ವಿಭಜನೆಯ ಸಮಯದಲ್ಲಿ ಹಮ್ಜಾ ಪಾಕಿಸ್ತಾನದ ಪೌರತ್ವವನ್ನು ಪಡೆದರು. ನಂತರ, 2007 ರಲ್ಲಿ, ಅವರು ದೀರ್ಘಾವಧಿಯ ವೀಸಾದ ಮೇಲೆ ಭಾರತಕ್ಕೆ ಬಂದರು.

ಪೆÇಲೀಸರ ಅಂಕಿಅಂಶಗಳ ಪ್ರಕಾರ, ಕೇರಳದಲ್ಲಿ 104 ಪಾಕಿಸ್ತಾನಿ ನಾಗರಿಕರಿದ್ದಾರೆ. 45 ಜನರು ದೀರ್ಘಾವಧಿಯ ವೀಸಾಗಳಲ್ಲಿ, 55 ಜನರು ಸಂದರ್ಶಕ ವೀಸಾಗಳಲ್ಲಿ ಮತ್ತು ಮೂವರು ವೈದ್ಯಕೀಯ ಚಿಕಿತ್ಸೆಗಾಗಿ ಬಂದಿದ್ದಾರೆ. ದೇಶವನ್ನು ಅಕ್ರಮವಾಗಿ ಪ್ರವೇಶಿಸಿದ್ದಕ್ಕಾಗಿ ಒಬ್ಬ ವ್ಯಕ್ತಿ ಜೈಲಿನಲ್ಲಿದ್ದಾನೆ.